Read Choapan Zapotec 2 Corintios 2 Bible Online

2 Corintios 2 - Choapan Zapotec bible

2 Corintios 2

¹Quie lenaꞌ biaꞌ pensari biguidaꞌ tatula ideyubaꞌ leꞌe, porque chi guidaꞌ ideyubaꞌ leꞌe, bisule gusto conlë nëꞌëdiꞌ danꞌruen zi tilaꞌ leꞌe.

²Chi tanun quie danꞌ bidaꞌ bedeyubaꞌ leꞌe bisule gusto, ¿nuz̃i yezu nëꞌëdiꞌ gusto? Pues leꞌezi huaca yezule nëꞌëdiꞌ gusto, leꞌe benꞌ udilaꞌ.

³Por nun quie lenaꞌ aoseꞌelaꞌ tu guichi laole dza naꞌte ta inezile ca naca pensari quiaꞌ, porque biguꞌundaꞌ guidaꞌ ideyubaꞌ leꞌe ta uzule nëꞌëdiꞌ bayëchiꞌ nun quie ca ruele. Ta nacalá mejor reyaꞌalaꞌ uzule nëꞌëdiꞌ gusto. Chi zuaꞌ gusto, z̃elaꞌadyiꞌriaꞌ lente leꞌe huazule gusto yugulule.

⁴Cati biaꞌ guichi dza naꞌ, tantozi guquedaꞌ bayëchiꞌ, uredyaꞌ nun quie ca ruele. Pero cala aoseꞌelaꞌ guichi laole ta sule bayëchiꞌ, dechanꞌ aoseꞌelaꞌ guichi laole ta inezile cabëꞌ nedyëꞌëtzeguedaꞌ leꞌe. Ni rnën cabëꞌ reyaꞌalaꞌ yeziꞌz̃ero quie benꞌ bë tamala

⁵Pero chi nun quie tu benꞌ zu ladole guca tu bayëchiꞌ, pues cala tuzi nëꞌëdiꞌ bzunëꞌ bayëchiꞌ, pero lëscanꞌ bzunëꞌ lente leꞌe bayëchiꞌ. Lenaꞌ iniaꞌ leꞌe como danꞌ bireꞌendaꞌ hueꞌliaꞌ leꞌe diꞌidzaꞌ zë.

⁶Cabëꞌ castigo babële benꞌ naꞌ cati beguꞌudiꞌle, con lëzin aodiz̃unëꞌ quie xquia quienëꞌ cabëꞌ bënëꞌ.

⁷Naꞌra mejorla yeziꞌz̃ele quienëꞌ yeyuele diꞌidzaꞌ z̃elaꞌadyiꞌ cuenda bira gaquenëꞌ ziꞌlaza biyezunëꞌ gusto nun quie raquenëꞌ bayëchiꞌ gula.

⁸Quie lenaꞌ iniaꞌ leꞌe tatula, reyaꞌalaꞌ uluꞌelenëꞌ cabëꞌ nedyëꞌëlenëꞌ.

⁹Aoseꞌelaꞌ guichi laole dza naꞌ ta aodixoguiꞌa leꞌe cabëꞌ reyaꞌalaꞌ huele quie benꞌ naꞌ. Canaꞌ biaꞌ leꞌe prueba ta inezdaꞌ chi zule dispuesto inaole huele cabëꞌ niaꞌ.

¹⁰Naꞌra con nu benꞌ siꞌz̃ele con bitiꞌtezi cabëꞌ bënëꞌ, lëscanꞌ nëꞌëdiꞌ hueziꞌz̃eriaꞌ quienëꞌ, porque con nutezi benꞌ aoz̃iꞌz̃iaꞌ quie, aoz̃iꞌz̃iaꞌ quienëꞌ lao Cristo por nun quie leꞌe.

¹¹Canaꞌ huaꞌ cuenda bisiꞌ xanꞌ taxiꞌibiꞌ Satanás lato huelënan raꞌo. Aneziro dyëꞌëdi cabëꞌ nacan yelaꞌ mala quienan. Biuzu Pablo gusto zunëꞌ yedyi Troas

¹²Cati bdyinaꞌ yedyi Troas ta quixoguiꞌa diꞌidzaꞌ quie Cristo, canaꞌ guca blëꞌëdaꞌ detzegue lato huaꞌ dyin quie Cristo naꞌ.

¹³Pero biuzu guicho laxtaꞌohuaꞌ gusto nun quie ta bibedilaꞌ bichiro Tito. Lenaꞌ gudyaꞌ ja benꞌ quie Cristo nitaꞌ yedyi naꞌ aziyaꞌa. Naꞌra beyaꞌa yedyi nebaba Macedonia. Conlë Cristo huero gan lao xanꞌ taxiꞌibiꞌ

¹⁴Reyaꞌalaꞌ yëbiro Diuzi diuxcaleloꞌ nun quie conlë lëbëꞌ nuelëro Cristo Jesús tuz̃e huero gan lao xanꞌ taxiꞌibiꞌ. Canaꞌ useꞌelaꞌ Diuzi raꞌo ta quixogueꞌro benëꞌ diꞌidzaꞌ quie Cristo ta huebëꞌjëꞌ lëbëꞌ. Lenaꞌ nacan ca quie tu ta rlaꞌ z̃ixi z̃eo duz̃e yedyi layu.

¹⁵Lëscanꞌ raꞌo, nun quie nacaro benꞌ quie Cristo, nacaro ca quie tu ta rlaꞌ z̃ixi z̃eo rdyinnan ga zu Diuzi, rdyinnan ga zu ja benꞌ nao xnezëꞌ, benꞌ yeyo guibá. Lëscanꞌ rdyinnan ga zu ja benꞌ birue quie xtiꞌidzëꞌ, benꞌ yeyo lao guiꞌ gabila.

¹⁶Quie ja benꞌ birue quie xtiꞌidzëꞌ, benꞌ yeyo lao guiꞌ gabila, naca diꞌidzaꞌ rguixogueꞌro ca quie tu ta rlaꞌ bayatza gutin benëꞌ. Pero quie ja benꞌ nao xnezëꞌ, benꞌ yeyo guibá, naca diꞌidzaꞌ rguixogueꞌro ca quie tu ta rlaꞌ z̃ixi z̃eo gunnan yelaꞌ neban tuzioli. ¿Nu gaca tzioñeꞌe cabëꞌ niaꞌ niga?

¹⁷Cala rdandoꞌ ruendoꞌ negocio conlë diꞌidzaꞌ laꞌiya quie Diuzi cabëꞌ rue zë benꞌ tula, pero nëtoꞌ, como re Diuzi cabëꞌ inaro, rdandoꞌ rguixogueꞌndoꞌ diꞌidzaꞌ laꞌiya quie Diuzi du galo cabëꞌ reyaꞌalaꞌ hue benꞌ useꞌelaꞌ Diuzi. Ruendoꞌ cabëꞌ reyaꞌalaꞌ hue benꞌ rue dyin quie Cristo.