Read Chichewa Buku Lopatulika Bible 2014 MLALIKI 6 Bible Online

MLALIKI 6 - Chichewa Buku Lopatulika Bible 2014 bible

MLALIKI 6

¹Pali choipa ndachiona kunja kuno chifalikira mwa anthu,

²munthu amene Mulungu wamlemeretsa nampatsa chuma ndi ulemu, mtima wake susowa kanthu kena ka zonse azifuna, koma Mulungu osampatsa mphamvu ya kudyapo, koma mlendo adyazo; ichi ndi chabe ndi nthenda yoipa.

³Chinkana munthu akabala ana makumi khumi, nakhala ndi moyo zaka zambiri, masiku a zaka zake ndi kuchuluka, koma mtima wake osakhuta zabwino, ndiponso alibe maliro; nditi, Nsenye iposa ameneyo;

⁴pakuti ikudza mwachabe, nichoka mumdima, mdima nukwirira dzina lake.

⁵Ngakhale dzuwa siliona ngakhale kulidziwa, imeneyi ipambana winayo kupuma;

⁶akakhala ndi moyo zaka zikwi ziwiri, koma osakondwera; kodi onse sapita kumalo amodzi?

⁷Ntchito zake zonse munthu angogwirira m'kamwa mwake, koma mtima wake sukhuta.

⁸Pakuti wanzeru ali ndi chiyani choposa chitsiru? Waumphawi wodziwa kuyenda pamaso pa amoyo ali ndi chiyani?

⁹Kupenya kwa maso kuposa kukhumba kwa mtima; ichinso ndi chabe ndi kungosautsa mtima.

¹⁰Chomwe chinalipo chatchedwa dzina lake kale, chidziwika kuti ndiye munthu; sakhoza kulimbana ndi womposa mphamvu.

¹¹Pokhala zinthu zambiri zingochulukitsa zachabe, kodi anthu aona phindu lanji?

¹²Pakuti ndani adziwa chomwe chili chabwino kwa munthu ali ndi moyo masiku onse a moyo wake wachabe umene autsiriza ngati mthunzi? Pakuti ndani adzauza munthu chimene chidzaoneka m'tsogolo mwake kunja kuno?