Read Chipaya APOCALIPSIS 4 Bible Online

APOCALIPSIS 4 - Chipaya bible

APOCALIPSIS 4

¹Werhki ti ćhhultaqinakaź wattan ni tsewkta yoq śana khetźta cherśinćha; neqhśtan werhki ni qallantiñi xora tshi tothiźtaqaś wethkiś chïñi nonśinćha, tuź khikan: “Amki tiwkh yawźka werhki ti ćhhultaq xarpacha watñi ćhhultaqinakal thëźnaćha.”

²Werhki ni orapacha Espíritu khissinćha, xalla ni tsewkta yoqkiś tshi chawkh jilirź julś cherchinćha, xalla ni chawkh julśkiśiki tshi źoñi julśi źelatćha.

³Xalla ni chawkh julśkiś julśi źelhñi źoñiki tshi champi irataź llijatćha niźaśa kornalina irata; niźaśa ni chawkh julś muytataki tshi kumariź źelatćha, xalla ni kumariki esmeralda khita k'achha maś irataź llijatćha;

⁴niźaśa ni chawkh julś muytataki piśkqhalu paqhpikchiś chawkh julśnaka źelatćha; xalla ni julśnakkiś piśkqhalu paqhpikchiś qamchi ephnaka julśi cherchinćha, ni ephnakaki chiw śkiti kuthchikamataćha niźaśa ninakź achkiś tshi qor pillu skarsikamataćha.

⁵Niźaśa ni chawkh julśkiśtanaki xorxorñi llijw khiñi xoranaka ulnatćha; niźaśa ni chawkh julś tukkiśtanaki towqu uj t'ewtanaka asatćha, xalla ni uj t'ewźtanakaki Yöś towqu animunakaćha.

⁶Niźaśa ni chawkh julś tukkiśiki tshi chawkh putill llijñi qotaźtaqaś źelatćha. Niźaśa ni chawkh julś muytata paqhpik źethñi źoñinaka źelatćha, ni źoñinakaki tukqhuttanami wirqhutanami źhukinakchiśtaćha.

⁷Ni źoñinakźkiśtan tukkin khiñiki tshi liwunź yukhchiśtaćha; xalla nïź xarupacha khiñiki tshi wak turuźtaqaś yukhchiśtaćha, niźaśa ni chhephkiś khiñiki tshi źoñiźtaqaśtaćha, ni paqhpikkiś khiñimi tshi laychi akilaźtaqaśtaćha.

⁸Niźaśa ni paqhpik źethñi źoñinakaki taqchuku qharchiśkamataćha, niźaśa ni qharanakaki śawntanami qhulltanami źhukinakchiśtaćha. Neqhśtan ni źethñi źoñinakaki wënami maxiñami anapan apatatatćha tuź chïkan: “¡Ni thapa aśśiś Yöś Tataki źkayi, źkayi, źkayi quśśiśśa, nïćha ni źelhchiki niźaśa ni anś źelhñimi niźaśa ni uśhka thonñimi!”

⁹Niźaśa ni źethñi źoñinakaki tirapan ni julśkiś julśiź thü aśśiśamćha khikan aynaqćha niźaśa sparakiź khićha, xalla ni źoñiki watay wata źethñipanćha.

¹⁰Neqhśtan ni piśkqhalu paqhpikchiś qamchi ephnakaki, ni julśkiś julśi źelhñiź tukkiś killśićha, neqhśtan ninakaki ni watay wata źethñi źoñi amtichićha, niźaśa ninakź pillu ni chawkh julś tukkiś nonśićha, tuź khikan:

¹¹“Amki źkayi quśśiśamćha niźaśa wethnaka Yöś Tatamćha, niźaśa amki ni chawkh aśi niźaśa ni aynaqta niźaśa chawkh qhana tanśñamki, niźaśa amćha thappacha ti ćhhultaqinaka pächamki; niźaśa ti ćhhultaqinakaki amiź quś pektakamaź źelhćha niźaśa amiź pätakamaćha.”