Read Chokri Naga LUKE 1 Bible Online

LUKE 1 - Chokri Naga bible

LUKE 1

¹Theophilus la tho küsü. Thüma kekro udolü mhathi müsemengo kesüko tho kesaso tutu sü keto thi phisü,

²Süculü püsa meji jüo choyiko umhüpü kengo zhopo kethiko belü khapü uko tsü süte.

³Mhape menu kevoce I sheri tho meve shu sü keto alü mpeyi te, vemirekri Theophilus.

⁴N po kethoo setüyi ketola mhathi kevoko hijü nce po kesübi.

⁵Judah kedo Herod tüce, Zacharea Thevo kezho thiba, Abijah thevo yelü kevorimi pücemi Elizabeth no Aaron yemi.

⁶Uni kenani Jihova mhüjülü matho mezi dehü, thezhoko mu ukrüzhoko lü mejo va kehomi, thi mu züno khakesü kolü.

⁷Vele uni nudimi, Elizabeth nudipü mu uni kenani pethi zho rata.

⁸Pü mesülü thevo mhatho thi Jihova mhüjülü kebace.

⁹Chethi khüle (heve hesu) kethilü ta kere shücelü mhathüpü Jihova reshü ti pü mesü ta.

¹⁰Hitülü, mhathüpü reshü thi kebace thüma metüko chozuco kech thiba.

¹¹Süsa tüyo Niepoo choyimi pü pü mhüngo, thisüta kethü reshü khü uzaco.

¹²Zecharia süo ngokesüce pü kere de mpe shuta.

¹³Vele tüyo choyio püücepoti “mpe hite” n kecho se süte, Zecharia cemi Elizabeth thepumi pü hüyi to, no püza thopü John thi süte.

¹⁴No njükeve mu kenüngoyito, pü menu keyi thüma kekro unü to.

¹⁵Pü Niepoo mhüjülü zhophito, pü kemenu mhüjüri Kemesa Rüpü püzü tato.

¹⁶Pü Isreal thüma kekro thi redepü Niepoo uko Rüo ce süto.

¹⁷Elijah rüpüh mu pü keku pü de pü mhüjülü tavoto, mikrüne melü thi rüdepü ununeko yo süto, mathokemoko (jüzü kemoko) thi rede pü kemezi mhase lü sü vato, thüma kopo keredepü Niepoo la u kesüpü ba ketola.

¹⁸Zecharia tüyochoyio ce poti, kedipü bide I süo seyi veta? I pethite acemi sheri tütse kükrote.

¹⁹Tüyochoyio püfü kelasü, I Gabriel. I Jihova mhüjülü thayo, A ketsüpü nce posüno zisü, mu jüyikeve hio khi püvo n metsosü.

²⁰Vele tsühi, no afü melü mo ketala, pütütülü süko thitso vori tato, no jü poyi ho batato; hiko thitsü vori kemothe.

²¹Sütüce thümako Zecharia füba, m kedipüla pü kereshücelü thothü mecho bata sheri.

²²Pü taprari, pü ukoce jüpo yi mota, mu uko kelüce pü kehothimori kereshücelü zümho ngota metse, pübe chopü ukoce thakako mengo bata de jüpoyi mo bata.

²³Pütü tsovori ta de ta pücelü vota.

²⁴Hisalü pücemi Elizabeth nuneyi, tükhri püngu puce kre redü ba,

²⁵Thenopü poti, Niepoo tho hio thisü pü aphimüzhie de a thüma dolü I zhoshü keta khipü düve.

²⁶Tekhri shurü sa Jihova tüyochoyio Gabriel ketsüpü Galilee rüna lü Nazareth lüsü.

²⁷Reliphosüpü pü Joseph zü kephokhava, pü David shuyemi. Reliphosüpü za Mary.

²⁸Tüyochoyio puce pode, kelüsüho, Niepoo khrü kepüpü, Niepoo nzü bateho,

²⁹Vele thenopü jü süko la pü vedi phita, side pü mha süko lüpü dipü la pü kelü tasheri.

³⁰Tüyochoyio Mary ce poti, mpe hite, Mary, no Jihova nüpü thibate.

³¹N nobulü no nuneyito thepumipü. Püza thopü Jisu thite.

³²Pü kezhomi thito, pü cüpü kerekrüthoo nu thito, Niepo Jihova ne shuye David kedeba la pü putsüto.

³³Pü Jacob cekro kechothe kekhato, pü kedeba thüla kedithito.

³⁴Mary tüyochoyio cepode, dipübi siziyi veta, I reli phosa püpü zotila?

³⁵Tüyochoyio pode, Kemesa Rüpü n yo vorito, kerekrüthoo tho n mhozhuyito, sizide nuranu menuyiyito, pü mesato, side pü cüpü Jihova nu thito.

³⁶Tsüdoce n celümi pü Elizabeth pü pethi züde nune pü bate, pü nune tekhri shurü bate, nudipü le ketao sü.

³⁷Kekrelamori Jihova la mhapüri thiyi kesu bamo tila.

³⁸Mary po kesü, I hiceba Niepo theküpü; n kepo biyite apono, süsa tüyochoyio pü khava tata.

³⁹Süsa Mary rekri tavo Judea rünalü cejütu yo kehüko cevo.

⁴⁰Pü tavo Zecharia celü Elizabeth kelüsü.

⁴¹Elizabeth Mary pü kelü kesü fü se kesüce, pü nu püvalü kebao rehüta. Elizabeth Kemesa Rüpü püchuyita.

⁴²Side füphra meto süta, thenomi dolü thejo kepütho nopü, n nobu sheri thejo püzo.

⁴³A niepoo zu ace kevori hi kedipü bita?

⁴⁴Kekrelamori no akelü kesü fü se kesüce anu avalü kebao pünüde rehü bate.

⁴⁵Thenopü Niepoo puce kepo fü thitsüsü keto melü keyiümi thejo kepütho.

⁴⁶Mary poti, akhri amenyü Niepoo rho kerekrüsüte;

⁴⁷Arüpü sheri Jihova akelakeyi-o la pünü bate.

⁴⁸Kekrelamori pü I kethathi pü citapü khrü mekre sü ketala, kethozo tsüsahi (hisaco) nushunuye metü a cüpü thejo kepü zi tato.

⁴⁹Kekrelamori kekuthoo ayo mha kezho thi sü ketala, kemesa sü püza.

⁵⁰Pü phikemezhe sü somi pü mpe yo sheri sükoyo, süsü nushünuye metülü tato.

⁵¹Püboyo pü keku thaka thisüte, kemeko kemeha ketako umelü ukelülü süko hupü preve.

⁵²Kekuko kedebalü pü meki süte, side renu ketako phu mesüve.

⁵³Khü theri meri ketako mhakeve khapü düsüte, mu kenemiko po methu tate.

⁵⁴Pü theküo Isreal khrühi sü, pü phikemezhe püsa lü sala keyilü.

⁵⁵Pü ukrü utsüpumi koce reshu pü kemetao Abraham mu shuyeko kecho phra kesü.

⁵⁶Mary side tüsozho khri sü püzü bade ta pücelü la vota.

⁵⁷Elizabeth nuzü tü vorita, side thepumi pü menuyi.

⁵⁸Pü zanumiko, pü celümiko, Niepoo püphi mezhe kesü seyi, side uko püzü uko nüphi.

⁵⁹Zho tütha nha uko nuo yi kerü la vori, side uko püza thopü Zacharia thisü tole rhüba, püpo zapü püza thito leno.

⁶⁰Vele püzu poti, “mole, püzapü John sito.”

⁶¹No thenopü ce poti, ne celümi mipüri theza siziti di,

⁶²Süsa uko püpoce thebepü thakade püza thopü sopü thinyü basheri.

⁶³Pü lesi pü thosü ketocho, “püza John” uko metü ungo thita,

⁶⁴Metha püta jüpo parita, pü meyi kekha dita, side pü jüpo vüta, Jihova Tshü (chu)

⁶⁵Kempe süzanu metüyo vota, hiko ju kepo Judea cejütu rüna metülü vota.

⁶⁶Süo kesekhü mhalü keta, nu hio kedipü bi süri toshi? Kekrelamori Niepoo be püzü tazo ketila.

⁶⁷Süsa Zecharia Kemesa Rüpü püchu pü saju pota,

⁶⁸Niepoo Isreal mi Rüo po thejo kepüo thite kekrelamori pü thümako phimüzhe mekre sü uko rhayi ketala.

⁶⁹Pü kelakeyi keku shüpü ukola kha süte, pü cetao David cekrolü.

⁷⁰Thajü saju kepo kemesako talü popü kemetabi; uko ngomuko

⁷¹Belü ukelasü toleno somi uko ngo metsü tayo sheri.

⁷²Pü phikemezhe khasü tole, reshü pü ukrü utsüpumi c ekesübi, pü kemesa fükho püsalüyi.

⁷³Pü reshüpü upotsa Abraham cekesü.

⁷⁴Ungomumiko belü ukelayi keto khapü uketsü, side pü choyithi mu mpe keyi

⁷⁵Kemesalü, mu kemezilü tüsonha pü mhüjüce utülü.

⁷⁶Mu no, nu hio cüpü kerekrüthoo saju kepoo sizito, kekrelamori no Niepoo mhüjülü pücho kesü vo ketola.

⁷⁷Kelakeyi mhase khapü püthümako tsü süto, uko kejo kemu va keyi.

⁷⁸Jihova ngokemezhe kene, mesayo cephropü utsü kiri keti.

⁷⁹Keve khapü kezülüketako vakesü, mu keso khrilü ta ketako, uphecho tüpü kezükeve lü kesü.

⁸⁰Natsio mazhoi mu rüpülü kuyi, pü rayholü tade kenuco Isreal methi mhüngo thi vori.