Read Chimborazo Highland Quichua ISAÍAS 25 Bible Online

ISAÍAS 25 - Chimborazo Highland Quichua bible

ISAÍAS 25

¹Mandaj Dios canmi ñuca Dios cangui. Mancharinacunata quiquin rurashcamantaca cambaj shutitaca jatunyachishami. Cambaj shutitaca alabashami. Ñaupaman quiquin imata ruranata yuyarishcataca chaitatajmi pajtachishcangui.

²Pueblotaca rumi montón shinamanmi tigrachishcangui. Muyujta pircayuj pueblotapish tucuimi urmachishcangui. Shujtaj llajta mandajcunapaj mandana huasicunapish ña mana pueblochu canga. Chaitaca manataj pi cutin shayachingachu.

³Chashna rurashcamantaca c'ari c'ari runacunami cantaca alli ningacuna. Sinchi pueblopi causaj c'ari c'ari gentecunapish cantaca manchangami.

⁴Huajchapaj fuerzami cangui. Ima illajcuna llaquihuan cajpi fuerzata cujmi cangui. Acapana shamujpi miticunami cangui. Inti rupachijpi llandujmi cangui. Millaicunapaj p'iñarica sinchi tamya shamushpa pata quinripi huajtarij shinami.

⁵Chaquishca pambacunapi inti t'itacuj shinami, jatun tucushca caru llajtamanta cajcunataca cumurichingui. C'ari tucushcacunataca p'uyu ucupi t'itaihuan retoñashca yurata anguyachij shinami cumurichingui.

⁶Tucuita Mandaj Diosca, cai urcupimi tucuicunapaj fuerzata cuj shuj jatun micuita ruranga. Alli aichahuan ñutcundij sumaj jatun micuitami ruranga. Tucuimanta yalli alli vinohuanmi canga.

⁷Mandaj Diosca cai urcupimi, tucuicunapaj ñahuita tapashca linsotaca anchuchinga. Tucui llajtacunapaj ñahuita tapashca linsotapish anchuchingami.

⁸Mandaj Jatun Diosca, huañuitapish huiñaipajmi chingachinga. Tucuicunapaj ñahuimantami huiquicunata chaquichinga. Tucui cai pachapi causaj pai agllashcacunapaj pingai canatami anchuchinga. Mandaj Diostajmi chashna nin.

⁹Chai punllapica: “¡Riqui caimari ñucanchij Taita Diosca! Paitamari shuyarcanchij, paimi ñucanchijtaca quishpichinga. ¡Ñucanchij shuyacushca Mandaj Diosca paimari! Pai quishpichishcamanta cushicushun yallitaj cushicushun” ningacunami.

¹⁰Mandaj Diospaj maquica cai urcupimi samaringa. Ashtahuanpish Moabitacunataca quiquin llajtallapitajmi sarunga. Animalcunapaj cacata shitanapi ujshata saruj shinami sarunga.

¹¹Paicunaca chai llaquipica, yacupi huambungapaj huambuj maquicunata chutashpa huambuj shinami maquicunata chutangacuna. Chashna cujpipish Mandaj Diosca paicuna jatun tucushcatapish cumurichingami. Imatapish rurai tucuj maquicunatapish yangatami ruranga.

¹²Mandaj Diosca paicunapaj pueblo muyundij jatun pircacunatapish urmachishpa, cumurichishpami ñutu allpa tucungacama ñutuchinga.