Read Chimborazo Highland Quichua 2 CORINTIOS 9 Bible Online

2 CORINTIOS 9 - Chimborazo Highland Quichua bible

2 CORINTIOS 9

¹Jucha illajcunaman cungapaj ayudata tandachichij nishpaca, ña mana quillcanachu cani.

²Cancuna tucui shunguhuan cusha nishcataca yachanimi. Chaimantami Macedoniacunamanca Acayapi causajcunapish sarun huatamantami cungapaj allichicuncuna nishpa cushicushpa parlarcani. Cancuna chashna rurana yuyailla tucushcata yachashpami, paicunapish chaupi yallicuna ñucanchijpish chashnallataj rurashunchij nircacuna.

³Cancunamanta chashna alli nishpa parlashcaca ama yanga cachunmi, cai huauquicunataca cachani. Ñuca paicunaman parlashca shinallataj ña allichishca caichij.

⁴Maijan Macedoniocuna ñucahuan shamushpa cancuna manaraj allichishcata japij shamunman. Chaipica ñucanchij yuyacushca mana pajtajpica pingarishunmi. Cancunacarin yallimi pingaringuichij.

⁵Chaimantami cai huauquicunataraj cancunapajman cachana alli yuyachijpi ripaichij nishpa cacharcani. Cancuna ñaupaman cuna tucushcata tandachishpa ayudachun, ña cunallata ruracuchunmi cacharcani. Mana mitsashpa tucui shunguhuan cujpimi, ñucanchij cuchun nishcallamanta cushcaca mana ricuringa.

⁶Ashallata tarpujca, ashallatami tandanga. Achcata tarpujca, achcatami tandanga nishcata yuyarichigari.

⁷Tucuicuna quiquin shungupi yuyarishca shina cuichij. Ama llaquirishpa, ama cuichij nishcallamanta cuichijchu. Cushicushpa cujtamari, Diosca c'uyan.

⁸Diosca tucuita rurai tucuj cashcamantami, tucui allicunata cancunamanca yallijta cunga. Chashna cujpimi cancunaca punllanta tucuipi ima mana illaj cashpa, imatapish allita rurangapajca yalli yallita charinguichij.

⁹Quillcachishcapica: “Huajchacunaman chaupishpa curcami. Pai cashcata ruraj cashcaca huiñai huiñaipajmi catin” ninmi.

¹⁰Tarpuchun muyuta cuj, micunatapish caraj Diosllatajmi cancuna tarpushca chagratapish mirachinga. Cashcata ruranata tarpushcamantaca, paillatajmi ashtahuan mirachinga.

¹¹Tucui imapipish charijyashpa, mana llaquirishpa cujcuna cachunmi cunga. Cancuna cushcata ñucanchij apashpa cujpi, chasquijcunaca Diostaca pagui ningacunami.

¹²Cancuna cushcata jucha illajcunaman ñucanchij cushcaca, mana paicunapaj illashcallapajchu cashca. Ashtahuanpish paicuna ashtahuan Diosta pagui ninapajpishmi cashca.

¹³Cristomanta alli huillaica alli cashcata ricuchinata cazushpa cushcata ricushpami, paicunaca Diostaca jatunyachingacuna. Cancuna alli shunguhuan paicunaman, tucuicunaman cushcamantami, Diostaca chashna jatunyachingacuna.

¹⁴Chashnallataj cancunapica Diospaj mana c'uyaipajta c'uyaj cana yallitaj cashcamanta, paicunata c'uyashpa cushcamantaca paicuna Diosta mañanapica cancunamantapish mañangacunami.

¹⁵¡Ima shimicunahuan mana pagui ni tucuipajcunata cushcamantami, Diostaca pagui nini!