Read Chimborazo Highland Quichua NEHEMÍAS 11 Bible Online

NEHEMÍAS 11 - Chimborazo Highland Quichua bible

NEHEMÍAS 11

¹Llajtata mandajcunaca Jerusalenpimi causarcacuna. Shujtajcunaca Diospajlla caj Jerusalenpi maijanlla causana cashcata ricushpa apangapajca cada chungamanta shujtami sortearcacuna. Caishuj iscunca shujtaj pueblocunapimi causarcacuna.

²Maijancunaca quiquin munaimanta Jerusalenpi causasha nijpimi, tucuicuna chaica allimi nircacuna.

³Prezu apashca cashcamanta tigramujcunaca maijan israelcunapish, curacunapish, levitacunapish, Diospaj huasi ucupi imata rurajcunapish, Salomonpajta rurajcunapaj huahua huahuacunapish Judapi tiyaj pueblocunapimi paicunapaj quiquin allpa cashcallapitaj causai callarircacuna. Llajtata mandashpa Jerusalenpi causajcunaca caicunami.

⁴Judapaj, Benjaminpaj maijan huahua huahuacunaca Jerusalenpimi causarcacuna. Judapaj huahua huahuacunaca caicunami: Ataiasca Uziaspaj churimi. Uziasca Zacariaspaj churimi. Zacariasca Amariaspaj churimi. Amariasca Sefatiaspaj churimi. Sefatiasca Mahalaleelpaj churimi carca. Tucui paicunaca Farespaj huahua huahuamantami carca.

⁵Maasiasca Barucpaj churimi. Barucca Colhozepaj churimi. Colhozeca Hazaiaspaj churimi. Hazaiasca Adaiaspaj churimi. Adaiasca Joiaribpaj churimi. Joiaribca Zacariaspaj churimi. Zacariasca Silonipaj churimi carca.

⁶Farespaj huahua huahuacunamanta Jerusalenpi causangapaj saquirij macanacunata alli yachaj runacunaca 478mi carca.

⁷Benjaminpaj huahua huahuacunaca caicunami: Saluca Mesulampaj churimi. Mesulamca Joedpaj churimi. Joedca Pedaiaspaj churimi. Pedaiasca Colaiaspaj churimi. Colaiasca Maasiaspaj churimi. Maasiasca Itielpaj churimi. Itielca Jesaiaspaj churimi carca.

⁸Paipaj catica Gabaipish, Salaipishmi carca. Tucuimantaca 928mi carca.

⁹Zicripaj churi Joelca tucui paicunata mandajmi carca. Senuapaj churi Judaca Jerusalenpi causajcunata q'uipa mandajmi carca.

¹⁰Curacunamantaca caicunami: Joiaribpaj churi Jedaías, Jaquinpish,

¹¹Hilciaspaj churi Seraías. Mesulampaj churi Hilcías. Sadocpaj churi Mesulam. Meraiotpaj churi Sadoc. Ahitobpaj churi Meraiotmi carca. Ahitobca Diospaj huasipi imatapish rurajcunata mandajmi carca.

¹²Paicunapurallatajmi Diospaj huasipi imatapish rurajcuna carca. Tucuimantaca 822mi carca. Jerohampaj churi Adaías. Pelaliaspaj churi Jeroham. Amsipaj churi Pelalías. Zacariaspaj churi Amsi. Pasurpaj churi Zacarías. Malquiaspaj churi Pasurmi carca.

¹³Paicunapurallatajmi cada quiquin familiata mandajcuna carca. Tucuimantaca 242mi carca. Azareelpaj churi Amasai. Azaipaj churi Azareel. Mesilemotpaj churi Azai. Imerpaj churi Mesilemotmi carca.

¹⁴Paicunapura caishujcunaca macanacunata alli yachaj runacunami carca. Tucuimantaca 128mi carca. Paicunata mandajca, Gedolimpaj churi Zabdielmi carca.

¹⁵Levitacunamantaca: Hasubpaj churi Semaías. Azricampaj churi Hasub. Hasabiaspaj churi Azricam. Bunipaj churi Hasabías,

¹⁶Sabetai, Jozabadpishmi carca. Paicunaca Diospaj huasi canllapi imalla rurana cashcata ruraj levitacunata mandajcunami carca.

¹⁷Micaiapaj churi Matanías. Zabdipaj churi Micaía. Asafpaj churi Zabdimi carca. Asafca cantajcunata pushaj, Diosta mañana horas Diosta pagui nishpa cantachishpa callarichijmi carca. Bacbuquiasca punta huauquipaj q'uipami carca. Samuapaj churi Abda. Galalpaj churi Samúa. Jedutunpaj churi Galalmi carca.

¹⁸Diospajlla pueblopica levitacunaca tucuimantaca 284mi carca.

¹⁹Pungupi cuidajcunaca Acubpish, Talmonpish paicunapura caishujcunandijca tucuimantaca 172 cuidajcunami carca.

²⁰Caishuj israelcunaca curacunapish, levitacunapish, Judá llajtapi tiyaj shujtaj pueblocunapimi paicunapaj quiquin allpacunapi saquirircacuna.

²¹Diospaj huasipi Diospajta rurajcunaca, Ofelpimi causarcacuna. Diospaj huasipi Diospajta rurajcunata pushajcunaca Ziha, Gispa shuticunami carca.

²²Jerusalenpi causaj levitacunata mandajca Banipaj churi Uzimi carca. Banica Hasabiaspaj churimi. Hasabiasca Mataniaspaj churimi. Mataniasca Micaiapaj churimi. Tucui paicunaca Asafpaj huahua huahuacunami carca. Paicunaca Diospaj huasipi ima shina rurana cashca shinallataj cantajcunami carca.

²³Cantajcuna cada punlla ima shinalla rurana cashcataca jatun mandaj mandashcami tiyarca.

²⁴Judá llajtamanta caj Zerapaj huahua huahuacunamanta Mesezabeelpaj churi Petaiasca, jatun mandaj imata nishcata, judiocunaman huillaj, judiocuna imata nishcata jatun mandajman huillajmi carca.

²⁵Judapaj huahua huahuacunamanta maijancunaca Quiriat-arbapi chai muyundij llajtacunapipish, Dibonpi chai muyundij llajtacunapipish, Jecabseelpi chai muyundij llajtacunapipish,

²⁶Jesuapi, Moladapi, Bet-peletpi,

²⁷Hazar-sualpi, Beersebapi chai muyundij llajtacunapipish,

²⁸Siclagpi, Meconapi chai muyundij llajtacunapipish,

²⁹En-rimonpi, Zorapi, Jarmutpi,

³⁰Zanoapi, Adulampi chai muyundij llajtacunapipish, Laquispi chai muyundij allpacunapipish, Azecapi chai muyundij llajtacunapipishmi causarcacuna. Paicunaca Beersebamanta callarishpaca Hinom pugru pambacamami causarcacuna.

³¹Benjaminpaj huahua huahuacunaca Gebamanta callarishpaca Micmaspi, Aiapi, Bet-elpi, chai muyundij llajtacunapi,

³²Anatotpi, Nobpi, Ananiaspi,

³³Hazorpi, Ramapi, Gitaimpi,

³⁴Hadidpi, Seboimpi, Nebalatpi,

³⁵Lodpi, Onopi, imatapish ruranata yachajcuna causana pugru pambacamami causarcacuna.

³⁶Maijan levitacunaca Judapaj, Benjaminpaj llajtacunapipishmi causarcacuna.