Read Chimborazo Highland Quichua JOSUÉ 19 Bible Online

JOSUÉ 19 - Chimborazo Highland Quichua bible

JOSUÉ 19

¹Chai q'uipa sorteajpica, Simeonpaj aillupajmi mashna familia cashcapaj urmarca. Paicuna japina cashcaca Judá aillupaj llajta chaupipimi urmarca.

²Paicuna japina cashca pueblocunataca caicunatami japircacuna: Beerseba, Seba, Molada,

³Hazar-sual, Bala, Ezem,

⁴Eltolad, Betul, Horma,

⁵Siclag, Bet-marcabot, Hazar-susa,

⁶Bet-lebaot, Saruhén pueblocunami carca. Chai chunga quimsa pueblocunatapish, tucui muyundij llajtacunandijmi japircacuna.

⁷Aín, Rimón, Eter, Asán pueblocunatapishmi japircacuna. Chai chuscu pueblocunatapish tucui muyundij llajtacunandijmi japircacuna.

⁸Chai pueblocunapaj tucui muyundij llajtacunatapishmi, Neguev llajtapi caj Ramat nishca Baalat-beer pueblocama japircacuna. Tucui chai llajtacunatami, Simeonpaj ailluca mashna familia cashcapaj japina cashcata japircacuna.

⁹Simeonpaj aillumanca, Judá aillupaj allpallatatajmi sorteashpa curca. Judá aillupaj allpacunaca yallitaj achcami carca. Chashna cajpimi Simeonpaj aillumanca, paicunapaj allpata chaupishpa curcacuna.

¹⁰Ishquipaj q'uipa sorteajpica, Zabulonpaj aillupajmi mashna familia cashcapaj urmarca. Paicunapaj llajtapaj lindeca Saridcamami.

¹¹Inti huashicun lado lindeca, Maralata huichi rishpami, Dabesetman chayan. Dabesetmantaca Jocneam ch'imbapurapi caj jatun yacumanmi chayan.

¹²Jatun yacumantaca inti llujshin ladoman caj Saridman muyurishpa, Quislot-tabor lindecamami. Daberatta pasashpaca Jafiacamami huichiyan.

¹³Jafiamantaca inti llujshin ladoman caj Gat-heferta, Ita-cazinta pasashpami, Rimonman llujshin. Rimonmantaca Neamanmi tigran.

¹⁴Janaj lado lindeca Hanatonman muyushpami, Jefte-el pugru pambaman llujshin.

¹⁵Shinallataj Catat, Naalal, Simrón, Idala, Belén pueblocunapishmi carca. Chai chunga ishqui pueblocunaca, tucui muyundij llajtacunandijmi paicunapaj carca.

¹⁶Zabulonpaj aillupajpish mashna familiapaj japina cashcata japishca llajtacunaca, tucui chai pueblocunami muyundij llajtacunandij paicunapaj carca.

¹⁷Quimsapaj q'uipa sorteajpica, Isacar aillupaj mashna familia cashcapajmi urmarca.

¹⁸Paicunapaj llajtapi caj pueblocunaca Jezreel, Quesulot, Sunem,

¹⁹Hafaraim, Sihón, Anaharat,

²⁰Rabit, Quisión, Abez,

²¹Remet, En-ganim, En-hada, Bet-pases shuti pueblocunami carca.

²²Chai llajtapaj lindeca caitami: Tabor, Sahazima, Bet-semes shuti pueblocunacama chayashpami Jordán jatun yacupi tucurin. Chai chunga sujta pueblocunapish, tucui muyundij llajtacunandijmi paicunapaj carca.

²³Chai llajtapi caj tucui pueblocunandij, muyundij llajtacunandijmi Isacarpaj ailluca paicuna japina cashcataca mashna familia cashcapaj japircacuna.

²⁴Chuscupaj q'uipa sorteajpica, Aser aillupaj mashna familia cashcapajmi urmarca.

²⁵Paicuna japishca llajtapi caj pueblocunaca: Helcat, Halí, Betén, Acsaf,

²⁶Alamelec, Amad, Miseal shuti pueblocunami carca. Chai llajtaca inti huashicun ladomanca Carmelo urcucama, chai urcumantaca Sihor-libnat yacucamami.

²⁷Inti llujshin lado lindeca Bet-dagonta muyushpami, janaj ladoman caj Zabulón aillupaj llajtahuan tupanacun. Chaimantaca Jefte-el pugru pambata pasashpa Bet-emecta pasashpa Neielta pasashpami, janaj ladoman caj Cabul puebloman llujshin.

²⁸Hebrón, Rehob, Hamón, Caná shuti pueblocunapish, Sidón jatun pueblocamami paicunapaj lindeca muyun.

²⁹Chai lindeca Ramá puebloman ashata muyurishpaca, muyundijta pircashca Tiro pueblocamami. Tiromantaca Hosa puebloman muyurishpami, Aczib llajtaman chayan. Aczibmantaca mama cuchamanmi llujshin.

³⁰Uma, Afec, Rehob pueblocunapishmi carca. Chai pueblocunandijca ishqui chunga ishqui pueblocunami, muyundij llajtacunandij paicunapaj carca.

³¹Tucui chai llajtacunami muyundij pueblocunandij, Aserpaj aillupajca mashna familiapaj japina cashcataca japircacuna.

³²Pichcapaj q'uipa sorteajpica, Neftalí aillupajmi paicuna mashna familia cashcapaj urmarca.

³³Paicunapaj llajtapaj lindeca Helefmanta callarishpaca, Alon-saananim, Adami-neceb, Jabuel, Lacumcamami carca. Lacummantaca Jordán yacuman llujshijtami.

³⁴Inti huashicun lado lindeca, Aznot-taborta muyushpaca, Hucoc shuti pueblota pasashpami, ura ladoman caj Zabulón aillupaj llajtaman chayan. Inti huashicun lado lindeca Aser aillupaj llajtahuanmi. Inti llujshin lado lindeca Jordán yacuta catishpa, Judá aillupaj llajtahuanmi.

³⁵Muyundijta pircayuj pueblocunaca: Sidim, Zer, Hamat, Racat, Cineret,

³⁶Adama, Ramá, Hazor,

³⁷Cedes, Edrei, En-hazor,

³⁸Irón, Migdal-el, Horem, Bet-anat, Bet-semes shuti pueblocunami. Chai chunga iscun pueblocunaca, tucui muyundij llajtacunandijmi paicunapaj carca.

³⁹Tucui chai llajtapi caj pueblocunatami, muyundij llajtacunandij Neftalipaj ailluca mashna familiacunapaj paicuna japina cashcataca japircacuna.

⁴⁰Sujtapaj q'uipa sorteajpica, Dan aillupaj mashna familia cashcapajmi urmarca.

⁴¹Paicuna japishca llajtapi caj pueblocunaca: Zora, Estaol, Ir-semes,

⁴²Saalabín, Ajalón, Jetla,

⁴³Elón, Timnat, Ecrón,

⁴⁴Elteque, Gibetón, Baalat,

⁴⁵Jehúd, Bene-berac, Gat-rimón,

⁴⁶Mejarcón, Racón pueblocunatami Jope pueblo ch'imbapurapi caj llajtandij japircacuna.

⁴⁷Dan aillupaj allpacunaca mana pajta cajpimi, paicunaca Lesem puebloman huichi rishpa chaipi causajcunahuan macanacushpa mishashpaca, espadacunahuan tucuita huañuchishpa, chai llajtata paicuna japishpa chaipi causarcacuna. Dan ailluca paicunapaj ñaupa yaya Dan cashcamantami, Lesem pueblotaca Dan shutita shutichircacuna.

⁴⁸Tucui chai llajtapi caj pueblocunatami, muyundij llajtacunandij Danpaj ailluca mashna familia cashcapaj paicuna japina cashcataca japircacuna.

⁴⁹Israelcunaca cada ailluman allpacunata chaupishpa tucui cushca q'uipami, Nunpaj churi Josuemanca paicunapaj chaupipi allpacunata curca.

⁵⁰Timnat-sera pueblota Josué mañajpica, Mandaj Dios mandashca shinallatajmi, pai mañashcapi curcacuna. Chai puebloca Efraín aillupaj urcupimi carca. Josueca chai pueblota allichishpami, chaipi causarca.

⁵¹Chai tucui llajtacunataca, Eleazar curahuan, Nunpaj churi Josuehuan, israelcunata pushajcunahuan tucushpami, Diospaj ñaupajpi sorteashpa israelcuna japina cashcataca chaupishpa curcacuna. Tucui chaicunataca Silo pueblopi Dioshuan tupangapaj tandanacuna carpa huasi pungupimi, sortearcacuna. Chashnami chai llajtacunataca tucuita chaupircacuna.