Read Chichicapan Zapotec 1 Corintios 16 Bible Online

1 Corintios 16 - Chichicapan Zapotec bible

1 Corintios 16

¹Xcweenta mweeyi nin guidiaaꞌha para laꞌh raꞌ bwiitsi raꞌ nuꞌh loh xchiꞌdxyi Jesucristu; gulguiꞌhnnan ziga gahca raꞌpihn guunn raꞌ bwiinn guidoꞌ xteenn Galacia.

²Gazohba dumingu, cada tuhbigah tu gulcweꞌhecaa tuhbi mweeyi yihca cada tuhbigah dxyih ziga chiꞌh zi ruhnn tu gahn loh tuhbi xmahn, gulcuꞌchaꞌyin, tin ayi hohragah laꞌh tu nuu cagatiaaꞌha mweeyi chin dxieꞌldahn,

³tin chin gadzihnaꞌhn guixeꞌhlaꞌhn mweeyi ca cun chiohpa-chohnna dxihtsi chenee chyu chiꞌhzi bwiinn nin cwii tu chegasiaꞌhanan loh guihdxyi Jerusalehn,

⁴ya sidela naꞌh za chaaꞌhahn, pwihsi sah raꞌ ba choo nu. Lligaaba nin bwiꞌhnn Pahblu chee ba biahja

⁵Loh biahje riiꞌ nahpa tiꞌdxiꞌhn nez loh guihdxyi raꞌ xteenn guihdxyi Macedonia, ya chiꞌchiyi gadzihnaꞌhn loh guihdxyi Corintu ca.

⁶Pwihsi ya chiꞌchi pwehda zahcataꞌhn riꞌca mas paaldaa dxyih, o chuuꞌhuhn riꞌca loh gaduhbi bweꞌhw nahlda raꞌ, ya chiꞌchi laꞌhtu zahca gacanee tu naꞌh loh biahja nin gazaaꞌhahn stuhbi lahta,

⁷laasii ayi xclaaꞌdzihn tiꞌdxiꞌhn riꞌca tuhbi ladiꞌdxizi, sino que xclaaꞌdzihn gacataꞌhn riꞌca xchih sidela laꞌh Daada Jesucristu nnaa Ñiꞌh.

⁸Per ya loh guihdxyi Efesu ziaꞌhanahn riꞌchi, tin gutiꞌdxiꞌhn lañih nin rusanna stoꞌ raꞌ bwiinn xa biꞌ Spíritu Saantu Dxiohs,

⁹laasii riꞌchi nuu ziahan raꞌ bwiinn nin xclaaꞌdzi gusiꞌdxi xchiꞌdxyi Dxiohs, nee riꞌchi za nuu raꞌ ziahan raꞌ nin rdxyiꞌchinee raꞌ naꞌh.

¹⁰Sidela laꞌh Timoteu radzihn riꞌca, gulguiꞌhn pur chuu nasaa stoꞌ bi tin ayi xi lligaaba chuu bi, laasii laꞌh bi ruhnn za bi dziꞌn xteenn Daada Jesucristu ziga za naꞌh.

¹¹Pwihsi niꞌchin nin tuhbi tu ayi cweꞌhe stoꞌ tu laꞌh bi; mas gulguiꞌhn cumpahñu laꞌh bi loh biahja nin dxiꞌ bi riiꞌ, laasii cabweꞌzaꞌhn laꞌh bi riiꞌ tuhsi cun spaaldaa raꞌ bwiitsi lasaaꞌ raꞌ nuꞌh.

¹²Pwihsi laꞌn guñiꞌ duxa loh bwiitsi nuꞌh Apolos tin ñieꞌguiaꞌha ba xa nuu tu cun spaaldaa raꞌ bwiitsi nuꞌh, per ayi guhca xigaaba ñiꞌ bi; per ziꞌ bi dxyih chiꞌh zi nin gaca dxiꞌ bi. GuelrgahpaDxiohs luulchima xteenn Pahblu

¹³Gulgahca nasiin, nee gulchezah nayaa loh guelriachii stoꞌ xteenn xchiꞌdxyi Dxiohs. Per loquesi gulgahca ndxiꞌhw, gulgahca bwiinn nin nadaꞌn rooꞌ.

¹⁴Xi chiꞌh zi cohsa nin guunn tu, gulguiꞌhnnan cun gaduhbi stoꞌ tu.

¹⁵Laꞌhtu bwiitsi raꞌn, laꞌhtu naann xcweenta raꞌ xfamihyi Estéfanas, nin mweer gwachii stoꞌ ñiꞌh xchiꞌdxyi Dxiohs loh guihdxyi Acaya. Naann tu xa ruhnn duxa raꞌ ba cumpahñu laꞌh raꞌ bwiitsi raꞌ nuꞌh nin nuu raꞌ riꞌca. Nnah rnaba duxaꞌhn loh tu,

¹⁶gulgazoꞌbadxiahga xchiꞌdxyi raꞌ bwiinn raꞌ ca, neezaa xchiꞌdxyi garaa raꞌ bwiinn raꞌ nin rahcanee laꞌh raꞌ xpwiinn Dxiohs, nee cun nin ruhnn raꞌ za xtsiꞌn Dxiohs.

¹⁷Riahxiꞌhn pur nin riꞌ raꞌ Estéfanas, Fortunatu cun Acaico; pwihsi bwiinn raꞌ riiꞌ bwiꞌhnn raꞌ ba dziꞌn raꞌ nin ayi guhca ñuhnn tu laasii ayi tu.

¹⁸Bwiꞌhnn raꞌ ba guyuuꞌ guiꞌw ru stoꞌn nee cun neezaa laꞌhtu, niꞌchin gulgacabwaꞌ lasahca bwiinn raꞌ squiiꞌ.

¹⁹Laꞌh raꞌ bwiinn xquidoꞌ Jesucristu nin nuu raꞌ nez loh guihdxyi raꞌ xteenn Asia ruxeꞌhla tuhbi guelrgahpaDxiohs para laꞌhtu. Aquila cun cheꞌhla ba Priscila, cun neezaa raꞌ bwiinn raꞌ nin radiaaꞌha loh cultu rwaaꞌ yihdzi raꞌ ba; ruxeꞌhla za raꞌ ba ziahan duxa guelrgahpaDxiohs para laꞌhtu.

²⁰Gulguicaꞌha guelrgahpaDxiohs nin ruxeꞌhla raꞌ bwiitsi raꞌ nuꞌh riiꞌ para laꞌhtu nee gulgahpaDxiohs lasaaꞌ ziga tuhbi ziga stuhbi, pur lah Jesucristu.

²¹Naꞌh Pahblu ruxeꞌhla zahn tuhbi guelrgahpaDxiohs para laꞌhtu, laꞌh gahca naꞌh bacaꞌh lehtra riiꞌ.

²²Sidela chyuulla ayi rucaꞌh stoꞌ ñiꞌh laꞌh Daada Jesucristu, nuu dii bwiinn chi. ¡Gudaaꞌgah Jesucristu Daada xteenn nuꞌh!

²³Daada Jesucristu guunntaaꞌyi yihca tu.

²⁴Guelrucaꞌh stoꞌ nin naꞌpahn xcweenta Daada Jesucristu ruxeꞌhlaꞌhn para laꞌhtu. Ziꞌchi pwihsi.