Read Chokri Naga Matthew 3 Bible Online

Matthew 3 - Chokri Naga bible

Matthew 3

¹Süze sütüce sü John dzülukhaküsüoe Judea nhatsalümütha die;

²Nieko thülü küdeyite, tüyo küde münoto ba küta na.

³Süze hiohi Isaiah sadzühküseo pu dzüh po die; mipüh nhatsalü se die; neko Nyepoo sho küsühyite, Pu shopriko thi kümüziyite; zi küta khüo sü pu zo.

⁴Mo John hi Utma püh pu khüne thi, thigi shepha püh pu shepha, süze kopre mo mükhizü püh pu co thi.

⁵Sücesü Jerusalem, Judea, cejü mütü mo Jordan kümütu rüna mütü lüno mi puce vori.

⁶Sidie u küphomako phra sü die pupo Jordan lüno puko püh dzülu püyi.

⁷Eli, pu Phariseeko mo Sadduceeko kükro pu dzülu khaküsülü vori küba ngo küyice puko yisü, Yhie! Nyhibüpü shüyieko, sopühno neko po vori küzü lükhuo mhuzülü tayi no die neko ce po sü-a?

⁸Süna thülü küde küyi se-o po rüthi pariyite.

⁹Sidie nelüno hari Abraham sü hapo zo; süzi küti lüta hite, I neko ce po süto, Jihova-e kütsü hiko yori Abraham nuneko mülhü süyi vezo.

¹⁰Mo tsüri sühdorü-o püh sühbo phelü müzüzo. Süna sühbo kühopüri u se zhiyi kümokhü ve va die kügü püh melü sü vato.

¹¹I-e dzülüno thülü küde küyi dzülu püh neko prüyo küti zo. Eli, asa vori küzüo aceri zhoku, I pu pheku rhiri phrüyi shümo pühyi sümo,

¹²Pue Kümüsa Rüpü mo melü neko püh dzülu püto. Pu lhahüri Pubelü ba, Pu atalha münu die hü kümüsa to, sidie atalhako püh Pu khilü künguyito; eli sabühko püh mhü tayi külho melü müto vato.

¹³Sücesü Jisu Galilee lüno tasü Jordan rülü John po Pu püh dzülu pü tozu vori.

¹⁴Eli, John-e Pu kha die Pu yisü, I npo apüh dzülu küpü müsüh-o lü No ace vori zü me? zita.

¹⁵Süri Jisu pu zü küla die, tsüzo na a kha hite, kükrenamoli, süzi küsü lüno avü künanyi yono kümatho zho mütü thitsüh sü tozu ba küta na; zita. Süsa John ri thisü toli zita.

¹⁶Süsa Jisu dzülu pü küyi sa dzülüno ta mha parita; sücesü, Yhie tüko khri Pu prü mo John-e Jihova Rüpüo mükhro püh bi die vekrüzo Pu yo kiri küti ngo.

¹⁷Sücesü Yhie, Tüyono mhakhü püh; Hihi anu a khrü-o zo, I Pungo a künü thoo zo, zi kiri.