Read Chimborazo Highland Quichua SALMOS 14 Bible Online

SALMOS 14 - Chimborazo Highland Quichua bible

SALMOS 14

¹Tonota alli yachaj cantachichun, David rurashca Salmomi. Rumi shungu runaca paipaj shungupica: “Diosca mana tiyashcatami” yuyan. Tucuicuna yallitaj millai tucushpami millananacunata rurancuna. Allita rurajca pi mana tiyanchu.

²Mandaj Diosca jahua pachamantami huañujlla runacunataca ricucun. Maijan entendij tiyashcata, Diosta mashcaj tiyashcatami ricucun.

³Tucuicunami Diosmanta anchurishpa, tucuicuna yanga tucushcacuna. Allita rurajca pi mana tiyanchu, shujllapish mana tiyanchu.

⁴Millaita rurajcunaca Mandaj Diostaca mana mañancunachu. Allita ruracushcata mana allita ruracushcataca mana yachancunachu. Ñucapaj cajcunataca tandata micuj shinami millpuncuna.

⁵Tucuicuna cashcata rurajcunalla cai punllapimi, Mandaj Dios paicunahuan cajpi, millaicunaca manchaihuan chujchungacuna.

⁶Millaicunaca huajchacuna yuyarinacushcataca chanzatami rurashcacuna. Ashtahuanpish huajchacunaca Mandaj Diospi shunguta churashpami shuyancuna.

⁷¡Sión urcumantaca israelcunata quishpichijca ña shamujpichari alli canman! Mandaj Diosca paipaj cajcunata prezu cashcamanta tigrachimujpica, Jacobpaj huahuacunaca cushicungami. Israelcunaca cushicungami.