Read Chimborazo Highland Quichua 2 TESALONICENSES 1 Bible Online

2 TESALONICENSES 1 - Chimborazo Highland Quichua bible

2 TESALONICENSES 1

¹Pablohuan, Silvanohuan, Timoteohuanmi ñucanchij Dios Yayapi, Mandaj Jesucristopi shujlla tucushca tesalonicapi tandanacushca crijcunaman quillcanchij:

²Ñucanchij Dios Yayapaj, Mandaj Jesucristopaj mana c'uyaipajta c'uyaj canapish, sumaj causaipish cancunahuan cashca cachun ninchijmi.

³Huauquicuna, cancunapaj crishcaca ashtahuanmi sinchiyashpa catin. Tucuicunapaj c'uyaipish shujtajcunata c'uyanapajca, cada quiquinpajmi yallijta jundan. Chaimantami cancunamantaca Taita Diosta pagui nina alli cajpi pagui nicunchijlla.

⁴Cancunata p'iñajcuna catirashpa llaquichicujpi llaquicunahuan cashpapish alli crij cashcata, mana p'iñarij alli shungu cashcatami ricuchinguichij. Chaitaca caipi chaipi Taita Diospaj tandanacushca crijcunaman parlashpami jatunta cushicunchij.

⁵Cancuna chashna llaquicunata apashpaca, Taita Dios cashcata rurashpa paicunata llaquichina cashcatami ricuchicunguichij. Cancunaca Taita Dios mandanapi yaicunalla cashcamantami chashna llaquicunataca apacunguichij.

⁶Cancunata llaquichijcunataca, cashcata ricuchishpami Taita Diosca llaquichinga.

⁷Ashtahuanpish llaquita apacuj cancunataca, Mandaj Jesús jahua pachamanta paipaj poderta charij angelcunandij ricuri punllamantami ñucanchijhuan tandalla samachinga.

⁸Paica lunyacuj ninapi shamushpami, Taita Diosta mana rijsijcunata, ñucanchijta Mandaj Jesucristomanta alli huillaita mana cazujcunatapish llaquichinga.

⁹Paicunaca huiñaipaj tucuchij llaquipimi llaquita apangacuna. Mandaj Jesuspaj ñaupajmanta paipaj sumaj podermantapish canllaman shitashcami cangacuna.

¹⁰Chashna llaquichinaman shamui punlla pai shamujpica, paita crij tucui paipaj cajcunaca jatunmi cangui nishpami mancharingacuna. Ñucanchij huillashcamantami cancunaca crircanguichij.

¹¹Taita Dios imapaj agllashca cashca shinataj causanguichij. Ima allita ruranapipish crishpalla ruranatapish alli ruranguichij. Tucui chaicunataca paillataj paipaj poderhuan rurachichunmi cancunamantaca mañacunchijlla.

¹²Chashnami ñucanchijta Mandaj Jesucristopaj shutica, cancunapi jatunyachishca canga. Cancunapish ñucanchij Taita Diospaj, Mandaj Jesucristopaj mana c'uyaipajta c'uyaimantaca paipimi sumajyachishca canguichij.