Read Chimborazo Highland Quichua SALMOS 116 Bible Online

SALMOS 116 - Chimborazo Highland Quichua bible

SALMOS 116

¹Ñucaca Mandaj Diosta c'uyanimi. Paimari ñuca mañashcata, ñuca caparishcata uyahuarca.

²Ñuca mañajpica, paipaj rinrinta mañachishpami uyahuarca. Chaimanta ñuca tucui causaipimi mañacushalla.

³Huañuica ñucataca huatashpami charicurca. Ña huañushca pambashca cashca shina tucushpami llaquihuan huañucurcani. Llaqui, nanaimi ñucataca japirca.

⁴Chaimi ñucaca Mandaj Diospaj shutipi: “Mandaj Dioslla, ñucata quishpichihuayari” nishpa mañarcani.

⁵Mandaj Diosca llaquijmi, cashcata rurajmi. Ñucanchij Taita Diosca llaquijtajmari.

⁶Mandaj Diosca mana jatun tucushcacunata huaquichijmi. Ñucataca ña huañunallatamari quishpichihuarca.

⁷Cunantajca samari tucunimi. Mandaj Diosmari ñucapaj allita rurarca.

⁸Quiquinmari huañuimanta quishpichircangui. Ñuca ñahuimantapish huiquita p'icharcanguimi. Ñuca chaqui lluchcarinamanta llujshichircanguimi.

⁹Cai pacha runacunahuan causashcacamaca, Mandaj Diosllatami cazushpa causasha.

¹⁰Jatun llaquipi cashpapish crij cashcamantami cashna rimarircani.

¹¹Utcami cashna nircani: “Tucui gentecuna llullacunami” nirircanimi.

¹²Ñucapaj tucui allicunata rurashcamantaca, Mandaj Diosmanca ¿imatataj cushari?

¹³Quishpichirina copata japishami, Mandaj Diospaj shutipi mañacushallami.

¹⁴Cunanca Mandaj Diosman cushatajmi nishcacunataca cushami. Tucui paipaj cajcunapaj ñaupajpimi cusha.

¹⁵Mandaj Diospajca jucha illajcuna huañujpica, yallitaj cushicunamari.

¹⁶Mandaj Dioslla, quiquinpajta rurajmi cani. Quiquinpajta ruraj ñucaca quiquinpajta ruraj huarmipaj churimi cani. Quiquinmari ñuca huatashca cashcamantaca cacharihuarcangui.

¹⁷Taita Diosmanca cantashcatami cuni. Mandaj Diospaj shutipimi cantani.

¹⁸Mandaj Diosman cushatajmi nishcacunataca, cushami. Tucui paipaj cajcunapaj ñaupajpimi cusha.

¹⁹Mandaj Diospaj huasi canllapimi cusha. Jerusalén, chaupipimi cusha. ¡Mandaj Diosta alabaichigari!