Read Chimborazo Highland Quichua MATEO 1 Bible Online

MATEO 1 - Chimborazo Highland Quichua bible

MATEO 1

¹Jesucristoca Davidpaj, Abrahampaj huahua huahuapuramantami. Paipaj ñaupa yayacunapaj shuticunaca caicunami:

²Abrahampaj churica, Isaacmi. Isaacpaj churica, Jacobmi, Jacobpaj churicunaca Judapish, paipaj huauquicunapishmi.

³Judapaj huahuacunami Farespish, Zarapish carca. Paicunapaj mamaca Tamarmi carca. Esromca Farespaj huahuami carca. Aramca Esrompaj huahuami carca.

⁴Arampaj huahuaca Aminadabmi carca. Aminadabpaj huahuaca Naasonmi carca. Naasonpaj huahuaca Salmonmi carca.

⁵Salmonpaj huahuaca Boozmi carca. Boozpaj mamaca Rahabmi carca. Boozpaj huahuaca Obedmi carca. Obedpaj mamaca Rutmi carca. Obedpaj huahuaca Isaimi carca.

⁶Isaipaj huahuaca jatun mandaj Davidmi carca. Jatun mandaj Davidca Uriaspaj huarmi cashca Betsabepimi, Salomontaca charirca.

⁷Salomonpaj huahuaca Roboammi carca. Roboampaj huahuaca Abiasmi carca. Abiaspaj huahuaca Asami carca.

⁸Asapaj huahuaca Josafatmi carca. Josafatpaj huahuaca Jorammi carca. Jorampaj huahuaca Uziasmi carca.

⁹Uziaspaj huahuaca Jotammi carca. Jotampaj huahuaca Acazmi carca. Acazpaj huahuaca Ezequiasmi carca.

¹⁰Ezequiaspaj huahuaca Manasesmi carca. Manasespaj huahuaca Amonmi carca. Amonpaj huahuaca Josiasmi carca.

¹¹Josiaspaj huahuacunaca Jeconiaspish, chaishuj huauquicunapishmi carca. Paicuna causai punllacunami, Babiloniaman prezu aparcacuna.

¹²Babiloniaman prezu apashcamanta, Jesús huacharingacama ñaupa yayacunapaj shuticunaca caicunami. Jeconiasca Salatiel shuti huahuatami charirca. Salatielpaj huahuaca Zorobabelmi carca.

¹³Zorobabelpaj huahuaca Abiudmi carca. Abiudpaj huahuaca Eliaquimmi carca. Eliaquimpaj huahuaca Azormi carca.

¹⁴Azorpaj huahuaca Sadocmi carca. Sadocpaj huahuaca Aquimmi carca. Aquimpaj huahuaca Eliudmi carca.

¹⁵Eliudpaj huahuaca Eleazarmi carca. Eleazarpaj huahuaca Matanmi carca. Matanpaj huahuaca Jacobmi carca.

¹⁶Jacobpaj huahuaca Josemi carca. Chai Josemi Mariapaj cusa carca. Chai Mariapimi Cristo shuti Jesusca huacharirca.

¹⁷Cai tucui huahua huahuacunaca cashnami: Abrahammanta Davidcamaca, chunga chuscu yayacunami. Shinallataj Davidmanta Babiloniaman prezu apancamaca, chunga chuscu yayacunami. Babiloniaman prezu apashcamanta Cristocamapish, chunga chuscu yayacunami carca.

¹⁸Jesucristo huacharishcaca cashnami: Paipaj mama Mariaca, Josehuanmi cazaranapaj ari ninacushca carca. Manaraj tandalla causashpami, Mariaca jucha illaj Espiritumanta chichu ricurirca.

¹⁹Paipaj cusa Joseca cashcata ruraj cashcamantami, Mariata mana pingachisha nishpa pacalla saquisha nicurca.

²⁰Pai chashna yuyacujpimi, Jatun Diospaj ángel muscuipi ricurishpaca: “Davidpaj huahua huahua José, cambaj huarmi Mariata chasquinataca ama manchaichu. Pai chichushca huahuaca, jucha illaj Espiritumantami.

²¹Paica shuj churitami huachanga. Paitaca Jesús shutita shutichingui. Paica paipaj cajcunatami juchacunamanta quishpichinga” nircami.

²²Tucui caicunaca, profetaman Jatun Dios cashna huillachishca pajtachunmi chashna tucurca:

²³“C'arihuan manaraj chayarinacushca shuj huarmimi chichunga. Paica shuj c'ari huahuatami huachanga. Paitaca Emanuel shutitami shutichinga” (Chai shutica: “Taita Diosca ñucanchijhuanmi” nisha ninmi).

²⁴Dormicushcamanta José rijcharishpaca, Jatun Diospaj ángel mandashca shinallataj rurashpami, paipaj huarmi Mariataca chasquirca.

²⁵Chaipipish punta churita María huachangacama, Joseca manaraj chayarircachu. Chai huahuataca, JESÚS shutitami shutichirca.