Read Chimborazo Highland Quichua 2 SAMUEL 8 Bible Online

2 SAMUEL 8 - Chimborazo Highland Quichua bible

2 SAMUEL 8

¹Chai q'uipaca Davidca filisteocunata mishashpa, Meteg-ama llajtata cutinllataj quichujpimi, filisteocunaca Davidpaj ucupi tucurcacuna.

²Davidca Moabitacunatapish misharcami. Paicunataca huascata pambapi sirichishpa medishpami, ishqui huasca jundata medishpaca huañuchirca. Shuj huasca jundata medishpaca causachun saquirca. Saquirij moabitacunaca Davidpajta ruraj tucushpami tributota cushpa causarcacuna.

³Davidca Rehobpaj churi Soba llajtata jatun mandaj Hadad-ezertapish chashnallatajmi misharca. Chai mandajca Éufrates yacu chai llajtata cutinllataj paipaj cachun japinaman rishca cajpimi chashna misharca.

⁴Davidca paicunataca caballocunapi tiyarishpa purijcunataca 1.700 runacunatami prezu japirca. Chaquillahuan purijcunataca, 20.000 runacunatami prezu japirca. Caballocunataca patsaj carrocunata aisanapaj pajtallata saquishpami, caishuj caballocunataca tucuicunata garroncunapi p'itirca.

⁵Soda llajtata jatun mandaj Hadad-ezerta ayudangapajmi Damascomanta siriocunapish shamurcacuna. Chai siriocunatapish Davidca, 22.000 runacunatami huañuchirca.

⁶Chai q'uipaca Davidca, Siriapi caj Damascopica chapaj soldadocunatami churarca. Chaimantami siriocunaca, Davidpaj ucupi tucushpa tributota pagashpa causarcacuna. David maipi macanacunaman rijpipish Mandaj Diosca paitaca mishachijllami carca.

⁷Davidca, jatun mandaj Hadad-ezerpajta rurajcuna apamushca curi escudocunata japishpami Jerusalenman aparca.

⁸Jatun mandaj Davidca, Hadad-ezerpaj Beta, Berotai pueblocunamantaca achca broncetapishmi japishpa aparca.

⁹Hamat pueblota jatun mandaj Toica, Hadad-ezerpaj tucui soldadocunata David mishashcata uyashpami,

¹⁰Hadad-ezerhuan macanacushpa David mishashcamanta allitami rurashcangui nishpa allillachu cangui nichun paipaj churi Joramtaca Davidpajman cacharca. Joramca cullquimanta imalla rurashcacunata, curimanta imalla rurashcacunata, broncemanta imalla rurashcacunatapish apashpami Davidpajmanca rirca. Toica Hadad-ezerhuanca p'iñanacushcami cashca carca.

¹¹Chaicunataca jatun mandaj Davidca Mandaj Diospaj ch'icanchishpami, shujtaj llajtacuna paipaj ucupi tucushpa cullquita, curita cushcacunata, Diospajlla ch'icanchishcahuan tandachishpa churarca.

¹²Chaicunaca siriocunapish, moabitacunapish, amonitacunapish, filisteocunapish, amalecitacunapish cushcacunami carca. Rehobpaj churi Soba llajtata jatun mandaj Hadad-ezerta quichumushcacunapishmi carca.

¹³Chashnami Davidca tucuicuna alli nishca tucushpa catirca. Siriocunata mishashpa tigracushpaca, 18mil edomitacunatapishmi Cachi tiyan pugru pambapi ñutuchishpa shamurca.

¹⁴Davidca Edompica tucuipimi chapaj soldadocunata churarca. Chaimi tucui edomitacunaca Davidpaj ucupi tucushpa causarcacuna. Mandaj Diosca David maiman rijpipish mishachircallami.

¹⁵Davidca tucui israelcunatami mandarca. Paica cashcata ruraj canata, mana pandaj canatami pai mandacun tucui llajtapica cuidarca.

¹⁶Sarviapaj churi Joabca soldadocunata mandajmi carca. Ahiludpaj churi Josafatca, imalla tucushcacunata quillcajmi carca.

¹⁷Ahitobpaj churi Sadoc, Abiatarpaj churi Ahimelecca curacunami carca. Seraiasca jatun mandajpaj quillcajmi carca.

¹⁸Joiadapaj churi Benaiaca cereteocunata, peleteocunata mandajmi carca. Davidpaj churicunaca, q'uipa mandajcunami carca.