Read Chimborazo Highland Quichua NÚMEROS 7 Bible Online

NÚMEROS 7 - Chimborazo Highland Quichua bible

NÚMEROS 7

¹Moisesca Diospaj carpa huasita ña shayachishpaca, carpa huasitapish, chaipi Diospajta ruranapaj imalla charinacunatapish aceitehuan churashpami Diospajlla cachun ch'icanchirca. Altartapish, chaipi Diospajta ruranapaj imalla charinacunatapish aceitehuan churashpallatajmi Diospajlla cachun ch'icanchirca.

²Chaimanca israelcunata mandajcunami c'uchuyamurca. Paicunaca cada yayamanta mirarishca huasi familiata pushajcunami carca. Paicunallatajmi cada ailluta yupashcacunata pushajcunapish carca.

³Paicunaca Mandaj Diosman cungapajca caicunatami apamurca: Carpashca sujta carrocunata. Chunga ishqui huagracunatami apamurca. Cada ishqui pushajmi shuj carrota apamurca. Shinallataj cada pushajmi shuj shuj huagrata apamurca. Tucui chaicunataca Diospaj carpa huasi ñaupajpimi Diospaj cachun churarcacuna.

⁴Mandaj Dios Moisesta mandashpaca cashnami nirca:

⁵“Paicuna cushcacunataca chasquilla. Chaicunaca Dioshuan tupanacuna carpa huasipi imallata ruranapajmi canga. Chaicunataca levitacuna Diospajta rurachun paicuna imallata rurana cashcapaj cada quiquinman cungui” nircami.

⁶Chaimi Moisesca carrocunatapish, huagracunatapish japishpa levitacunaman curca.

⁷Gersonpaj huahua huahuacunamanca, paicuna imallata apaj cashca shinami, ishqui carrocunata, chuscu huagracunata curca.

⁸Meraripaj huahua huahuacunamanpish, imallata apaj cashca shinami, chuscu carrocunata, pusaj huagracunata curca. Paicunaca Aarón curapaj churi Itamar mandashca shinami rurajcuna carca.

⁹Coatpaj huahua huahuacunamanca Diospajlla ch'icanchishcacunataca paicunapaj rigra jahuallapi apana cashcamantami carrocunatapish, huagracunatapish mana curca.

¹⁰Altarta aceitehuan churashpa Diospajlla cachun ch'icanchi punllami, israelcunata mandajcunaca altarta Diosman mingangapaj Diosman cunata apamurca. Israelcunata mandajcunaca altar ñaupajpimi Diosman cunataca churarca.

¹¹Mandaj Diosca, Moisestaca cashnami nirca: “Altarta Diosman mingangapajca, israelcunata mandajcunaca ñucaman cuna cashcacunataca punta punllaca shuj pushaj, cati punllaca caishuj pushaj huashan huashan apamuchun mandangui” nircami.

¹²Punta punllapi cuna cashcata cujca Aminadabpaj churi Naasonmi carca. Paica Judá ailluta pushajmi carca.

¹³Paica caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunaca Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpitajmi tucuimanta yalli alli cutata aceitehuan chapushca jundahuan curca.

¹⁴Chunga siclota pezaj curi cucharatapish, inciensohuan jundata,

¹⁵shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.

¹⁶Juchamanta cunapajca shuj chivotami curca.

¹⁷Sumaj causaimanta cunapajca ishqui huagrata, pichca carnerota, pichca chivota, shuj huatayuj pichca c'ari ovejatami curca. Aminadabpaj churi Naasón Diosman cushcacunaca chaicunami carca.

¹⁸Cati punllapi cuna cashcata cujca, Zuarpaj churi Natanaelmi carca. Paica Isacar ailluta pushajmi carca.

¹⁹Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.

²⁰Chunga siclota pezaj curi cucharatapish, inciensohuan jundata,

²¹shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.

²²Juchamanta cunapajpish shuj chivotami curca.

²³Sumaj causaimanta cunapajca ishqui huagrata, pichca carnerota, pichca chivota, shuj huatayuj pichca c'ari ovejatami curca. Zuarpaj churi Natanael Diosman cushcacunaca chaicunami carca.

²⁴Quimsa punllapi cuna cashcata cujca, Helonpaj churi Eliabmi carca. Paica Zabulón ailluta pushajmi carca.

²⁵Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.

²⁶Chunga siclota pezaj curi cucharatapish, inciensohuan jundata,

²⁷shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.

²⁸Juchamanta cunapajpish shuj chivotami curca.

²⁹Sumaj causaimanta cunapajpish ishqui huagrata, pichca carnerota, pichca chivota, shuj huatayuj pichca c'ari ovejatami curca. Helonpaj churi Eliab Diosman cushcacunaca chaicunami carca.

³⁰Chuscu punllapi cuna cashcata cujca, Sedeurpaj churi Elisurmi carca. Paica Rubén ailluta pushajmi carca.

³¹Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.

³²Chunga siclota pezaj curi cucharatapish, inciensohuan jundata,

³³shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.

³⁴Juchamanta cunapajpish shuj chivotami curca.

³⁵Sumaj causaimanta cunapajpish ishqui huagrata, pichca carnerota, pichca chivota, shuj huatayuj pichca c'ari ovejatami curca. Sedeurpaj churi Elisur Diosman cushcacunaca chaicunami carca.

³⁶Pichca punllapi cuna cashcata cujca, Zurisadaipaj churi Selumielmi carca. Paica Simeón ailluta pushajmi carca.

³⁷Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.

³⁸Chunga siclota pezaj curi cucharatapish, inciensohuan jundata,

³⁹shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.

⁴⁰Juchamanta cunapajpish shuj chivotami curca.

⁴¹Sumaj causaimanta cunapajpish ishqui huagrata, pichca carnerota, pichca chivota, shuj huatayuj pichca c'ari ovejatami curca. Zurisadaipaj churi Selumiel Diosman cushcacunaca chaicunami carca.

⁴²Sujta punllapi cuna cashcata cujca, Deuelpaj churi Eliasafmi carca. Paica Gad ailluta pushajmi carca.

⁴³Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.

⁴⁴Chunga siclota pezaj shuj curi cucharatapish, inciensohuan jundata,

⁴⁵shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.

⁴⁶Juchamanta cunapajca shuj chivotami curca.

⁴⁷Sumaj causaimanta cunapajpish ishqui huagrata, pichca carnerota, pichca chivota, shuj huatayuj pichca c'ari ovejatami curca. Deuelpaj churi Eliasaf Diosman cushcacunaca chaicunami carca.

⁴⁸Canchis punllapi cuna cashcata cujca, Amiudpaj churi Elisamami carca. Paica Efraín ailluta pushajmi carca.

⁴⁹Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.

⁵⁰Chunga siclota pezaj shuj curi cucharatapish, inciensohuan jundata,

⁵¹shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.

⁵²Juchamanta cunapajpish shuj chivotami curca.

⁵³Sumaj causaimanta cunapajpish ishqui huagrata, pichca carnerota, pichca chivota, shuj huatayuj pichca c'ari ovejatami curca. Amiudpaj churi Elisama Diosman cushcacunaca chaicunami carca.

⁵⁴Pusaj punllapi cuna cashcata cujca, Pedasurpaj churi Gamalielmi carca. Paica Manasés ailluta pushajmi carca.

⁵⁵Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.

⁵⁶Chunga siclota pezaj curi cucharatapish, inciensohuan jundata,

⁵⁷shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.

⁵⁸Juchamanta cunapajca shuj chivotami curca.

⁵⁹Sumaj causaimanta cunapajpish ishqui huagrata, pichca carnerota, pichca chivota, shuj huatayuj pichca c'ari ovejatami curca. Pedasurpaj churi Gamaliel Diosman cushcacunaca chaicunami carca.

⁶⁰Iscun punllapi cuna cashcata cujca, Gedeonipaj churi Abidanmi carca. Paica Benjamín ailluta pushajmi carca.

⁶¹Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.

⁶²Chunga siclota pezaj curi cucharatapish, inciensohuan jundata,

⁶³shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.

⁶⁴Juchamanta cunapajpish shuj chivotami curca.

⁶⁵Sumaj causaimanta cunapajpish ishqui huagrata, pichca carnerota, pichca chivota, shuj huatayuj pichca c'ari ovejatami curca. Gedeonipaj churi Abidán Diosman cushcacunaca chaicunami carca.

⁶⁶Chunga punllapi cuna cashcata cujca, Amisadaipaj churi Ahiezermi carca. Paica Dan ailluta pushajmi carca.

⁶⁷Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.

⁶⁸Chunga siclota pezaj curi cucharatapish, inciensohuan jundata,

⁶⁹shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.

⁷⁰Juchamanta cunapajpish shuj chivotami curca.

⁷¹Dioshuan alli cangapajca ishqui huagrata, pichca carnerota, pichca chivota, shuj huatayuj pichca c'ari ovejatami curca. Amisadaipaj churi Ahiezer Diosman cushcacunaca chaicunami carca.

⁷²Chunga shuj punllapi cuna cashcata cujca, Ocranpaj churi Pagielmi carca. Paica Aser ailluta pushajmi carca.

⁷³Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.

⁷⁴Chunga siclota pezaj curi cucharatapish, inciensohuan jundata,

⁷⁵shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.

⁷⁶Juchamanta cunapajpish shuj chivotami curca.

⁷⁷Dioshuan alli cangapajca ishqui huagrata, pichca carnerota, pichca chivota, shuj huatayuj pichca c'ari ovejatami curca. Ocranpaj churi Pagiel Diosman cushcacunaca chaicunami carca.

⁷⁸Chunga ishqui punllapi cuna cashcata cujca, Enanpaj churi Ahirami carca. Paica Neftalí ailluta pushajmi carca.

⁷⁹Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.

⁸⁰Chunga siclota pezaj curi cucharatapish, inciensohuan jundata,

⁸¹shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.

⁸²Juchamanta cunapajpish shuj chivotami curca.

⁸³Sumaj causaimanta canapajpish ishqui huagrata, pichca carnerota, pichca chivota, shuj huatayuj pichca c'ari ovejatami curca. Enanpaj churi Ahira Diosman cushcacunaca chaicunami carca.

⁸⁴Altarta aceitehuan churashpa Diospajlla cachun ch'icanchi punllapi altarta Diosman mingangapaj israelcunata mandajcuna apamushcacunaca caicunami carca: Chunga ishqui cullqui platocuna, chunga ishqui cullqui jarrocuna, chunga ishqui curi cucharacunami carca.

⁸⁵Chai platocunaca cada platomi, 130 siclota pezarca. Jarrocunapish cada jarromi canchis chunga siclota pezarca. Tucui chaicunata pezajpica, 2.400 siclomi carca. Chaicunaca Diospaj carpa huasipi cullquita pezanapi pezashcami carca.

⁸⁶Chunga ishqui curi cucharacunaca, inciensohuan jundami carca. Cucharacunaca cada cucharami chunga siclota pezarca. Chaicunapish Diospaj carpa huasipi cullquita pezanapi pezashcami carca. Tucui curi cucharacunata pezajpica 120 siclomi carca.

⁸⁷Diosman cushpa tucui rupachingapaj apamushca animalcunaca caicunami carca: Chunga ishqui bizicuna, chunga ishqui carnerocuna, shuj huatayuj chunga ishqui c'ari ovejacunami carca. Chaicunataca Diosman cuna chaquishca granocunahuanpishmi curca. Juchamanta cunapaj apamushcacunaca chunga ishqui chivocunami carca.

⁸⁸Sumaj causaimanta paiman cungapaj apamushca animalcunaca caicunami carca: Ishqui chunga chuscu huagracuna, sujta chunga carnerocuna, sujta chunga chivocuna, shuj huatayuj sujta chunga c'ari ovejacunami carca. Chaicunataca altarta aceitehuan churashpa Diospajlla cachun ch'icanchishca q'uipa, altarta Diosman mingangapajmi apamurcacuna.

⁸⁹Dioshuan tupanacuna carpa huasipi Dioshuan rimangapaj Moisés yaicushpaca, Dioshuan ari ninacushca quillcata huaquichina arca jahuapi caj propiciatorio jahuapi caj ishqui querubincunapaj chaupimanta Dios rimajtami uyarca. Chashnami Diosca Moiseshuan rimaj carca.