Read Chichewa Buku Lopatulika Bible 2014 YOSWA 21 Bible Online

YOSWA 21 - Chichewa Buku Lopatulika Bible 2014 bible

YOSWA 21

¹Pamenepo akulu a nyumba za atate a Alevi anayandikira kwa Eleazara wansembe, ndi kwa Yoswa mwana wa Nuni, ndi kwa akulu a nyumba za atate a mafuko a ana a Israele;

²nanena nao ku Silo m'dziko la Kanani, ndi kuti Yehova analamulira mwa dzanja la Mose kuti atipatse midzi yokhalamo ife, ndi mabusa a zoweta zathu.

³Ndipo ana a Israele anapatsa Alevi, kutapa pa cholowa chao, monga mwa lamulo la Yehova, midzi iyi ndi mabusa ao.

⁴Ndipo maere anatulukira mabanja a Akohati; ndipo molota maere ana a Aroni wansembe, ndiwo Alevi, analandira motapa pa fuko la Yuda, ndi pa fuko la Simeoni, ndi pa fuko la Benjamini, midzi khumi ndi itatu.

⁵Ndipo ana otsala a Kohati analandira molota maere motapa pa mabanja a fuko la Efuremu, ndi pa fuko la Dani, ndi pa fuko la Manase logawika pakati, midzi khumi.

⁶Ndipo ana a Geresoni analandira molota maere motapa pa mabanja a fuko la Isakara, ndi pa fuko la Asere, ndi pa fuko la Nafutali, ndi pa fuko la Manase logawika pakati m'Basani, midzi khumi ndi itatu.

⁷Ana a Merari, monga mwa mabanja ao, analandira motapa pa fuko la Rubeni, ndi pa fuko la Gadi, ndi pa fuko la Zebuloni midzi khumi ndi iwiri.

⁸Motero ana a Israele anapatsa Alevi midzi iyi ndi mabusa ao, molota maere, monga Yehova adalamulira mwa dzanja la Mose.

⁹Ndipo anapatsa motapa pa fuko la ana a Yuda, ndi pa fuko la ana a Simeoni, midzi iyi yotchulidwa maina ao;

¹⁰kuti ikhale ya ana a Aroni a mabanja a Akohati, a ana a Levi, pakuti maere oyamba adatulukira iwowa.

¹¹Ndipo anawapatsa mudzi wa Araba, ndiye atate wa Anaki, womwewo ndi Hebroni, ku mapiri a Yuda, ndi mabusa ake ozungulirapo.

¹²Koma minda ya mudzi ndi milaga yake anapatsa Kalebe mwana wa Yefune, ikhale yake.

¹³Ndipo kwa ana a Aroni wansembe anapatsa Hebroni ndi mabusa ake, ndiwo mudzi wopulumukirako wakupha mnzake, ndi Libina ndi mabusa ake;

¹⁴ndi Yatiri ndi mabusa ake, ndi Esitemowa ndi mabusa ake;

¹⁵ndi Holoni ndi mabusa ake, ndi Debiri ndi mabusa ake;

¹⁶ndi Aini ndi mabusa ake, ndi Yuta ndi mabusa ake, ndi Betesemesi ndi mabusa ake; midzi isanu ndi inai yotapira mafuko awiri aja.

¹⁷Ndipo motapira fuko la Benjamini, Gibiyoni ndi mabusa ake, Geba ndi mabusa ake,

¹⁸Anatoti ndi mabusa ake, ndi Alimoni ndi mabusa ake; midzi inai.

¹⁹Midzi yonse ya ana a Aroni, ansembe, ndiyo khumi ndi itatu, ndi mabusa ao.

²⁰Ndipo mabanja a ana a Kohati, Aleviwo, otsala a ana a Kohati, analandira midzi ya maere ao motapira pa fuko la Efuremu.

²¹Ndipo anawapatsa Sekemu ndi mabusa ake ku mapiri a Efuremu, ndiwo mudzi wopulumukirako wakupha mnzakeyo, ndi Gezere ndi mabusa ake;

²²ndi Kibizaimu ndi mabusa ake, Betehoroni ndi mabusa ake; midzi inai.

²³Ndipo motapira fuko la Dani, Eliteke ndi mabusa ake, ndi Gibetoni ndi mabusa ake;

²⁴Ayaloni ndi mabusa ake, Gatirimoni ndi mabusa ake; midzi inai.

²⁵Ndipo motapira pa fuko la Manase logawika pakati, Taanaki ndi mabusa ake, ndi Gatirimoni ndi mabusa ake; midzi iwiri.

²⁶Midzi yonse ya mabanja a ana otsala a Kohati ndiyo khumi ndi mabusa ao.

²⁷Ndipo anapatsa ana a Geresoni, a mabanja a Alevi, motapira pa fuko la Manase logawika pakati, Golani m'Basani ndi mabusa ake, ndiwo mudzi wopulumukirako wakupha mnzakeyo; ndi Beesetera ndi mabusa ake; midzi iwiri.

²⁸Ndipo motapira pa fuko la Isakara, Kisiyoni ndi mabusa ake, Daberati ndi mabusa ake;

²⁹Yaramuti ndi mabusa ake, Enganimu ndi mabusa ake; midzi inai.

³⁰Ndipo motapira pa fuko la Asere, Misala ndi mabusa ake, Abidoni ndi mabusa ake;

³¹Helekati ndi mabusa ake, ndi Rehobu ndi mabusa ake; midzi inai.

³²Ndipo motapira pa fuko la Nafutali, Kedesi m'Galileya ndi mabusa ake, ndiwo mudzi wopulumukirako wakupha mnzakeyo, ndi Hamotidori ndi mabusa ake, ndi Karitani ndi mabusa ake, midzi itatu.

³³Midzi yonse ya Ageresoni monga mwa mabanja ao ndiyo midzi khumi ndi itatu ndi mabusa ao.

³⁴Ndipo anapatsa kwa mabanja a ana a Merari, otsala a Alevi, motapira pa fuko la Zebuloni, Yokoneamu ndi mabusa ake, ndi Karita ndi mabusa ake,

³⁵Dimina ndi mabusa ake, Nahalala ndi mabusa ake; midzi inai.

³⁶Ndipo motapira pa fuko la Rubeni, Bezeri ndi mabusa ake, ndi Yahazi ndi mabusa ake,

³⁷Kedemoti ndi mabusa ake, ndi Mefaati ndi mabusa ake; midzi inai.

³⁸Ndipo motapira m'fuko la Gadi, Ramoti m'Giliyadi ndi mabusa ake, ndiwo mudzi wopulumukirako wakupha mnzakeyo, ndi Mahanaimu ndi mabusa ake;

³⁹Hesiboni ndi mabusa ake, Yazere ndi mabusa ake: yonse pamodzi midzi inai.

⁴⁰Yonseyi ndiyo midzi ya ana a Merari monga mwa mabanja ao, ndiwo otsala a mabanja a Alevi; ndipo gawo lao ndilo midzi khumi ndi iwiri.

⁴¹Midzi yonse ya Alevi, pakati pa cholowa cha ana a Israele ndiyo midzi makumi anai kudza isanu ndi itatu, ndi mabusa ao.

⁴²Midzi iyi yonse inali nao mabusa ao pozungulira pao: inatero midzi iyi yonse.

⁴³Motero Yehova anawapatsa Israele dziko lonse adalumbiralo kuwapatsa makolo ao: ndipo analilandira laolao, nakhala m'mwemo.

⁴⁴Ndipo Yehova anawapatsa mpumulo pozungulira ponse, monga mwa zonse adalumbirira makolo ao; ndipo pamaso pao sipanaima munthu mmodzi wa adani ao onse; Yehova anapereka adani ao onse m'manja mwao.

⁴⁵Sikadasowa kanthu konse ka zinthu zokoma zonse Yehova adazinenera nyumba ya Israele; zidachitika zonse.