Read Chimborazo Highland Quichua ISAÍAS 15 Bible Online

ISAÍAS 15 - Chimborazo Highland Quichua bible

ISAÍAS 15

¹Moab llajta ima tucuna cashcata huillachishcami. Shuj tutami Moabpi caj Ar pueblota chingachishpa chulunllata saquirca. Chaica chashnatajmi canga. Shuj tutami Moabpi caj Kir pueblotaca chingachishpa chulunllata saquirca. Chaica chashnatajmi canga.

²Bayit, Dibón pueblocunapaj jatun urcucunapi caj altarcunapi huacanamanmi huichiyangacuna. Nebo, Medeba pueblocunata tucuchishcamantapishmi, Moabpi causajcunaca caparishpa huacangacuna. Tucuicunami umata rutushca, barbasta anchuchishca cangacuna.

³Cañamazuta churarishcami, pueblo ñancunata puringacuna. Huasi jahuacunapipish, plaza pambacunapipish, tucuicunami caparishpa huacangacuna. Tucuicunami jatun llaquihuan cangacuna.

⁴Hesboncunapish, Elealecunapish caparingacunami. Paicuna caparishcaca Jahaza pueblocamami uyaringa. Chaimi Moabpaj alli macanacuj soldadocunapish caparingacuna. Paicunapaj almapish chujchucungami.

⁵Chaipica Moabmantaca caparishpami huacasha. Chai llajtamanta llujshishpa rijcunaca, Zoarcamami miticushpa ringacuna. Paicunaca quimsa huatayuj huagra shinami ringacuna. Luhit huichitami huacaihuan huichiyangacuna. Horonaimman rina ñantaca llaquichishcamanta huacanata huacaihuanmi ringacuna.

⁶Nimrimpi tiyaj yacucunapish chaquishcami canga. Q'uihuapish chaquiringami. Retoñacuj q'uihuacunapish chaquiringami. Tucui verdijlla cajcunami chingaringa.

⁷Chaimantami Moabcunaca paicunapaj munashca charinacunata, huaquichishcacunata apashpa sauce yuracuna tiyan yacu huaicuman ringacuna.

⁸Paicuna llaquihuan cashpa caparishcaca Moab lindecunacamami uyarirca. Eglaimcamami paicuna sinchita caparishcaca uyarirca. Beer-elimcamami paicuna aij nishpa caparishcaca uyarirca.

⁹Dimón pueblo yacucunapish yahuarhuan jundami canga. Dimón pueblomanca ashtahuan jatun cai llaquicunatami ñucaca cachasha. Moabmanta miticushpa rij moabitacunata tucuchichunca leoncunatami cachasha. Mana huañushpa saquirijcunata tucuchichunpish leoncunatami cachasha.