Read Chichewa Buku Lopatulika Bible 2014 YOSWA 12 Bible Online

YOSWA 12 - Chichewa Buku Lopatulika Bible 2014 bible

YOSWA 12

¹Ndipo awa ndi mafumu a dzikolo amene ana a Israele anawakantha, nalanda dziko lao tsidya la Yordani kum'mawa, kuyambira chigwa cha Arinoni, mpaka phiri la Heremoni, ndi chidikha chonse cha kum'mawa;

²Sihoni mfumu ya Aamori wokhala m'Hesiboni, wochita ufumu kuyambira ku Aroere ndiwo m'mphepete mwa chigwa cha Arinoni, ndi pakati pa chigwa ndi pa Giliyadi wogawika pakati, kufikira mtsinje wa Yaboki, ndiwo malire a ana a Amoni;

³ndi pachidikha mpaka nyanja ya Kineroti kum'mawa, ndi mpaka nyanja ya kuchidikha, ndiyo Nyanja ya Mchere kum'mawa, njira ya Beteyesimoti; ndi kumwera pansi pa matsikiro a Pisiga.

⁴Nalandanso malire a Ogi mfumu ya Basani wotsala wa Arefaimu, wokhala ku Asitaroti ndi ku Ederei,

⁵nachita ufumu m'phiri la Heremoni, ndi m'Saleka, ndi m'Basani lonse, mpaka malire a Agesuri, ndi a Maakati, ndi Giliyadi wogawika pakati, malire a Sihoni mfumu ya ku Hesiboni.

⁶Mose mtumiki wa Yehova ndi ana a Israele anawakantha; ndi Mose mtumiki wa Yehova analipereka kwa Arubeni, ndi Agadi ndi fuko la Manase logawika pakati, likhale cholowa chao.

⁷Ndipo awa ndi mafumu a dzikolo amene Yoswa ndi ana a Israele anawakantha tsidya lija la Yordani kumadzulo, kuyambira Baala-Gadi m'chigwa cha Lebanoni mpaka phiri la Halaki lokwera kunka ku Seiri; ndipo Yoswa analipereka kwa mafuko a Israele, likhale laolao, monga mwa magawo ao;

⁸kumapiri ndi kuchigwa, ndi kuchidikha, ndi kumatsikiro, ndi kuchipululu, ndi kumwera: Ahiti, Aamori, ndi Akanani, Aperizi, Ahivi ndi Ayebusi:

⁹mfumu ya ku Yeriko, imodzi; mfumu ya ku Ai, ndiwo m'mbali mwa Betele, imodzi;

¹⁰mfumu ya ku Yerusalemu, imodzi; mfumu ya ku Hebroni, imodzi;

¹¹mfumu ya ku Yaramuti, imodzi; mfumu ya ku Lakisi, imodzi;

¹²mfumu ya ku Egiloni, imodzi; mfumu ya ku Gezere, imodzi;

¹³mfumu ya ku Debiri, imodzi; mfumu ya ku Gederi, imodzi;

¹⁴mfumu ya ku Horoma, imodzi; mfumu ya ku Aradi, imodzi;

¹⁵mfumu ya ku Libina, imodzi; mfumu ya ku Adulamu, imodzi;

¹⁶mfumu ya ku Makeda, imodzi; mfumu ya ku Betele, imodzi;

¹⁷mfumu ya ku Tapuwa, imodzi; mfumu ya ku Hefere, imodzi;

¹⁸mfumu ya ku Afeki, imodzi; mfumu ya ku Lasaroni, imodzi;

¹⁹mfumu ya ku Madoni, imodzi; mfumu ya ku Hazori, imodzi;

²⁰mfumu ya ku Simironi-Meroni, imodzi; mfumu ya ku Akisafu, imodzi;

²¹mfumu ya ku Taanaki, imodzi; mfumu ya ku Megido, imodzi;

²²mfumu ya ku Kedesi, imodzi; mfumu ya ku Yokoneamu ku Karimele, imodzi;

²³mfumu ya ku Dori, mpaka ponyamuka pa Dori, imodzi; mfumu ya ku Goimu m'Galileya, imodzi;

²⁴mfumu ya ku Tiriza, imodzi. Mafumu awa onse ndiwo makumi atatu ndi imodzi.