Read Chimborazo Highland Quichua JOSUÉ 21 Bible Online

JOSUÉ 21 - Chimborazo Highland Quichua bible

JOSUÉ 21

¹Levipaj aillu cada familiata pushajcunami, Eleazar curapajman, Nunpaj churi Josuepajman, Israel aillucunata pushajcunapajman shamurcacuna.

²Paicunaca Canaanpi caj Silo pueblopi paicuna cajpimi, chaiman shamushpa cashna nircacuna: “Mandaj Diosca Moisestaca ñucanchijmanpish causana pueblocunata, animalcunata michinapaj allpacunandij cuchunmi mandarca. Chaita ñucanchijman cupaichij” nishpami mañarcacuna.

³Israelcunaca paicuna japishca pueblocunatami, Leví aillumanca Mandaj Dios mandashca shinallataj pueblocunandij, michinapaj muyundij allpacunandij caicunata curca.

⁴Ña sorteajpica Levipaj aillu cura Aaronpaj huahua huahua Coatpaj familiacunapajmi urmarca. Paicunamanca Judapaj, Simeonpaj, Benjaminpaj aillucunapaj llajtacunapimi chunga quimsa pueblocunata curcacuna.

⁵Coatpaj huahuacunapurallataj caj shujtaj mirgapaj sorteajpica Efraín, Dan aillupaj, Manasespaj chaupi aillupaj llajtacunapimi urmarca. Chaicunapimi chunga pueblocunata curcacuna.

⁶Gersonpaj huahua huahuacunapaj sorteajpica Isacar aillupaj, Aser aillupaj, Neftalí aillupaj llajtacunapi, Manasespaj chaupi aillupaj Basán llajtapipishmi urmarca. Chai chunga quimsa pueblocunatami curcacuna.

⁷Meraripaj huahua huahuacunapaj mashna familia cashcapajca, Rubén aillupaj, Gad aillupaj, Zabulón aillupaj llajtacunapimi, chunga ishqui pueblocunata curcacuna.

⁸Israelcunaca Levipaj huahua huahuacunamanca, Mandaj Dios Moisesta ima shina mandashca shinallatajmi, paicuna causana pueblocunataca, michinapaj muyundij allpacunandij sorteashpa curcacuna.

⁹Judá aillupaj, Simeón aillupaj llajtacunapica levitacunamanca cai pueblocunatami curcacuna:

¹⁰Chai pueblocunata sorteajpica, Levipaj aillumanta caj Aarón curapaj Coatpaj huahua huahuacunapajrajmi urmarca.

¹¹Judá aillupaj urcucunapica Anacpaj yayapaj cashca Quiriat-arba nishca Hebrón pueblotami, paicunamanca, michinapaj muyundij allpacunandij curcacuna.

¹²Ashtahuanpish chai pueblo muyundij llajta allpacunataca, Jefonepaj churi Calebmanmi paipaj cachun curcacuna.

¹³Aarón curapaj huahua huahuacunamanca, mana huañuchina yuyaihuan cashpapish, huañuchishpa miticuna Hebrón pueblotami muyundij michina allpacunandij curcacuna. Ashtahuan cai pueblocunatapishmi curcacuna: Libna pueblotapish muyundij michina allpacunandij,

¹⁴Jatir pueblotapish muyundij michina allpacunandij, Estemoa pueblotapish muyundij michina allpacunandij,

¹⁵Holón pueblotapish muyundij michina allpacunandij, Debir pueblotapish muyundij michina allpacunandij,

¹⁶Aín pueblotapish muyundij michina allpacunandij, Juta pueblotapish muyundij michina allpacunandij, Bet-semes pueblotapish muyundij michina allpacunandijmi curcacuna. Chai ishqui aillumanca iscun pueblocunatami curcacuna.

¹⁷Benjamín aillupaj llajtapica: Gabaón pueblotapish muyundij michina allpacunandij, Geba pueblotapish muyundij michina allpacunandij,

¹⁸Anatot pueblotapish muyundij michina allpacunandij, Almón pueblotapish muyundij michina allpacunandijmi chuscu pueblocunata curcacuna.

¹⁹Aarón curapaj huahua huahuacuna causachunca, tucuimantaca chunga quimsa pueblocunatami muyundij michina allpacunandij curcacuna.

²⁰Leví aillupi caj Coat runapaj caishuj huahua huahuacunapaj sorteajpica, Efraín aillupaj llajtapi caj pueblocunami paicunapajca urmarca.

²¹Efraín aillupaj llajtapica urcupi caj Siquem pueblotami muyundij michina allpacunandij curca. Chai puebloca mana huañuchina yuyaihuan cashpapish, huañuchishpa miticuna pueblomi carca. Chai llajtapica: Gezer pueblotapish muyundij michina allpacunandij,

²²Kibsaim pueblotapish muyundij michina allpacunandij, Bet-horón pueblotapish muyundij michina allpacunandijmi. Chai chuscu pueblocunata curcacuna.

²³Dan aillupaj llajtapica, Elteque pueblotapish muyundij michina allpacunandij, Gibetón pueblotapish muyundij michina allpacunandij,

²⁴Ajalón pueblotapish muyundij michina allpacunandij, Gat-rimón pueblotapish muyundij michina allpacunandijmi. Chai chuscu pueblocunata curcacuna.

²⁵Manasespaj chaupi aillupaj llajtapipish Taanac pueblotapish muyundij michina allpacunandij, Gat-rimón pueblotapish muyundij michina allpacunandijmi. Chai ishqui pueblocunata curcacuna.

²⁶Coat runapaj caishuj huahua huahuacunamanpish tucuimantaca chunga pueblocunatami, muyundij michina allpacunandij curcacuna.

²⁷Leví aillupi caj Gersonpaj huahua huahuacunamanpish, Manasespaj chaupi aillupaj Basán llajtapi caj Golán pueblotami muyundij michina allpacunandij curcacuna. Chai puebloca mana huañuchina yuyaihuan cashpapish huañuchishpa miticunami carca. Chai llajtapi caj Beestera pueblotapish muyundij michina allpacunandijmi curcacuna. Chai ishqui pueblocunatami chashna curcacuna.

²⁸Isacar aillupaj llajtapica Cisón pueblotapish muyundij michina allpacunandij, Daberat pueblotapish muyundij michina allpacunandij,

²⁹Jarmut pueblotapish muyundij michina allpacunandij, En-ganim pueblotapish muyundij michina allpacunandijmi. Chai chuscu pueblocunata curcacuna.

³⁰Aser aillupaj llajtapica, Miseal pueblotapish muyundij michina allpacunandij, Abdón pueblotapish muyundij michina allpacunandij,

³¹Helcat pueblotapish muyundij michina allpacunandij, Rehob pueblotapish muyundij michina allpacunandijmi. Chai chuscu pueblocunata curcacuna.

³²Neftalí aillupaj Galilea llajtapica, Cedes pueblotami muyundij michina allpacunandij curcacuna. Chai puebloca mana huañuchina yuyaihuan cashpapish, huañuchishpa miticunami carca. Chai llajtapica: Hamot-dor pueblotapish muyundij michina allpacunandij, Cartán pueblotapish muyundij michina allpacunandijmi, chai quimsa pueblocunata curcacuna.

³³Gersonitacunaca paicunapaj mashna familia cashcapajca tucuimantaca chunga quimsa pueblocunatami muyundij michina allpacunandij japircacuna.

³⁴Leví aillupi caj Meraripaj huahua huahuacunamanca, Zabulón aillupaj llajtapimi, cai pueblocunata curcacuna: Jocneam pueblotapish muyundij michina allpacunandij, Carta pueblotapish muyundij michina allpacunandij,

³⁵Dimna pueblotapish muyundij michina allpacunandij, Naalal pueblotapish muyundij michina allpacunandijmi chai chuscu pueblocunata curcacuna.

³⁶Rubén aillupaj llajtapica: Beser pueblota muyundij michina allpacunandij, Jahaza pueblotapish muyundij michina allpacunandij,

³⁷Cademot pueblotapish muyundij michina allpacunandij, Mefaat pueblotapish muyundij michina allpacunandijmi, chai chuscu pueblocunata curcacuna.

³⁸Gad aillupaj llajtapica, Galaad llajtapi caj Ramot pueblotami muyundij michina allpacunandij curcacuna. Chai puebloca, mana huañuchina yuyaihuan cashpapish, huañuchishpa miticunami carca. Chai llajtapica: Mahanaim pueblotapish muyundij michina allpacunandij,

³⁹Hesbón pueblotapish muyundij michina allpacunandij, Jazer pueblotapish muyundij michina allpacunandijmi, chai chuscu pueblocunata curcacuna.

⁴⁰Leví aillupi caj caishuj huahua huahua caj Meraripaj huahua huahuacunamanca mashna familia cashcapajmi, sorteashpa tucuimantaca chunga ishqui pueblocunata curcacuna.

⁴¹Israelcunapurapaj llajtacunapica, tucuimantaca chuscu chunga pusaj pueblocunami levitacunapaj tucurca. Tucui chai pueblocunami muyundij michina allpacunandij carca.

⁴²Tucui chai pueblocunaca, caru carupimi carca. Tucui pueblocunallatajmi, muyundij michina allpacunandij carca.

⁴³Mandaj Diosca israelcunamanca paicunapaj ñaupa yayacunamanmi cai Canaán llajtataca cancunamanmi cusha nishca carca. Chashna nishca shinallataj chai llajtata paicunaman cujpimi, chaipi causarcacuna.

⁴⁴Mandaj Diosca paicunapaj ñaupa yayacunaman cushami nishcata pajtachishpami, chai llajtata paicunaman cushpaca pi mana ima nishca alli causaita curca. Mandaj Dios paicunahuan cashcamantami, p'iñajcunaca pi mana ch'imbapurai tucurca. Mandaj Diosmi chai p'iñajcunataca, israelcunapaj maquipi churarca.

⁴⁵Mandaj Diosca israelcunamanca, imalla allicunata cusha nishcacunataca, shujllatapish mana saquishpami tucuita pajtachirca.