Read Chimborazo Highland Quichua 1 CRÓNICAS 24 Bible Online

1 CRÓNICAS 24 - Chimborazo Highland Quichua bible

1 CRÓNICAS 24

¹Aaronpaj huahua huahuacunapish mirga mirgapi ch'icanchishpa churashcami carcacuna. Aaronpaj churicunaca: Nadab, Abiú, Eleazar, Itamar shuticunami carca.

²Nadabhuan, Abiuhuanca huahuacunata manaraj charishpami, paicunapaj yaya manaraj huañujpi huañurca. Chaimantami cura canataca Eleazarhuan, Itamarllahuan japircacuna.

³Davidca, Eleazarpaj huahua huahuapura Sadoc curahuan, Itamarpaj huahua huahuapura Ahimelec curahuan tucushpami, Diospajta ruranapica huashan huashan rurashpa catichun curacunataca churarcacuna.

⁴Eleazarpaj huahua huahuapura mandajcunami, Itamarpaj huahua huahuapura mandajcunata yalli achcacuna carca. Eleazarpaj huahua huahuacunataca, paicunapaj ñaupa yayacunapaj huahua huahuacunata quiquinpurallata mandachunca chunga sujtacunatami churarca. Itamarpaj huahua huahuacunataca paicunapaj ñaupa yayacunapaj huahua huahuacunata quiquinpurallata mandachunca pusaj mandajcunatami churarca.

⁵Eleazarpaj huahua huahuacunapish, Itamarpaj huahua huahuacunapish Diospajlla ch'icanchishca ucupipish, Diospaj huasipipish mandajcuna tiyashcamantami chai mandanapica ishquindij aillumantataj sorteashpa churarca.

⁶Levitacunapuramanta caj Natanaelpaj churi Semaiasca quillcajmi carca. Paimi jatun mandajpaj, q'uipa mandajpaj, Sadoc curapaj, Abiatarpaj churi Ahimelecpaj, ñaupa yayacunamanta mirarishca quiquinpuralla caj curacunata mandajcunapaj, levitacunapaj ñaupajpi paicunapaj shuticunata quillcashpa, Eleazarpaj huahua huahuacunapajpish, Itamarpaj huahua huahuacunapajpish sorteashpa ima horalla turno pajtashcapaj cashna churarca.

⁷Punta sorteajpica Joiaribpajmi urmarca. Ishquipica Jedaiaspajmi urmarca.

⁸Quimsapica Harimpajmi urmarca. Chuscupica Seorimpajmi urmarca.

⁹Pichcapica Malquiaspajmi urmarca. Sujtapica Mijaminpajmi urmarca.

¹⁰Canchispica Cospajmi urmarca. Pusajpica Abiaspajmi urmarca.

¹¹Iscunpica Jesuapajmi urmarca. Chungapica Secaniaspajmi urmarca.

¹²Chunga shujpica Eliasibpajmi urmarca. Chunga ishquipica Jaquimpajmi urmarca.

¹³Chunga quimsapica Hupapajmi urmarca. Chunga chuscupica Jesebeabpajmi urmarca.

¹⁴Chunga pichcapica Bilgapajmi urmarca. Chunga sujtapica Imerpajmi urmarca.

¹⁵Chunga canchispica Hezirpajmi urmarca. Chunga pusajpica Afsespajmi urmarca.

¹⁶Chunga iscunpica Petaiaspajmi urmarca. Ishqui chungapica Hezequielpajmi urmarca.

¹⁷Ishqui chunga shujpica Jaquinpajmi urmarca. Ishqui chunga ishquipica Gamulpajmi urmarca.

¹⁸Ishqui chunga quimsapica Delaiapajmi urmarca. Ishqui chunga chuscupica Maaziaspajmi urmarca.

¹⁹Mandaj Diospajta huashan huashan rurashpa catichunca chaicunatami churarca. Mandaj Diospaj huasiman yaicushpa ruranapajca paicunapaj ñaupa yaya Aaronta israelcunata Mandaj Dios mandashca shinallatajmi rurarcacuna.

²⁰Levipaj huahua huahuapurallataj Diospajta ruranata manaraj japijcunaca caicunami: Amrampaj huahua huahuapuramantaca Subael. Subaelpaj huahua huahuapuramantaca Jehediasmi carca.

²¹Rehabiaspaj huahua huahuapuramantaca Isías. Paica mandajmi carca.

²²Izharpaj huahua huahuapuramantaca Selomot. Selomotpaj huahua huahuapuramantaca Jahatmi carca.

²³Hebronpaj huahua huahuacunaca: Jerías, paipaj q'uipaca Amarías. Chaipaj q'uipaca Jahaziel. Chaipaj q'uipaca Jecamanmi carca.

²⁴Uzielpaj huahua huahuapuramantaca Micaía. Micaiapaj huahua huahuapuramantaca Samir,

²⁵Micaiapaj huauquipaj huahua huahuapuramantaca Isías. Isiaspaj churi Zacariaspishmi carca.

²⁶Meraripaj huahua huahuacunaca: Mahli, Musi shuticunami carca. Jaaziaspaj churi Beno runapishmi carca.

²⁷Meraripaj huahua huahuapuramanta Jaaziaspaj churicunaca: Beno, Soham, Zacur, Ibri shuticunami carca.

²⁸Mahlipaj churica: Eleazarmi carca. Paica huahuacunataca mana charircachu.

²⁹Cispaj churica Jerameelmi carca.

³⁰Musipaj churicunaca: Mahli, Edar, Jerimot shuticunami carca. Paicunami paicunapaj ñaupa yayacunamanta mirarimushca levitacuna carca.

³¹Paicunapish jatun mandaj Davidpaj, Sadoc curapaj, Ahimelec curapaj, ñaupa yayacunamanta mirarishca quiquinpuralla caj curacunata mandajcunapaj, levitacunapaj ñaupajpimi Aaronpaj huahua huahuapura levitacuna shinallataj sorteashpa paicunapaj yayacunata mandajmanta callarishpaca, q'uipa huauquicunacama sorteashpa Diospajta ruranapi yaicurcacuna.