Read Chipaya SANTIAGO 2 Bible Online

SANTIAGO 2 - Chipaya bible

SANTIAGO 2

¹Anćhukki weth jilanakakćhukćha, ućhumnaka aśśiś Jesucriśtu Tatźkin kirïchi, niźaśa anćhukki ana źoñi palh palhśtanćha.

²Niźaśa ućhumnaka t'aqkiś tshi źoñi qor surtijchiś luśhkasaź nïki, niźaśa jila walurchiś śkiti kuthchi, niźaśa ni orapacha tshi t'aqhir źoñiśaqaś tshel śkitillchiś luśhkasaćha,

³niźaśa anćhukki ni śuma śkiti kuthchi źoñiź śuma cherźnasaćha, neqhśtan nïźkiś tuź khesaćha: Amki tukkin julźka; niźaśa ni t'aqhir źoñkiś khesaćha: Amki neqhśiqaś tshitsna uśh weth qhxochkin julźna;

⁴xalla nuź päkuki anćhukki źoñiź phal palhćha, niźaśa anaśum quśtan juchjiptayćha.

⁵Weth q'ay jilanaka tïź nonźnalla: Yöśki ti yoqkiś t'aqhiri khiñi źoñinaka illśićha, nïź thapa quśtan muspa źelinchiś khexu, niźaśa ni Yöś pekñi źoñinakaki nïź irpiś wathkiś qhawźtaź khekićha;

⁶Ans anćhukki ni t'aqhir źoñinaka ćhhaxwinćhukćha. ¿Anax ni źelinchiś źoñinaka añcha anćhuk manta päqatñixo, niźaśa anax ninakaśaqaś jilirinakźkin tanźku chhichñixo?

⁷¿Anax ninaka ni k'achha thükiśtan ana śuma parliya, ni thüki anćhukakiś thäźkitaxo?

⁸Niźaśa anćhukki ni timlu chawkh jiliri irpiñiź lï khjirta patxparuź kumlićhax nïki: “Amki am źoñ maśi perśunpachkiśtaqaś oqźna.”

⁹Ans anćhukki źoñiź palh palhćhax nïki ujź päćha, neqhśtan anćhukki Yöś lïkiś ujchiśpanź khekićha.

¹⁰Niźaśa tshi źoñiki thappacha ni lï kaśñiźlax nïki, ans ni źoñiki tshi lï anaź kaśasaź nïki, thappacha ni lï tukkiś ujchiś ulanćha.

¹¹Xalla ni Yöś pachaćha, tuź khichiki: “Amki ana iźiwiri khella”, neqhśtan tuź khichiśaqaśśa: “Amki ana źoñi kona.” Niźaśa tshi źoñiki anat iź iźźax nïki, ans źoñit konćhax nïki, ni Yöś lï anaź kaśśa.

¹²Niźaśa anćhukki Yöś lïźtan juchjiptayś khita źoñiźta śuma chïchïśtanćha, xalla ni lïki ućhumnakalta liwrïś śhikćha.

¹³Niźaśa ni yaqha źoñi ana oqśñinakaki, niźtaśaqaś ana oqźku juchjiptayta khekićha, ans ni źoñi oqśi źoñinakaśti ni juchjiptayś thuñkiś añcha śuma khitaź ulnakićha.

¹⁴Weth jilanaka, ¿tshisuñźkiśiki ćhhulkiśtan thapa quśśiśtćha khiś wakiśixo, ans nïź lanqźtanaka ana thensnanxo? ¿Nïź thapa quśki nïx liwriyasaya?

¹⁵Tshi jila kullakinakźta, śkiti niźaśa śapuru lulhś ćhheriź phalhtiźinasaź nïki;

¹⁶niźaśa anćhukakiśtan tshïsuña tuź khesaź nïki: “Anćhukata añcha walix khila; anćhukki śumpachaź śkiti irźna niźaśa pektakamaź lulhźna”, ans ni źoñiki anaź ni xañchiź pektakama thäćha, ¿ni źoñźta ćhhulxapat wakiśixo?

¹⁷Xalla nuź ni thapa quśki watćha: Tshi źoñi ana lanqźtichiślax nïki, ni źoñiki perśunpacha tikhśićha.

¹⁸Niźaśa tshïsuñaki tuź khesaź nïki: “Amki thapa quśśiśamćha, niźaśa werhki lanqźtanakchiśtćha. Am thapa quś ana lanqźtichiś thëźna; ans werhki amkiś weth thapa quś lanqźtankchiśl thëźnaćha.”

¹⁹Amki tshi Yöś źelhćhaqam khiqaya, amki nuź chïkuki añcha walim päćha; niźaśa ni Saxranakaki nuźuśaqaś kirïćha, neqhśtan ninakaki aźkiśtanź Yöś eqhsku kharkatćha.

²⁰Niźaśa amki ana sumsu quśśiś khella, niźaśa tshïsuñaki thapa quśśiś niźaśa ana lanqźtanakchiślax nïki, ni thapa quśki anaź ćhhulxapa wakiśićha, amki xalla ti näśnalla.

²¹Niźaśa ni ućhumnaka achchi ephki, nïź mati Isaac tshi wilanaźtaqaś thäś pekchićha, neqhśtan Yöśki ni Abraham źkayi quśśiśtaqaś tanśićha.

²²Niźaśa amki ni Abrahamźkiśtanim cherźnasaćha, nïź thapa quśki pätanakźtan thëśićha niźaśa nïki nïź pätanakźtan nïź thapa quś źkayi khisqatchićha.

²³Xalla nuź ni Yöś śuma kintu khjirtaki kumlissićha, tuź khikan: “Abrahamki Yöś kirïchićha niźaśa Yöśki ni źkayi quśśiśtaqaś tanśićha.” Neqhśtan Abrahamki Yöś maśi khita khissićha.

²⁴Anćhukkiź cherćha, Yöśki ni źoñiź pätanakkiśtan źkayi quśśiśśa khićha, ans ana nïź thapa quśkiśtanqaś.

²⁵Xalla niźtaśaqaś na iźiwir Rahab khiti źonatan watchićha, Yöśki näźa pätanakkiśtan źkayi quśśiś tanśićha, xalla na źonki ni Yöś śuma kintu maśiñi źoñinaka qhuykiś qhawśinćha, neqhśtan na źonki ni jilanaka yaqha jikhśuñ ulansqatchinćha.

²⁶Niźaśa tshi xañchiki ana animuchiślax nïki tikhśićha, xalla niźtaśaqaś tshi thapa quśki ana pätanakźtanaki tikhśićha.