Read Chichewa Buku Lopatulika Bible 2014 YOSWA 15 Bible Online

YOSWA 15 - Chichewa Buku Lopatulika Bible 2014 bible

YOSWA 15

¹Ndipo gawo la fuko la ana a Yuda monga mwa mabanja ao linafikira malire a Edomu, ku chipululu cha Zini kumwera, ku malekezero a kumwera.

²Ndi malire ao a kumwera, anayambira ku malekezero a Nyanja ya Mchere, ku nyondo yoloza kumwera;

³natuluka kumwera kwa chikweza cha Akarabimu, napitirira ku Zini, nakwera kumwera kwa Kadesi-Baranea, napitirira ku Hezironi, nakwera ku Adara, nazungulira ku Karika;

⁴napitirira ku Azimoni, natuluka ku mtsinje wa Ejipito; ndi malekezero a malirewa anali ku Nyanja Yaikulu; awa ndi malire anu a kumwera.

⁵Ndi malire a kum'mawa ndiwo Nyanja ya Mchere, mpaka mathiriro ake a Yordani. Ndi malire a kumpoto anayambira nyondo ya nyanja ku mathiriro a Yordani;

⁶nakwera malire kunka ku Betehogila, napitirira kumpoto kwa Betaraba; nakwera malire kunka ku mwala wa Bohani mwana wa Rubeni;

⁷nakwera malire kunka ku Debiri, kuchokera ku chigwa cha Akori, ndi kumpoto kupenyera Giligala ndiko kundunji kwa chikweza cha Adumimu, ndiko kumwera kwa mtsinje; napitirira malire kunka ku madzi a Enisemesi, ndi matulukiro ake anali ku Enirogele;

⁸nakwera malire kunka ku chigwa cha mwana wa Hinomu, kumbali kwa Ayebusi, kumwera, ndiko Yerusalemu; nakwera malire kunka kumwamba kwa phiri lokhala patsogolo pa chigwa cha Hinomu kumadzulo, ndilo ku mathero ake a chigwa cha Refaimu kumpoto.

⁹Ndipo analemba malire kuyambira pamwamba pa phiri mpaka chitsime cha madzi cha Nefitowa, natulukira malire kumidzi ya phiri la Efuroni; ndipo analemba malire kunka ku Baala, ndiwo Kiriyati-Yearimu.

¹⁰Ndipo malire anazungulira kuyambira ku Baala kunka kumadzulo, kuphiri la Seiri, napitirira kumbali kwa phiri la Yearimu kumpoto, ndilo Kesaloni, natsikira ku Betesemesi, napitirira ku Timna;

¹¹natuluka malire kunka ku mbali ya Ekeroni kumpoto; ndipo analemba malire kunka ku Sikeroni, napitirira kuphiri la Baala, natuluka ku Yabinele; ndipo matulukiro a malire anali kunyanja.

¹²Ndi malire a kumadzulo anali ku Nyanja Yaikulu ndiwo malire ake. Awa ndi malire a ana a Yuda pozungulira monga mwa mabanja ao.

¹³Koma Yoswa anampatsa Kalebe mwana wa Yefune gawo mwa ana a Yuda, monga Yehova adamlamulira, ndiwo mudzi wa Araba, ndiye atate wa Anaki, ndiwo Hebroni.

¹⁴Ndipo Kalebe anaingitsako ana amuna atatu a Anaki, ndiwo Sesai, ndi Ahimani, ndi Talimai, ana a Anaki.

¹⁵Nakwera komweko kunka kwa nzika za Debiri; koma kale dzina la Debiri ndilo Kiriyati-Sefere.

¹⁶Ndipo Kalebe anati, Iye amene akantha Kiriyati-Sefere, naulanda, yemweyo ndidzampatsa Akisa mwana wanga akhale mkazi wake.

¹⁷Ndipo Otiniyele mwana wa Kenazi, mbale wake wa Kalebe, anaulanda; ndipo anampatsa Akisa mwana wake akhale mkazi wake.

¹⁸Ndipo kunali, m'mene anamdzera, anamkangamiza mwamuna wake kuti apemphe atate wake ampatse munda; ndipo anatsika pa bulu; pamenepo Kalebe ananena naye, Ufunanji?

¹⁹Nati iye, Mundipatse dalitso; popeza mwandipatsa dziko la kumwera, ndipatseninso zitsime za madzi. Pamenepo anampatsa zitsime za kumtunda, ndi zitsime za kunsi.

²⁰Ichi ndi cholowa cha fuko la ana a Yuda monga mwa mabanja ao.

²¹Ndipo midzi ya ku malekezero a fuko la ana a Yuda ku malire a Edomu, kumwera ndiwo, Kabizeeli ndi Edere, ndi Yaguru;

²²ndi Kina ndi Dimona, ndi Adada;

²³ndi Kedesi, ndi Hazori, ndi Itinani;

²⁴Zifi ndi Telemu ndi Bealoti;

²⁵ndi Hazori-Hadata, ndi Keriyoti-Hezironi, ndiwo Hazori;

²⁶Amama ndi Sema ndi Molada;

²⁷ndi Hazara-Gada, ndi Hesimoni, ndi Betepeleti;

²⁸ndi Hazara-Suwala, ndi Beereseba, ndi Biziyotiya;

²⁹Baala, ndi Iyimu, ndi Ezemu;

³⁰ndi Elitoladi, ndi Kesili ndi Horoma;

³¹ndi Zikilagi, ndi Madimana ndi Sanisana;

³²ndi Lebaoti, ndi Silihimu, ndi Aini ndi Rimoni; midzi yonse ndiyo makumi awiri kudza isanu ndi inai; pamodzi ndi milaga yao.

³³Ku chigwa, Esitaoli, ndi Zora ndi Asina;

³⁴ndi Zanowa, ndi Enganimu, Tapuwa, ndi Enamu;

³⁵Yaramuti, ndi Adulamu, Soko, ndi Azeka;

³⁶ndi Saaraimu, ndi Aditaimu, ndi Gedera, ndi Gederotaimu; midzi khumi ndi inai pamodzi ndi milaga yao.

³⁷Zenani, ndi Hadasa, ndi Megidali-Gadi;

³⁸ndi Dileani, ndi Mizipa, ndi Yokotele;

³⁹Lakisi ndi Bozikati ndi Egiloni;

⁴⁰ndi Kaboni, ndi Lahamasi, ndi Kitilisi;

⁴¹ndi Gederoti, Betedagoni, ndi Naama, ndi Makeda; midzi khumi ndi isanu ndi umodzi pamodzi ndi milaga yao.

⁴²Libina ndi Eteri ndi Asani;

⁴³ndi Ifuta ndi Asina ndi Nezibu;

⁴⁴ndi Keila ndi Akizibu, ndi Maresa; midzi isanu ndi inai pamodzi ndi milaga yao.

⁴⁵Ekeroni pamodzi ndi midzi yake ndi milaga yao;

⁴⁶kuyambira ku Ekeroni mpaka kunyanja, yonse ya ku mbali ya Asidodi, pamodzi ndi milaga yao.

⁴⁷Asidodi, midzi yake ndi milaga yake; Gaza, midzi yake ndi milaga yake; mpaka mtsinje wa Ejipito, ndi Nyanja Yaikulu ndi malire ake.

⁴⁸Ndi kumapiri Samiri, ndi Yatiri, ndi Soko;

⁴⁹ndi Dana, ndi Kiriyati-Sana, ndiwo Debiri;

⁵⁰ndi Anabu, ndi Esitemowa, ndi Animu;

⁵¹ndi Goseni, ndi Holoni, ndi Gilo; midzi khumi ndi umodzi pamodzi ndi milaga yao.

⁵²Arabu, ndi Duma, ndi Esani;

⁵³ndi Yanimu, ndi Betetapuwa, ndi Afeka;

⁵⁴ndi Humata, ndi Kiriyati-Ariba, ndiwo Hebroni, ndi Ziyori; midzi isanu ndi inai pamodzi ndi milaga yao.

⁵⁵Maoni, Karimele, ndi Zifi, ndi Yuta;

⁵⁶ndi Yezireele, ndi Yokodeamu, ndi Zanowa;

⁵⁷Kaini, Gibea ndi Timna; midzi khumi pamodzi ndi milaga yao.

⁵⁸Halahulu, Betezuri, ndi Gedori,

⁵⁹ndi Maarati, ndi Betanoti, ndi Elitekoni; midzi isanu ndi umodzi pamodzi ndi milaga yao.

⁶⁰Kiriyati-Baala, ndiwo Kiriyati-Yearimu ndi Raba; midzi iwiri pamodzi ndi milaga yao.

⁶¹M'chipululu, Betaraba, Midini, ndi Sekaka;

⁶²ndi Nibisani, ndi Mudzi wa Mchere, ndi Engedi; midzi isanu ndi umodzi pamodzi ndi milaga yao.

⁶³Koma ana a Yuda sanakhoze kuingitsa Ayebusi, nzika za Yerusalemu: m'mwemo Ayebusi anakhala pamodzi ndi ana a Yuda, ku Yerusalemu, mpaka lero lino.