Read Chimborazo Highland Quichua 1 CRÓNICAS 6 Bible Online

1 CRÓNICAS 6 - Chimborazo Highland Quichua bible

1 CRÓNICAS 6

¹Levipaj churicunaca: Gersón, Coat, Merari shuticunami carca.

²Coatpaj churicunaca: Amram, Izhar, Hebrón, Uziel shuticunami carca.

³Amrampaj churicunaca: Aarón, Moisés shuticunami carca. María shuti ushushipishmi carca. Aaronpaj churicunaca: Nadab, Abiú, Eleazar, Itamar shuticunami carca.

⁴Eleazarca Finees churitami charirca. Fineesca Abisúa churitami charirca.

⁵Abisuaca Buqui churitami charirca. Buquica Uzi churitami charirca.

⁶Uzica Zeraías churitami charirca. Zeraiasca Meraiot churitami charirca.

⁷Meraiotca Amarías churitami charirca. Amariasca Ahitob churitami charirca.

⁸Ahitobca Sadoc churitami charirca. Sadocca Ahimaas churitami charirca.

⁹Ahimaasca Azarias churitami charirca. Azariasca Johanán churitami charirca.

¹⁰Johananca Azarías churitami charirca. Chai Azariasmi Jerusalenpi Salomón rurashca Diospaj huasipica, Diospajta ruraj cura carca.

¹¹Azariasca Amarías churitami charirca. Amariasca Ahitob churitami charirca.

¹²Ahitobca Sadoc churitami charirca. Sadocca Salum churitami charirca.

¹³Salumca Hilcías churitami charirca. Hilciasca Azarías churitami charirca.

¹⁴Azariasca Seraías churitami charirca. Seraiasca Josadac churitami charirca.

¹⁵Mandaj Dios Judacunata, Jerusalencunata Nabucodonosorman prezu apachishpa anchuchicui punllacunapimi, chai Josadac curatapish prezu aparca.

¹⁶Levipaj churicunaca: Gersón, Coat, Merari shuticunami carca.

¹⁷Gersonpaj churicunaca: Libni, Simei shuticunami carca.

¹⁸Coatpaj churicunaca: Amram, Izhar, Hebrón, Uziel shuticunami carca.

¹⁹Meraripaj churicunaca: Mahli, Musi shuticunami carca. Levimanta mirarishca huahua huahuacunaca tucui chaicunami carca.

²⁰Gersonpaj churica Libnimi. Libnipaj churica Jahatmi. Jahatpaj churica Zimami.

²¹Zimapaj churica Joami. Joapaj churica Iddomi. Iddopaj churica Zerami. Zerapaj churica Jeatraimi carca.

²²Coatpaj huahua huahuacunaca: Coatpaj churica Aminadabmi. Aminadabpaj churica Coremi. Corepaj churica Asirmi.

²³Asirpaj churica Elcanami. Elcanapaj churica Ebiasafmi. Ebiasafpaj churica Asirmi.

²⁴Asirpaj churica Tahatmi. Tahatpaj churica Urielmi. Urielpaj churica Uziasmi. Uziaspaj churica Saulmi carca.

²⁵Elcanapaj churicunaca: Amasai, Ahimot shuticunami carca.

²⁶Ahimotpaj churica Elcanami. Elcanapaj churica Zofaimi. Zofaipaj churica Nahatmi.

²⁷Nahatpaj churica Eliabmi. Eliabpaj churica Jerohammi. Jerohampaj churica Elcanami carca.

²⁸Samuelpaj churicunaca: Punta churica Vasni, q'uipa churica Abías shuticunami carca.

²⁹Meraripaj huahua huahuacunaca caicunami: Meraripaj churica Mahlimi. Libnipaj churica Simeimi. Semeipaj churica Uzami.

³⁰Uzapaj churica Simeami. Simeapaj churica Haguiami. Haguiapaj churica Asaiasmi carca.

³¹Diospaj arcata Jerusalenman apamushpa chaillapi cachun carpa huasita shayachishpa chai huasipi tonocunata pushachun David churashcacunaca caicunami.

³²Paicunami Mandaj Dioshuan tupangapaj tandanacuna carpa huasi ñaupajpi cantocunahuan Diospajta rurajcuna carca. Mandaj Diospaj huasita Jerusalenpi Salomón rurangacamami chashna rurajcuna carca. Ña chai huasita shayachijpipish, ima shinami ñaupaman carpa huasi ñaupajpi Diospajta ruracurcacuna, chashnallatajmi ruracurcallacuna.

³³Chaipi paicunapaj churicunahuan cantocunapi Diospajta rurashpa ayudajcunaca caicunami: Coatpaj huahua huahuapuramantaca, cantanata yachaj Hemán runami chaipi caj carca. Hemanca Joelpaj churimi. Joelca Samuelpaj churimi.

³⁴Samuelca Elcanapaj churimi. Elcanaca Jerohampaj churimi. Jerohamca Elielpaj churimi. Elielca Toapaj churimi.

³⁵Toaca Zufpaj churimi. Zufca Elcanapaj churimi. Elcanaca Mahatpaj churimi. Mahatca Amasaipaj churimi.

³⁶Amasaica Elcanapaj churimi. Elcanaca Joelpaj churimi. Joelca Azariaspaj churimi. Azariasca Sofoniaspaj churimi.

³⁷Sofoniasca Tahatpaj churimi. Tahatca Asirpaj churimi. Asirca Ebiasafpaj churimi. Ebiasafca Corepaj churimi.

³⁸Coreca Izharpaj churimi. Izharca Coatpaj churimi. Coatca Levipaj churimi. Levica yaya Israelpaj churimi carca.

³⁹Hemán runapaj alli maqui ladomanca, paipaj huauqui Asafmi caj carca. Asafca Berequiaspaj churimi. Berequiasca Simeapaj churimi.

⁴⁰Simeaca Micaelpaj churimi. Micaelca Baasiaspaj churimi. Baasiasca Malquiaspaj churimi.

⁴¹Malquiasca Etnipaj churimi. Etnica Zerapaj churimi. Zeraca Adaiapaj churimi.

⁴²Adaiaca Etanpaj churimi. Etanca Zimapaj churimi. Zimaca Simeipaj churimi.

⁴³Simeica Jahatpaj churimi. Jahatca Gersonpaj churimi. Gersonca Levipaj churimi carca.

⁴⁴Hemán runapaj lluqui maqui ladomanca, paipaj huauqui Meraripaj huahua huahuacunami caj carca. Paicunaca: Etanca Quisipaj churimi. Quisica Abdipaj churimi. Abdica Malucpaj churimi.

⁴⁵Malucca Hasabiaspaj churimi. Hasabiasca Amasiaspaj churimi. Amasiasca Hilciaspaj churimi.

⁴⁶Hilciasca Amsipaj churimi. Amsica Banipaj churimi. Banica Semerpaj churimi.

⁴⁷Semerca Mahlipaj churimi. Mahlica Musipaj churimi. Musica Meraripaj churimi. Merarica Levipaj churimi carca.

⁴⁸Levitapurallataj paicunapaj caishuj huauquicunataca, Mandaj Dioshuan tupangapaj tandanacuna carpa huasipi, Diospajta imallata rurana cashcata rurachunmi churarcacuna.

⁴⁹Aarón, paipaj churicunandijca Diosman cushpa tucui rupachina altar jahuapimi sacrificiocunata cujcuna carca. Shinallataj mishquijllata ashnajcunata rupachina altar jahuapipish inciensotami rupachijcuna carca. Diospajlla ch'icanchishca ucupipish tucui imallata rurana cashca shinallatajmi ruraj carca. Taita Diospajta ruraj Moisés mandashca shinallatajmi israelcunapaj juchamantaca Taita Diosman cujcuna carca.

⁵⁰Aaronpaj huahua huahuacunaca: Aaronpaj churica Eleazarmi. Eleazarpaj churica Fineesmi. Fineespaj churica Abisuami.

⁵¹Abisuapaj churica Buquimi. Buquipaj churica Uzimi. Uzipaj churica Zeraiasmi.

⁵²Zeraiaspaj churica Meraiotmi. Meraiotpaj churica Amariasmi. Amariaspaj churica Ahitobmi.

⁵³Ahitobpaj churica Sadocmi. Sadocpaj churica Ahimaasmi carca.

⁵⁴Caipica, Aaronpaj huahua huahuapura levitacunaman maijanlla pueblocunata cushcatapish, paicunaman cushca allpacuna maillata cashcatapishmi huillacun. Allpacunata cungapaj ña sorteajpica, Coatpaj huahua huahuacunapajmi puntaca urmarca.

⁵⁵Chashnami paicunamanca Judapi caj Hebrón pueblota, chai muyundij michina allpacunandij curcacuna.

⁵⁶Jefonepaj churi Calebmanpish, pueblondij, muyundij allpacunandijmi curcacuna.

⁵⁷Judá llajtapica, Aaronpaj huahua huahuacunamanca, mana huañuchina yuyaihuan cashpapish huañuchishpa miticuna Hebrón pueblotami curca. Shinallataj Libna pueblotapish muyundij michina allpacunandij, Jatir pueblotapish muyundij michina allpacunandij, Estemoa pueblocunatapish muyundij michina allpacunandij,

⁵⁸Hilén pueblotapish muyundij michina allpacunandij, Debir pueblotapish muyundij michina allpacunandij,

⁵⁹Asán pueblotapish muyundij michina allpacunandij, Bet-semes pueblotapish muyundij michina allpacunandijmi curcacuna.

⁶⁰Benjamín aillupaj llajtapica Geba pueblotapish muyundij michina allpacunandij, Alemet pueblotapish muyundij michina allpacunandij, Anatot pueblotapish muyundij michina allpacunandijmi curcacuna. Coatpaj huahua huahuacunamanca paicunapura mashna familia cashcapajmi tucuimantaca chunga quimsa pueblocunata chaupishpa curcacuna.

⁶¹Coatpaj huahua huahuapurallataj caj caishuj familiacunapaj sorteajpica, Manasespaj chaupi aillupaj llajtapimi chunga pueblocuna paicunapaj urmarca.

⁶²Gersonpaj huahua huahuacunamanca paicunapura mashna familia cashcapajmi, chunga quimsa pueblocunata curcacuna. Chai pueblocunaca Isacarpaj, Aserpaj, Neftalipaj llajtacunapipish, Manasespaj chaupi aillu causacun Basán llajtapipishmi carca.

⁶³Meraripaj huahua huahuacunamanpish paicunapura mashna familia cashcapajmi chunga ishqui pueblocunata sorteashpa curcacuna. Chai pueblocunaca Rubenpaj, Gadpaj, Zabulonpaj aillucunapaj llajtacunapimi.

⁶⁴Israelcunami Levipaj huahua huahuacunamanca, tucui chai pueblocunata muyundij michina allpacunandij curcacuna.

⁶⁵Judapaj, Simeonpaj, Benjaminpaj aillucunapaj llajtacunapica, ña huillashca chai pueblocunatami sorteashpa curcacuna.

⁶⁶Coatpaj huahua huahuacunamanca, Efraín aillupaj llajtapimi pueblocunataca, muyundij michina allpacunandij curcacuna.

⁶⁷Miticuna Siquem pueblotami, muyundij michina allpacunandij curcacuna. Chai puebloca Efraín urcupimi. Shinallataj Gezer pueblotapish muyundij michina allpacunandij,

⁶⁸Jocmeam pueblotapish muyundij michina allpacunandij, Bet-horón pueblotapish muyundij michina allpacunandij,

⁶⁹Ajalón pueblotapish muyundij michina allpacunandij, Gat-rimón pueblotapish muyundij michina allpacunandijmi curcacuna.

⁷⁰Coatpaj huahua huahuapura maijan familiacunamanca, maipi causana pueblota manaraj japijcunamanca Aner pueblotapish muyundij michina allpacunandij, Bileam pueblotapish muyundij michina allpacunandijmi curcacuna. Chai pueblocunaca, Manasespaj chaupi aillu causacun llajtapimi.

⁷¹Gersonpaj huahua huahuacunamanca, Manasespaj chaupi aillupaj Basán llajtapimi Golán pueblotapish muyundij michina allpacunandij, Astarot pueblotapish muyundij michina allpacunandij curcacuna.

⁷²Shinallataj Isacar aillupaj llajtapi caj Cedes pueblotapish muyundij michina allpacunandij, Daberat pueblotapish muyundij michina allpacunandij,

⁷³Ramot pueblotapish muyundij michina allpacunandij, Anem pueblotapish muyundij michina allpacunandijmi curcacuna.

⁷⁴Aser aillupaj llajtapica Masal pueblotapish muyundij michina allpacunandij, Abdón pueblotapish muyundij michina allpacunandij,

⁷⁵Hucoc pueblotapish muyundij michina allpacunandij, Rehob pueblotapish muyundij michina allpacunandijmi curcacuna.

⁷⁶Neftalí aillupaj llajtapica Galilea llajtapi caj Cedes pueblotapish muyundij michina allpacunandij, Hamón pueblotapish muyundij michina allpacunandij, Quiriataim pueblotapish muyundij michina allpacunandijmi curcacuna.

⁷⁷Meraripaj huahua huahuacuna paicuna causana pueblota manaraj japijcunamanca Zabulón aillupaj llajtapimi Rimón pueblota muyundij michina allpacunandij, Tabor pueblota muyundij michina allpacunandij curcacuna.

⁷⁸Rubén aillupaj llajtapica, Jordanmanta chaininijman caj Jericopi inti llujshin ladoman caj shitashca pambapimi Beser pueblotapish muyundij michina allpacunandij, Jaza pueblotapish muyundij michina allpacunandij,

⁷⁹Cademot pueblotapish muyundij michina allpacunandij, Mefaat pueblotapish muyundij michina allpacunandij curcacuna.

⁸⁰Gad aillupaj llajtapica, Galaad llajtapi caj Ramot pueblotapish muyundij michina allpacunandij, Mahanaim pueblotapish muyundij michina allpacunandij,

⁸¹Hesbón pueblotapish muyundij michina allpacunandij, Jazer pueblotapish muyundij michina allpacunandijmi curcacuna.