Read Chimborazo Highland Quichua ÉXODO 24 Bible Online

ÉXODO 24 - Chimborazo Highland Quichua bible

ÉXODO 24

¹Mandaj Diosca, Moisestaca: — Aarontapish, Nadabtapish, Abiutapish, israelcunata cunaj yuyajcunatapish canchis chungata pushashpa Mandaj Diospaj ñaupajman huichiyashpa carullapi cunguringuichij.

²Moisesllami Mandaj Diospajmanca c'uchuyanga. Caishujcunaca ama c'uchuyachun. Tucui israelcunacarin ama paihuan huichiyachun — nircami.

³Israelcunapajman Moisés rishpaca, Mandaj Dios tucui rimashcacunata, tucui pai mandashcacunatami huillarca. Tucui israelcunami shuj shinalla: — Mandaj Dios tucui imalla nishcacunataca pajtachishunmi — nircacuna.

⁴Chaipimi Moisesca, Mandaj Dios nishca shimicunata tucuita quillcarca. Cayandij tutamanta utca jatarishpaca, chai urcu chaquipimi shuj altarta shayachirca. Israelcunapaj chunga ishqui aillucuna cashca shinallatajmi chunga ishqui rumicunata cada aillupaj shuj rumita shayachirca.

⁵Chai q'uipaca Moisesca, israelcunapuramanta maijan q'uipa huiñaicunata cachajpimi paicunaca Mandaj Diosman cushpa tucui rupachirca. Mandaj Dioshuan alli cangapajpish huagracunata cushpami rupachirca.

⁶Moisesca chai animalpaj yahuartaca chaupitaca tasacunapimi churarca. Chaupitaca altar jahuatami tsiraparca.

⁷Chai q'uipami Moisesca, Dioshuan ari ninacushca librota japishpa israelcuna uyajta rezajpi paicunaca: — Mandaj Dios tucui imalla nishcacunataca cazugrinchijmi, ruragrinchijmi — nircacuna.

⁸Chaimi Moisesca, yahuarta japishpa israelcunapaj jahuata tsirapashpaca: — Cai yahuarca, Mandaj Dioshuan cancunahuan tucui caicunata ari ninacushcata ricuchijmi — nirca.

⁹Moisespish, Aaronpish, Nadabpish, Abiupish, israelcunata cunaj yuyajcuna canchis chungacunandij huichiyashpami,

¹⁰israelcunapaj Taita Diosta ricurcacuna. Paipaj chaqui ucu pambaca zafiro rumihuan churashca shina, cielo shina achij nicujmi carca.

¹¹Taita Diosca israelcunata mandajcunata llaquichingapaj paipaj maquita mana chutarcachu. Paicunaca Taita Diosta ricushpapish mana huañurcacunachu. Micurcacunami ubyarcacunami.

¹²Mandaj Diosca Moisestaca: — Ñucahuan tupangapaj urcuman huichiyashpa, chaipi shuyangui. Yachachingapaj tablajlla rumicunapi ñuca quillcashca mandashcacunataca chaipimi canman cusha — nircami.

¹³Chaimi Moisesca paipajta ruraj Josuendij jatarishpa, Moisesca Taita Diospaj urcuman huichiyarca.

¹⁴Moisesca cunaj yuyajcunataca: — Ñucanchij tigramungacama caipi shuyacuichij. Aaronhuan, Hurhuanmi caipi cancunahuan canga. Ima tiyajpica, paicunapajman shamunguichijlla — nircami.

¹⁵Urcuman Moisés ña huichiyajpica, chai urcutaca p'uyumi taparca.

¹⁶Mandaj Dios sumaj jatun cashca Sinaí urcu jahuapi cajpimi, sujta punllacunata chai urcuta p'uyu tapashca carca. Canchis punllapica Mandaj Diosca p'uyu chaupimantami Moisesta cayarca.

¹⁷Mandaj Dios sumaj jatun cashcaca israelcunapaj ñahuipica imatapish rupachishpa tucuchij jatun nina shinami urcu puntapi ricurirca.

¹⁸Moisesca p'uyu chaupita yaicushpami, chai urcuman huichiyarca. Moisesca chai urcupica chuscu chunga punllacunata, chuscu chunga tutacunatami carca.