Read Chipaya 2 CORINTIOS 4 Bible Online

2 CORINTIOS 4 - Chipaya bible

2 CORINTIOS 4

¹Xalla niźtikiśtan werhnakki anal upaquśhućha, ni Yöś Ephki wethnakakiś nïź oqśñi quśtan ti lanqś thächićha.

²Niźaśa werhnakki ni maśinśkiśtan anal aśućha, niźaśa anapan śhoxśaka thaxinchinćha; niźaśa werhnakki anapan źoñinaka q'otś pekchinćha niźaśa anapan ni Yöś śuma kintu kerhchinćha. Ans werhnakki werarapan maśinchinćha, xalla niźtikiśtan anćhukki śapamayni perśun quś śhulźku ni Yöś tukkiś wethnakakiś tasnasaćha.

³Niźaśa ni werhnakaź anćhukakiś ni Yöś śuma kintu maśintaki, tshi śkitźtan śhoxźtaźtaqaśśa, xalla nïki ni ana kirïñi źoninakźkiśśa.

⁴Niźaśa ninakaki anat kirïćhani, ti yoq yöśśa ninaka ana näśñi tshi śuraźtaqaś khisqatchiki, niźaśa ni Criśtuź aśiś śuma kintu chawkh qhana ana cherax khichiki, xalla ni taquki Yöś irataćha.

⁵Niźaśa werhnakki anal perśunpachkiśtan maśnućha, ans Jesucriśtuki ućhumnaka Tataćha khikanl maśnućha; niźaśa ni Jesusaź oqśñiź khen werhnakki anćhuka manta päyinqaśtćha.

⁶Niźaśa ni Yöśpachaćha ni sumchikiśtan tshi qhana pariśhax khichiki, xalla nïćha ućhumnaka quśkiś ni qhana qhanqachchiki, neqhśtan ućhumnakki ni yaqha źoñinakźkin śaqaś qhanqatasaćha, niźaśa ni źoñinakźkiś ni Yöś aśi paxqatśxapa xalla nïki ni Jesucriśtuź yukhkiś qanćha.

⁷Xalla ti źelinśnakaki ućhumnaka xañchikiśśa, niźaśa tïki tshi lhok maśkaźtaqaśśa; xalla ni chawkh aśi Yöśkiśtan thonñi thëśxapa, ans ni aśiki anaź ućhumnakkiśtan thonćha.

⁸Xalla niźtikiśtan ućhumnakki ujź attaź qamćha, niźaśa ućhumnakki anaź ana ulanśiśki; niźaśa ućhunnakaltaki llakinakakipanqaź źelhćha, ans ućhumnakki anaź llajllaśla.

⁹Niźaśa werhnakki qhurtaćha, ans werhnakki anaćha xaytitit; niźaśa werhnakź t'eśinćha, ans ninakaki anaź werhnak cheqpachapan thatanćha.

¹⁰Niźaśa xaqhsi oqhkumi ni Jesusiź tikhźta wethnaka xañchikiś chhichućha, xalla nïź źeti wethnakakiś thëźtaśaqaś khexu.

¹¹Niźaśa ućhumnakki źethñinaka ni Jesusaź khen tikhśkiś thätićhumpanćha, xalla ni Jesusiź źeti ućhumnaka tikhśñi xañchikiś thätaśaqaś khexu.

¹²Xalla niźtikiśtan wethnakakiś ni tikhśki źelhćha, niźaśa anćhukakiśti ni źeti źelhćha.

¹³Xalla ni khjirtaki tuź khićha: “Werhki thapa quśśiśtaćha, xalla niźtikiśtan palxaychinćha.” Werhnakki xalla niźta irata thapa quśtan palxayućha, niźaśa werhnakki kirïućha niźaśa parlućha.

¹⁴Niźaśa werhnakki śiśućha ni Yöśśa ni Jesús Tata ni tikhśikiśtan jakatatsqatchiki, niźtaśaqaś ućhumnak ni Jesusiźtan chika jakatatsqataćhani, niźaśa anćhukatan chika werhnak nïźkin chhichakićha.

¹⁵Thappacha tinakaki anćhuka layku watchićha, wakchi źoñinaka anćhukakiśtan ni Yöś oqśñi quś tanźnakićha, niźaśa wakchi źoñinaka Yöśkin sparakiź khekićha, ni Yöś chawkh wathxapaki.

¹⁶Xalla niźtikiśtan werhnakki anapanl llajllaśućha. Niźaśa weth xañchimit kaśtissani, ans weth qosta quśki śapuruź aśi tanźa.

¹⁷Niźaśa ti yoqkiś qamkanaki añcha t'aqhiśiś źelhćha, xalla ni t'aqhiśiśki orallaź watćha; xalla nïki ućhumnakakiś tshi wiñay aśiź śhikćha niźaśa paqhi ana miransñi.

¹⁸Qhaźtikiśtanź ni cherta ćhhultaqinakkiśqaś juśhupäxo, ans ni ana cherta ćhhultaqinakkiś juśhupäśtanćha, xalla ni cherta ćhhultaqinakaki watñipanqaśśa, ans ni ana chertanakaki wiñayxapaćha.