Read Chichewa Buku Lopatulika Bible 2014 YESAYA 12 Bible Online

YESAYA 12 - Chichewa Buku Lopatulika Bible 2014 bible

YESAYA 12

¹Tsiku lomwelo udzati, Ndikuyamikani inu Yehova; pakuti ngakhale munandikwiyira, mkwiyo wanu wachoka, ndipo mutonthoza mtima wanga.

²Taonani, Mulungu ndiye chipulumutso changa; ndidzakhulupirira, sindidzaopa; pakuti Yehova Mwini ndiye mphamvu yanga ndi nyimbo yanga, Iye ndiye chipulumutso changa.

³Chifukwa chake mudzakondwera pakutunga madzi m'zitsime za chipulumutso.

⁴Tsiku lomwelo mudzati, Muyamikire Yehova, bukitsani dzina lake, mulalikire machitidwe ake mwa mitundu ya anthu, munene kuti dzina lake lakwezedwa.

⁵Muimbire Yehova; pakuti wachita zaulemerero; chidziwike ichi m'dziko lonse.

⁶Tafuula, takuwa iwe, wokhala m'Ziyoni, chifukwa Woyera wa Israele wa m'kati mwako ali wamkulu.