Read Chimborazo Highland Quichua NEHEMÍAS 10 Bible Online

NEHEMÍAS 10 - Chimborazo Highland Quichua bible

NEHEMÍAS 10

¹Chai quillcashcapi firmajcunaca caicunami: Hacaliaspaj churi llajtata mandaj Nehemías, Sedequías,

²Seraías, Azarías, Jeremías,

³Pasur, Amarías, Malquías,

⁴Hatús, Sebanías, Maluc,

⁵Harim, Meremot, Obadías,

⁶Daniel, Ginetón, Baruc,

⁷Mesulam, Abías, Mijamín,

⁸Maazías, Bilgai, Semaías shuti runacunami carca. Paicunaca curacunami carca.

⁹Levitacunaca: Henadadpaj, Cadmielpaj huahua huahuacunaca Binúi, Azaniaspaj churi Jesuami carcacuna.

¹⁰Paicunapaj huauquicunaca: Sebanías, Hodías, Kelita, Pelaías, Hanán,

¹¹Micaías, Rehob, Hasabías,

¹²Zacur, Serebías, Sebanías,

¹³Hodías, Bani, Beninu shuti runacunapishmi carca.

¹⁴Israelcunata mandajcunaca: Paros, Pahat-moab, Elam, Zatu, Bani,

¹⁵Buni, Azgad, Bebai,

¹⁶Adonías, Bigvai, Adín,

¹⁷Ater, Ezequías, Azur,

¹⁸Hodías, Hasum, Bezai,

¹⁹Harif, Anatot, Nebai,

²⁰Magpías, Mesulam, Hezir,

²¹Mesezabeel, Sadoc, Jadúa,

²²Pelatías, Hanán, Anaías,

²³Oseas, Hananías, Hasub,

²⁴Halohes, Pilha, Sobec,

²⁵Rehum, Hasabna, Maasías,

²⁶Ahías, Hanan, Anan,

²⁷Maluc, Harim, Baana shuticunami carca.

²⁸Caishujcunaca caicunami carca: Curacuna, levitacuna, pungupi cuidajcuna, cantajcuna, Diospaj huasipi imalla ruranata rurajcuna, Taita Dios mandashcata cazungapaj chai llajtapi causajcunamanta anchurishcacunapish paicunapaj huarmicunandij, imapaj cashcata entendi tucuipaj churicunandij, ushushicunandijmi tandanacurcacuna.

²⁹Chaipica israelcunaca paicunata pushajcunandij tandanacushpami, Mandaj Dios paipajta ruraj Moisesman cushca mandashcacunapi nishca shina Diospaj mandashcapi puringapaj ari ningapaj tandanacurcacuna. Mandaj ñucanchij jatun Diospaj mandashcacunata, pajtachinguitaj nishcacunata, chaitataj pajtachichun nishcacunata cazushunmi pajtachishunmi ningapajmi chashna tandanacurcacuna.

³⁰Ñucanchij ushushicunataca cai llajtapi causaj mana israelcunamanca manataj cushunchu. Paicunapaj ushushicunatapish ñucanchij churicunapaj huarmi cachunca manataj japishunchu.

³¹Cai llajtapi causaj mana israelcuna samana punllapi cashpapish, Diospajlla ch'icanchishca shujtaj punllapi cashpapish imata c'atungapaj shamujpipish, granocunata c'atungapaj shamujpipish chai punllacunapica mana randishunchu. Canchis huata tucujpipish ñucanchij allpacunata samachishunmi. Ñucanchij maijanllaman imata mañachishcatapish mana cobrashunchu nircacunami.

³²Mandashcapi nishca shinallatajmi ñucanchij Diospaj huasipi imalla rurana cashcata rurangapajpish shuj siclomanta quimsapi chaupishca shuj parteta cada huata cushun nircanchij.

³³Diospaj ñaupajpi churana tandapajpish, Diosman punllanta cunapajpish, Diosman punllanta cushpa tucui rupachinapajpish, samana punllacunapajpish, mushuj luna punllacunapajpish, fiesta punllacunapajpish, Diospajlla ch'icanchishcacunapajpish, israelcunapaj juchacunata anchuchichun sacrificiocunata cunapajpish, ñucanchij Diospaj huasipi tucui ima ruranacunapajpishmi cuna tucurcanchij.

³⁴Curacunapish, levitacunapish, tucui israelcunapish maijan huasi ucupuracunalla huatanta yantata ñucanchij Diospaj huasiman apana cashcata yachangapajmi sortearcanchij. Ña sorteashpaca mandashcapi nishca shinami ñucanchij Diospaj huasipi Diosman cushcacunata rupachingapaj yantataca apashun nircanchij.

³⁵Ñucanchij allpacunapi punta p'ucushca granocunatapish, yuracunapi punta p'ucushcacunatapish, huatanta Mandaj Diospaj huasiman apashun nircanchijmi.

³⁶Ñucanchijca ñucanchij Diospaj mandashcapi nishca shinami ñucanchij punta churicunatapish, ñucanchij vacacuna punta huachashcatapish, ñucanchij ovejacuna punta huachashcatapish ñucanchij Taita Diospaj huasipi curacuna imalla rurana cashcata rurachun apamushun nircanchij.

³⁷Ñucanchij Diospaj huasi ucupi caj huaquichinacunamanpish curacunapajmi, tandata ruracun masamanta punta rurashca tandata, ñucanchij yuracunapi punta p'ucushca granota, punta rurashca vinota, punta rurashca aceiteta apamushun nircanchij. Levitacunapajca ñucanchij allpacunapi p'ucushca granocunamanta chungamanta shujta cushcata japina cajpimi, tucui pueblocunapi japichun nircanchij.

³⁸Chungamanta shujta cushcata levitacuna japicujpica, Aaronpaj huahua huahuacunapuramanta shuj curami chaipi paicunahuan canga. Chungamanta shujta cushcata japishpaca levitacunapish chai japishcamanta chungamanta shujta ch'icanchishpami ñucanchij Diospaj huasi ucupi caj achca valijcunata huaquichina ucuman apangacuna.

³⁹Israelcuna, levitacunami granota, vinota, aceitetaca Diospajlla cajcunata huaquichina ucuman apangacuna. Diospajta ruraj curacunapish, pungupi cuidajcunapish, cantajcunapish, paicuna imata rurana horaspica chaipimi cangacuna. Chashna rurashpami ñucanchij Diospaj huasitaca mana shitashcata saquishun ninacurcanchij.