Read Chimborazo Highland Quichua 1 CRÓNICAS 18 Bible Online

1 CRÓNICAS 18 - Chimborazo Highland Quichua bible

1 CRÓNICAS 18

¹Tucui chaicuna q'uipaca Davidca filisteocunata mishashpa, cumurichishpami Gat pueblotaca muyundij pueblocunandij quichujpi filisteocunaca Davidpaj ucupi tucurcacuna.

²Moabitacunatapish misharcami. Paicunapish Davidpajta rurajcuna tucushpa, imalla cuna cashcata cushpami causarcacuna.

³Davidca Soba llajtata jatun mandaj Hadad-ezertapish Hamat pueblopimi misharca. Hadad-ezerca Éufrates jatun yacu c'uchupi caj llajtata cutinllataj paipaj cachun japinaman rijpimi chashna misharca.

⁴Davidca paicunapajtaca 1.000 carrocunatami japirca. Caballocunapi tiyarishpa purijcunataca 7.000 runacunata, chaquillahuan purijcunataca 20.000 runacunatami prezu japirca. Caballocunataca patsaj carrocunata aisanapaj pajtallata saquishpami, caishuj caballocunataca tucuicunata garroncunapi p'itircacuna.

⁵Soba llajtata jatun mandaj Hadad-ezerta ayudangapajmi Damascomanta siriocunapish shamurcacuna. Chai siriocunatapish Davidca 22.000 runacunatami huañuchirca.

⁶Davidca Siriapi caj Damascopica chapaj soldadocunatami churarca. Siriocunaca Davidpaj ucupi tucushpa paipajta rurajcuna tucushpami, tributota cushpa causarcacuna. David maipi macanacunaman rijpipish Mandaj Diosca mishachijllami carca.

⁷Davidca jatun mandaj Hadad-ezerpajta rurajcuna apamushca curi escudocunata japishpaca Jerusalenmanmi apamurca.

⁸Davidca Hadad-ezerpaj Tibhat, Cun shuti pueblocunamantaca achca broncetapishmi japirca. Chai broncehuanmi Salomonca, yacuta churana jatun pailatapish, jatun pilarcunatapish, Diospaj huasipi imalla charinacunatapish rurachirca.

⁹Hamat pueblota jatun mandaj Toica, Soba llajtata jatun mandaj Hadad-ezerpaj tucui soldadocunata David chingachishcatami yachaj chayarca.

¹⁰Toica Hadad-ezerhuanca ñaupamanmi macanacuj cashca carca. Hadad-ezerta David mishashcamantaca Toica paipaj churi Adorantami allillachu cangui, alli nishca cachun nichun Davidpajman cacharca. Cullquimanta imalla rurashcacunata, broncemanta imalla rurashcacunatapish cushpami Adorantaca Davidpajmanca cacharca.

¹¹Chaicunataca jatun mandaj Davidca Edom llajtapi causajcunata, Moab llajtapi causajcunata, amonitacunata, filisteocunata, amalecitacunata quichushca cullquihuan curihuan tandachishpami Mandaj Diospaj ch'icanchishpa churarca.

¹²Sarviapaj churi Abisaipish, Cachi tiyan pugru pambapimi Edommanta caj, 18.000 runacunata ñuturca.

¹³Davidca Edom llajtapica, tucuipimi chapaj soldadocunata churarca. Tucui edomitacunami Davidpajta rurajcuna tucurcacuna. David maiman rijpipish Mandaj Diosmi paitaca mishachircalla.

¹⁴Davidca, tucui israelcunatami mandarca. Paica cashcata rurashpami tucui israelcunataca mandarca.

¹⁵Sarviapaj churi Joabca soldadocunata mandajmi carca. Ahiludpaj churi Josafatca quillcacunata huaquichijmi carca.

¹⁶Ahitobpaj churi Sadoc, Abiatarpaj churi Abimelecca curacunami carca. Savsa runaca quillcajmi carca.

¹⁷Joiadapaj churi Benaiaca, cereteocunata, peleteocunata mandajmi carca. Davidpaj churicunaca paipaj c'uchullapi mandajcunami carca.