Read Chokri Naga LUKE 13 Bible Online

LUKE 13 - Chokri Naga bible

LUKE 13

¹Galileemiko thüzapü kereshülü kenekerhü keva Pilate-e no thi kesü humi püvo püce posü.

²Jisu uko fü kelakesü, Galilee misüko thüma kekreko ceri phomaku tilame?

³I neko ce posüto, sizimo, vele neko thelü redeyi kemosa neko sheri süsü bide ka tato.

⁴Ukomi keritütha Siloam dahu yo retutsü uko vakhri va, süko Jerusalem lü kehü miko metü ceri phomaku teme?

⁵Mozo, vele neko sheri nelü redeyi kemosas süko bide kata zoto.

⁶Pü jüve hio ri posü, mipü chüdü sü khapü püzhelü shusü; mu pü tavori de püse phu, ngoyi mota.

⁷Pü tavori de tizhe kefü-o ce poti, Hihe, I tütse sü chüdüse phu vori, ngoyi mote; ve vate, dipüla pü khapü cejü thethi khapü bata?

⁸Püfü kelakesü, Niepoo tetha tütselü sheri khapü mezüte, I püphece nyorho khapü vasüto mu mesa süto.

⁹Mu mhace zhüyi lize vezo, mota tisa mhace no süo veto lize vevate.

¹⁰Pü Sabbath nha synagogue lü kemetha thiba.

¹¹Süce, hihe, thenomipü püche cu ketapü tetse keritütha tha medüyi ho tata.

¹²Jisu püngo süde pücüpü püce süyi, de püce poti, thenopü nthathilü nphrü süteho.

¹³Pübe chopü püyo sü, mu metha thenopü tha medü yita, de Jihova zapozale posüta.

¹⁴Synagogue lü kezhoo pülü mejode poti, kekrelamori Jisu Sabbath nha püthi kesürho kesüla; zho shurü mhathothiyi keve tüsozho ba, süko dolü mithi kesürho sürive, thüma süko dolü mhathi ti mesü; vele Sabbath nha thi ti mesümo.

¹⁵Niepoo püfü kela kesü, no kethera ketao, neko mipü pütho pünyü züvo jü mekra sü yo mome sabbathnha zori?

¹⁶Thenopü hio Abraham shuye mipü Satan püphapü tate tetse keritütha, püpha phrü süzü mome, Sabbath nha?

¹⁷Pü hiko po kesü sa, pü kemetsuko mengata, thümako metü rechü ta pü mhakezho zapozale thi kesüla.

¹⁸Pü poti, Jihova kede dipü zü kemede süta?

¹⁹Süosü Gakre si pü bi, mipü süo khapü tizhelü sosü; cüsüri de ma mezho sü sübo pü thita, tüyo rako sherü vo relüyi yo.

²⁰Pü posa kesü, ‘I kedipü pü Jihova kede mede süta?’

²¹Süosü, thenomipü tehe sü kechu pü metsü pü merhalü meta, metü cüsüri kemothe.

²²Jerusalem chodelü kevo nadeko mu natsü kolü pü revü kevo chodelü pü mi metha.

²³Mipü püce poti, Niepoo kelakeyi thüma tsazo tome? Püfü kela kesü,

²⁴Kharü kemerülü talü ketola thehe thite, I nce posüto, thüma kekro sülü lü keto thehe thizoto vele lüyi ho tato.

²⁵Ce niepo mipü tasü de cekhakhava, mu neko tavo chozuco thayi de cekha kedü, Niepoo, Niepoo, cekha khri süte; mpü neko fü, kela kesü neko dipü ce vori sheri I neko semo.

²⁶Neko süsa püce poti, hako n mhüjülü mhati mhakra bazo, mu no hako chodekolü hako metha tayole.

²⁷Vele pü poti, I neko ce posüto, neko dipü cevori sheri I neko semo, Acelü tata te neko mhakesu kethiko.

²⁸Sülü uko kra mu uhu thezhepü ba tato, neko sülü abraham, Isaac, Jacob mu saju kepomiko ngoto, Jihova kede thilü, mu neko hu kevalü.

²⁹Nathoco, nakroco, mesoco mu mekhroco ta Jihova kedelü vorito.

³⁰Hihe, nu ketako tara vori tato mu kerami thelaco vo ta to.

³¹Sünhasü Pharisee mipü ta vori, püce poti, no ta chozu votate, tatate, kekrelamori Herod n dokhri vato bate.

³²Pü uko ce poti, neko tavo sace tsüo ce posüte, Hi he, I Therü kesuko hu sü, I sodo mithi kesürhosü mu zhosü nha I vetsü tato.

³³Sizo sheri (kehothi sheri) I tha, sodo, mu sanha, süsanhako chode taba zoto; kekrelamori Jerusalem lü saju kepoko kata motila.

³⁴O, Jerusalem, Jerusalem, kedokhrio saju kepoko, ketsüpü nce kesüko süko no ketsüpü süko vakhrisü, I n nuneko cüpü kenguyi nyüzo vele, vükrü pü pünuko kengu pü püsikhro vükeyi kethibi; vele no mute.

³⁵Hihe, nce po methu tato, I neko ce potü süto, nekopo angoyi hote, neko “Niepoo zalü kevorio thejo kepütho” sizi vori kemothe.