Read Chichewa Buku Lopatulika Bible 2014 NUMERI 33 Bible Online

NUMERI 33 - Chichewa Buku Lopatulika Bible 2014 bible

NUMERI 33

¹Maulendo a ana a Israele amene anatuluka m'dziko la Ejipito monga mwa makamu ao, ndi dzanja la Mose ndi Aroni, ndi awa.

²Ndipo Mose analembera matulukidwe ao monga mwa maulendo ao, monga mwa mau a Yehova; ndipo maulendo ao ndi awa monga mwa matulukidwe ao.

³Ndipo anachokera ku Ramsesi mwezi woyamba, tsiku lakhumi ndi chisanu la mwezi woyamba; atachita Paska m'mawa mwake ana a Israele, anatuluka ndi dzanja lokwezeka pamaso pa Aejipito onse,

⁴pamene Aejipito analikuika oyamba kubadwa ao onse, amene Yehova adawakantha; Yehova adaweruzanso milungu yao.

⁵Ndipo ana a Israele anachokera ku Ramsesi, nayenda namanga ku Sukoti.

⁶Nachokera ku Sukoti, nayenda namanga m'Etamu, ndiko ku malekezero a chipululu.

⁷Ndipo anachokera ku Etamu, nayenda nabwerera ku Pihahiroti, ndiko kutsogolo kwake kwa Baala-Zefoni; namanga iwo patsogolo pa Migidoli.

⁸Ndipo anachokera ku Pihahiroti, naoloka pakati pa nyanja nalowa m'chipululu; nayenda ulendo wa masiku atatu m'chipululu cha Etamu, namanga m'Mara.

⁹Ndipo anachokera ku Mara, nayenda nafika ku Elimu, ku Elimu ndiko kuli akasupe khumi ndi awiri a madzi, ndi akanjedza makumi asanu ndi awiri; namanga iwo komweko.

¹⁰Ndipo anachokera ku Elimu, nayenda namanga ku Nyanja Yofiira.

¹¹Nachokera ku Nyanja Yofiira, nayenda namanga m'chipululu cha Sini.

¹²Nachokera ku chipululu cha Sini, nayenda namanga m'Dofika.

¹³Nachokera ku Dofika, nayenda namanga m'Alusi.

¹⁴Nachokera ku Alusi, nayenda namanga m'Refidimu; kumeneko kunalibe madzi kuti anthu amwe.

¹⁵Ndipo anachokera ku Refidimu, nayenda namanga m'chipululu cha Sinai.

¹⁶Nachokera ku chipululu cha Sinai, nayenda namanga m'Kibroti-Hatava.

¹⁷Nachokera ku Kibroti-Hatava, nayenda namanga m'Hazeroti.

¹⁸Nachokera ku Hazeroti, nayenda namanga m'Ritima.

¹⁹Nachokera ku Ritima, nayenda namanga m'Rimoni-Perezi.

²⁰Nachokera ku Rimoni-Perezi, nayenda namanga m'Libina.

²¹Nachokera ku Libina, nayenda namanga m'Risa.

²²Nachokera Risa, nayenda namanga m'Kehelata.

²³Nachokera ku Kehelata, nayenda namanga m'phiri la Sefera.

²⁴Nachokera kuphiri la Sefera, nayenda namanga m'Harada.

²⁵Nachokera ku Harada, nayenda namanga m'Makeloti.

²⁶Nachokera ku Makeloti, nayenda namanga m'Tahata.

²⁷Nachokera ku Tahata, nayenda namanga m'Tera.

²⁸Nachokera ku Tera, nayenda namanga m'Mitika.

²⁹Nachokera ku Mitika, nayenda namanga m'Hasimona.

³⁰Nachokera ku Hasimona, nayenda namanga m'Meseroti.

³¹Nachokera ku Meseroti, nayenda namanga m'Bene-Yaakani.

³²Nachokera ku Bene-Yaakani, nayenda namanga m'Hori Hagidigadi.

³³Nachokera ku Hori Hagidigadi, nayenda namanga m'Yotibata.

³⁴Nachokera ku Yotibata, nayenda namanga m'Aborona.

³⁵Nachokera ku Aborona, nayenda namanga m'Eziyoni-Gebere.

³⁶Nachokera ku Eziyoni-Gebere, nayenda namanga m'chipululu cha Zini (ndiko Kadesi).

³⁷Nachokera ku Kadesi, nayenda namanga m'phiri la Hori, ku malekezero a dziko la Edomu.

³⁸Ndipo Aroni wansembe anakwera m'phiri la Hori pa mau a Yehova, nafa komweko, atatuluka ana a Israele m'dziko la Ejipito zaka makumi anai, mwezi wachisanu, tsiku loyamba la mwezi.

³⁹Ndipo Aroni ndiye wa zaka zana limodzi mphambu makumi awiri kudza zitatu pakufa iye m'phiri la Hori.

⁴⁰Ndipo Mkanani, mfumu ya Aradi, wakukhala kumwera m'dziko la Kanani, anamva za kudza kwao kwa ana a Israele.

⁴¹Ndipo anachokera kuphiri la Hori, nayenda namanga m'Zalimona.

⁴²Nachokera ku Zalimona, nayenda namanga m'Punoni.

⁴³Nachokera ku Punoni, nayenda namanga m'Oboti.

⁴⁴Nachokera ku Oboti, nayenda namanga m'Iyeabarimu, m'malire a Mowabu.

⁴⁵Nachokera ku Iyimu, nayenda namanga m'Diboni Gadi.

⁴⁶Nachokera ku Diboni Gadi, nayenda namanga m'Alimoni-Dibulataimu.

⁴⁷Nachokera ku Alimoni-Dibulataimu, nayenda namanga m'mapiri a Abarimu, chakuno cha Nebo.

⁴⁸Nachokera ku mapiri a Abarimu, nayenda namanga m'zidikha za Mowabu pa Yordani ku Yeriko.

⁴⁹Ndipo anamanga pa Yordani, kuyambira ku Beteyesimoti kufikira ku Abele-Sitimu m'zidikha za Mowabu.

⁵⁰Ndipo Yehova ananena ndi Mose m'zidikha za Mowabu pa Yordani ku Yeriko, nati,

⁵¹Nena ndi ana a Israele, nuti nao, Mutaoloka Yordani kulowa m'dziko la Kanani,

⁵²mupirikitse onse okhala m'dziko pamaso panu, ndi kuononga mafano ao onse a miyala, ndi kuononga mafano ao onse oyenga, ndi kupasula misanje yao yonse;

⁵³ndipo mulande dziko, ndi kukhala m'mwemo, pakuti ndinakupatsani inu dzikoli likhale lanulanu.

⁵⁴Ndipo mulandire dzikoli ndi kuchita maere monga mwa mabanja anu; cholowa chao chichulukire ochulukawo, cholowa chao chichepere ochepawo; kumene maere amgwera munthu, kumeneko nkwake; mulandire cholowa chanu monga mwa mafuko a makolo anu.

⁵⁵Koma mukapanda kupirikitsa okhala m'dziko pamaso panu, pamenepo iwo amene muwalola atsale adzakhala ngati zotwikira m'maso mwanu, ndi minga m'mbali zanu, nadzakuvutani m'dziko limene mukhalamo.

⁵⁶Ndipo kudzakhala kuti monga ndinayesa kuchitira iwowa, ndidzakuchitirani inu.