Read Chimborazo Highland Quichua SALMOS 132 Bible Online

SALMOS 132 - Chimborazo Highland Quichua bible

SALMOS 132

¹Huichiyacushpa cantanami. Mandaj Dioslla, Davidta yuyariyari. Tucui llaquita pai apashcata yuyariyari.

²Mandaj Dioslla David cambajta rurashatajmi nishcata yuyariyari. Paica Jacobpaj tucuita rurai tucuj Mandaj Diospaj rurashatajmi nishpaca cashnami nirca:

³“Ñuca huasi ucumanca mana yaicushachu. Ñuca samarina camamanpish mana huichiyashachu.

⁴Ñuca ñahuicunatapish manataj dormichun saquishachu. Ñuca ñahui quinllai richunllapish mana saquishachu.

⁵Mandaj Diospaj huasita maipi rurangacama manataj samarishachu. Jacobpaj tucuita rurai tucuj causanata maipi rurangacama manataj samarishachu” nircamari.

⁶Diospaj arcaca Efratapi cashcatamari uyarcanchij. Achca yuracuna chaupipimari japircanchij.

⁷¡Pai causacun carpa huasiman yaicushunchij! ¡Paipaj chaqui ñaupajpi pambaman tupajta cumurishunchij!

⁸Mandaj Dioslla jatariyari. Quiquin samarichun rurashca huasiman shamupayari. Quiquinpish, quiquin tucuita rurai tucuj cashcata ricuchij arcandij shamupayari.

⁹Quiquinpaj curacunaca cashcata ruranahuan churarishca cachun. Quiquinpaj jucha illajcunaca jatunta cushicushca cachun.

¹⁰Quiquinpajta ruraj Davidta c'uyashcamantaca, quiquin churashca jatun mandajmanta ama quiquinpaj ñahuita anchuchipaichu.

¹¹Mandaj Diosca pajtachingapajtajmi Davidmanca cambajca cashnami rurasha nirca. Pai cashna nishcataca manataj p'aquingachu: “Can mandashpa tiyanapica, cambaj huahua huahuacunatami churasha.

¹²Ñucahuan ari ninacushcata, ima shina causanata ñuca yachachishcata cambaj huahuacuna huaquichishpaca paicunapish can mandashpa tiyanapica huashan huashanmi tiyaringacuna” nishcami carca.

¹³Siontaca Mandaj Diosmi agllarca. Pai causana cachunmi munarca.

¹⁴“Huiñaita ñuca samarinaca caipimi. Ñuca munashcamantaca caipitajmi causasha.

¹⁵Paicunapaj ima charinacunataca achcatami cusha. Huajchacunamanpish mana nijtami carasha.

¹⁶Paicunapaj curacunamanca quishpirishca cashcata ricuchij churanatami churachisha. Paipaj jucha illajcunaca cushicuihuanmi cantangacuna.

¹⁷Chaipimi David mandanataca retoñachisha. Ñuca churashca mandajpajca ñami lamparapish allichishca.

¹⁸Paita p'iñajcunamanca musparina churanatami churachisha. Ashtahuanpish Davidpaj umapica coronami sisanga” nircami.