Read Chimborazo Highland Quichua SALMOS 20 Bible Online

SALMOS 20 - Chimborazo Highland Quichua bible

SALMOS 20

¹Tonota alli yachaj cantachichun, David rurashca Salmomi. Macanacui punllapica Mandaj Dios canta uyachun. Jacobpaj Dios canta mitsachun.

²Mandaj Diosca paipajlla huasimanta canta ayudajta cachachun. Sionmanta canta cuidachun.

³Tucui can cushcacunatapish yuyarichun. Tucuita cushpa can rupachishcatapish chasquichun. Selah

⁴Cambaj shungupi munashca shina cushca cachun. Can rurasha nishcacunataca tucuita pajtachichichun.

⁵Canta mishachishcamantaca cushicushunmi. Ñucanchij Taita Diospaj shutipimi banderacunata alzashun. Mandaj Diosca tucui can mañashcacunata cuchun.

⁶Mandaj Diosca, pai agllashcataca quishpichij cashcataca cunanmi yachani. Jucha illaj paipaj jahua pachamantami uyanga. Tucuita rurai tucuj paipaj alli maquihuanmi quishpichinga.

⁷Shujtajcunaca carrocunallapimi shunguta churan. Caishujcunaca caballocunallapimi shunguta churan. Ashtahuanpish ñucanchijca, ñucanchij Mandaj Diospimi shunguta churanchij. Pai yuyaillami canchij.

⁸Paicunaca huajllirinllacunami. Urmanllacunami. Ashtahuanpish ñucanchijca jatarinchijmi. Pi mana cuyuchipajtami shayanchij.

⁹Mandaj Dioslla jatun mandajta mishachihuai. Ñucanchij mañashca punllapi uyahuai.