Read Chiquitano MATEO 1 Bible Online

MATEO 1 - Chiquitano bible

MATEO 1

¹Tyone nɨrixhimia axɨbama kusɨrɨboma aɨbuti Jesucristo, nityakɨbaɨtuxti David tyonenti nityakɨbaɨtuxti Abraham.

²Tapɨti Abraham yonenti yaɨtoti Isaac, tapɨti Isaac tyonenti yaɨtoti Jacob tapɨti Jacob ta tyonenti yaɨtoti Judá ichepe axɨbama yarukityoxti.

³Tyonenti Judá yaɨtoti Fares ichepeti Zérah, nipiakɨtoti nɨrixh Tamar. Tyonenti Fares yaɨtoti Hesrón naki yaɨtoti Aram.

⁴Tyonenti Aram yaɨtoti Aminadab, naki yaɨtoti Nahasón tyonenti naki yaɨtoti Salmón.

⁵Tyonenti Salmón yaɨtoti Booz, nipiakɨtoti nɨrixh Rahab. Tyonenti Booz yaɨtoti Obed, nipiakɨtoti nɨrixh Rut. Axti Obed tyonenti yaɨtoti Jesé,

⁶tyonenti Jesé yaɨtoti yɨriabux David. Axti yɨriabux David tyonenti yaɨtoti Salomón, axɨna nipiakɨtoti tyone tɨkañe nikɨpostoti Urías.

⁷Tapɨti Salomón tyonenti yaɨtoti Roboam, axti Roboam tyonenti yaɨtoti Abías tapɨti Abías tyonenti yaɨtoti Asá.

⁸Tapɨti Asá tyonenti yaɨtoti Josafat, naki yaɨtoti Joram tyonenti naki yaɨtoti Ozías.

⁹Axti Ozías tyonenti yaɨtoti Jotam, tapɨti Jotam tyonenti yaɨtoti Acaz naki yaɨtoti Ezequías.

¹⁰Tyonenti Ezequías yaɨtoti Manasés, axti Manasés tyonenti yaɨtoti Amón naki tyonenti yaɨtoti Josías.

¹¹Tyonenti Josías yaɨtoti Jeconías ichepe axɨbama yarukityoxti, au axɨmanio naskɨbeka tɨkañe naukiche sɨromatɨ axɨbama auki Israel au Babilonia tomonoma.

¹²Numo tɨtochenko nityakisɨrɨkɨxɨma axti Jeconías tyonenti yaɨtoti Salatiel, tapɨti Salatiel tyonenti yaɨtoti Zorobabel.

¹³Axti Zorobabel tyonenti yaɨtoti Abiud. Tapɨti Abiud tyonenti yaɨtoti Eliaquim, axti tyonenti yaɨtoti Azor.

¹⁴Axti Azor tyonenti yaɨtoti Sadoc, tapɨti Sadoc tyonenti yaɨtoti Aquim, tapɨti Aquim tyonenti yaɨtoti Eliud.

¹⁵Tyonenti Eliud yaɨtoti Eleazar, tapɨti Eleazar ta tyonenti yaɨtoti Matán. Tapɨti Matán tyonenti yaɨtoti Jacob.

¹⁶Axti Jacob tyonenti yaɨtoti Kiosen, nikiana Mariax, nipiakɨtoti Jesús, naki nɨrixhti osoi Mesías.

¹⁷Abe catorce nikɨbɨkɨ axɨbama yaɨtoxɨma esakiti Abraham nauki aiñanai esati David, abetyo pikiataka catorce, esakiti David ichepe naukiche axɨbama tɨkañe auki Israel sɨromatɨ au Babilonia tomoenoma. Auki nityomoenkixhimia axɨbama auki Israel ichepe naukiche iñataiti Mesías abe pikiataka catorce.

¹⁸Axɨna naukiche anati iku kɨx Jesucristo ta sane: Mariax nipiakɨtoti tiyasutiu nuraxti Kiosen nauki apo aɨbuti. Naukiche chɨchepekipɨ nakaxɨma, tɨtanati kɨtɨpɨ ipiaɨmakax auki noñemaxti Espíritu Santo.

¹⁹Axti Kiosen, naki ikiana, besɨro nisɨborikixhti chixhanxtipɨ atusi ɨmo namanaiña axɨna sane aɨbu Mariax, sane naukiche anekanatai nixhankaxti aiñanatiyɨ peese pɨnanaki.

²⁰Tɨniyɨkɨx aisamunenti sane, tamanti ángel auki napes ityusiankanatiyɨ sukarɨti auki ñanukuxti nanti ɨmoti: “Kiosen, nityakɨbaɨtuxti David, tapɨ aixhuka asuriu Mariax ɨmo nakɨposɨ, tyopiki axti maniki simia anati kɨtɨpɨ, ta auki noñemaxti Espíritu Santo.

²¹Mariax, anati taunainki ipiaɨmakax, aiña ɨriboti Jesús. Sane nɨrixhti ityopiki uiti ñana taesɨburuma namanaiña eanaki nomɨnantɨ.”

²²Nanaiña axɨba sane omixhante axɨmanio nanti maniki profeta:

²³“Axɨmanu kupikixh kuatati simia kɨtɨpɨ anati ñana ipiaɨmakax, apiña ɨriboti ñana Emanuel” (nantɨ sane: “Anati Tupax ochepe”).

²⁴Naukiche sɨtopɨkoti Kiosen, isamutenti takana axɨmanu yakɨpukuxti ángel auki napes ɨmoti, auki yasutiuti Mariax ikɨpostoboti.

²⁵Chichepekipɨ yarɨkɨkɨxɨma, anati iku kɨx ipiaɨmakax, axti Kiosen iñatati ɨriboti Jesús.