Read Chokri Naga Matthew 1 Bible Online

Matthew 1 - Chokri Naga bible

Matthew 1

¹Abraham nu David, David nuo Jisu Khrista shühye lüsida;

²Abraham yo Isaac pari, Isaac yo James pari; James yo Judas mo pü sazühzürako pariyi.

³Süze Juda-e Tamarpü yono Perez mo Zora unyi münuyi; Perez yo Hezron pari mo Hezron yo Aram pariyi;

⁴Aram yo Aminadab mo Aminadab yo Nasahon mo Nashon yo Salmon pariyi;

⁵Salmon-e Rakhab pü yono Boaz ngoyi, mo Boaz-e Ruth yono Obed münuyi, mo Obed yo Jese pariyi;

⁶Mo Jesse yo David Küdeo pariyi, David-e thazü Uria cemipü yono Solomon münuyi.

⁷Mo Solomon yo Rehoboam pari; Rehoboam yo Abijah mo Abijah yo Asa;

⁸Mo Asa yo Jehosafat; mo Jehosafat nu Joram, mo Joram, mo Joram nu Uzia.

⁹Süsari Uzia yo Jothan pari, Jothan yo Ahaz, mo Ahaz yo Hezekia;

¹⁰Mo Hezekia yo Manasseh mo Manesseh nu Amon, süsa Amon nu Josia.

¹¹Süsa puko tüzüh die Babylon lü vota küto müsühce Josia nu Jekhonia mo sazüdzürako münuyi.

¹²Mo puko tüzüh Babilon lü kütasa Jekhonia Salethel münuyi; mo Salethel yo Zerubabel pariyi.

¹³Mo Zerubabel yo Abiud pari; mo Abiud yo Eliakim pariyi; mo Eliakim yo Azor pariyi.

¹⁴Süze Azor yo Zadok yo Akhim mo Akhim yo Eliud pariyi;

¹⁵Mo Eliud yo Eliazar mo Eliazar yo Mathan mo Matthan yo James;

¹⁶Mo James nu Joseph, Mary nopu, süpü yono Jisu Khrista li küti-o münuyi.

¹⁷Hihibi die Abraham yono vo David kütso nuye kürida; mo David yono votüzüh Babilon lü küvo kütso nuye kürida; süze puko tüzüh Babilon lü küvo lüno vori Khrista kütso ri nuye kürida.

¹⁸Süze, Jisu Khrista kümünu hibi; Pu zu Mary po Joseph unyi küri küto küpo püh ma kütace; unyi küzüh lhü küta mhuzü Mary Kümüsa Rüpü lüno nulhüpü ba küta seyita.

¹⁹Süsa pu nupu Joseph kümathomi püh zo tina, pu püh müthi mhüzü thüce thinyi mo die mükhrüh pu kha küva lübata.

²⁰Eli, pu zü süko müdo kübace, yhie, Nyep-o shoyimi püh pu mholü puce vori die pu yisü, Yhie, No David nu Joseph, no Mary yi püh n cemi thi müprüh tahite. Kükrenamori, pu nu lhüpü kübao sü Kümüsa Rüpü lüno zo kütina.

²¹Pu thüpunumi püh münu süto, mo no Pu za thopüh Jisu zi die cito. Kükrenamori, Pupu thümako küphoma lüno puko küla sü kütona.

²²Mha hiko thi küta, kükrenamori, Nyepoo sadzühkesemi talü podie;

²³Yhie Rülimi phosühpü püh nulhü pü yito, sidie thüpunumi püh münu yito, mo puko Pu za thopüh Immanuel thito, mo Immanuel co Jihova uzüh bate; zi püh kümütao tsühyi kütona.

²⁴Süsa Joseph pu küzüh lüno co süri die Nyiepoo shoyimi puce po küsü bi die pu cemi zühyita.

²⁵Eli, süpü pu nu nura süo münuyi kümothe pupu cemi süpu züh thünothüpu thimo. Süsano nu süo za thopüh Jisu ciyi.