Read Chokri Naga LUKE 3 Bible Online

LUKE 3 - Chokri Naga bible

LUKE 3

¹Tiberious Caesar kede thi keba tüce, Pontius Pilate-e Judea lü governor (Angh) thiba, mu Herod Galilee lü tetrarch (kezho) thiba, pü sazüo Philip Ituraca lü tetrarch thiba, trachinitis khü kosa mu lysanias sheri Abiline lü tetrarch thiba.

²Annas mu Caiphais ni thevokezhotho thiba, Jihova jü john cevori, Zacharias nu nhatsalü ketao.

³Jordan rükhü kejovakeyi mu melü vode kephomalü thelü redekeyi mu jülo kepü pü metha.

⁴Isaiah saju kepoo lesilü thopü kemeta, nhatsalü seketa fü poti, neko Niepoo cho kesüyite, pü chodeko thi kemeziyite.

⁵Cejü razhoko lü vato, mu cejütu mu cejütu kerenuko metü thi renu vato, chokesu kereviko thi kemezi vato, mu cho meju kemoko thi kemeju vato.

⁶Uthiupho kenekhü kelakeyi Jihova süngoto,

⁷Makro ta püce jülo püto kevoriko cepoti, nhibü shuyeko, sopü lekhu vori kezü nekopo tayino posü de ta vorizü sheri?

⁸Thelü redekeyi se zhüyi keshü pü vorite, neko lulu kelü, hapotsa Abraham siotilühite; I nekoce posüto, Jihova ketsühiko sheri khipü Abraham nuneko thiyi vetila.

⁹Tsühi sheri merü khapü süboko phelümezü ve, sübo kehopüsheri use kevezhüyi kemoko dathüpü melü süvato,

¹⁰Thümako püketsoti, süsa hakopo dipü thita?

¹¹Pü ukofü kela kesü, “ubola kena kebami po khapü kedimi zükezayite, ketico (themu) kebami ri sübi khapü kedimi zü kezayite.”

¹²Mahomi sheri jülo pü ketola vori, kemethao, hakopo dipü bize veta?

¹³Pü ukoce poti, mhakhapü nekopo thino kesüko kezü pi miyo mhakhihite.

¹⁴Thipahemiko sheri sübi, hakopo dipü bita? Pü ukoce poti, mikehikemu thihite, mori mipüyo sheri kemeda pü mejohite; mu netho ne kaza (zhokhro) pü nenüyite.

¹⁵Thümako kemerice mu metüko kelülü John hi Khrista sü tazo motho, si bata.

¹⁶John uko metüce posala kesü, “I jülo pü nekotsüsü, vele mipü aceri kupfü ketipü vorizü; Ipü pheku phari phrüyi kesümi mo; pü Kemesa Rüpülü mu melü neko pü jülo püsüto.

¹⁷Pübelü hahüri ba mu süpü cehükhro tehako hü she süto, side tehako püvo tehacelü kengu yito. Vele sibüko, kha mhütaküho melü süvato.”

¹⁸Mhakekre kekrori pü mi metha mu thümako tarhosü.

¹⁹Vele Herod Tetrarch no pü saju-o Philip cemi Herodias yi ketala süsü pütü kemo John no pü lekhusü; mu Herod mhatho kesuthi kesüko sheri sade kerhesü.

²⁰Hipi sheri pü thisakesü, John tüpü thejücelü khava.

²¹Hitüce thüma metü jülopü bata, mu Jisu sheri jülopü yide kecho thiba, tükhri (he) süta.

²²Kemesa Rüpü uthiupho kebabi taki püyo bayita, mu tüyo jüpü vori, süo poti, no anu akhrüo zo, I nngo anü shuzo.

²³Jisu tütse sümeri ta (Joseph nule ziti) Joseph no Heli nu.

²⁴Süo Matthat nu, Levi nu, Melchi nu, Janna nu, Joseph nu.

²⁵Mattathias nu, Amos nu, Naum nu, Esli nu, Nagge nu.

²⁶Süo Maath nu, Mattathias nu, Semei nu, Joseph nu, Judah nu,

²⁷Süo Joanna nu, Rhsa nu, Zorobabel nu, süo salathiel nu, Neri nu,

²⁸Süo Melchi nu, Addi nu, Cosam nu, Elmodam nu, Er nu,

²⁹Süo Jose nu, Eliezer nu, Jorim nu, Matthat nu, Levi nu,

³⁰Simon nu, Judah, Joseph nu, Jonan nu, Eliakim nu,

³¹Melea nu, Menan nu, Mattatha nu, Nathan nu, David nu.

³²Jesse nu, Obed nu, Booz nu, Salmon nu, Noasson nu.

³³Aminadab nu, Aram nu, Esrom nu, Phares nu, Judah nu,

³⁴Jacob nu, Isaac nu, Abraham nu, Thara nu, Nachor nu,

³⁵Saruch nu, Ragau nu, Phalec nu, Heber nu, Sala nu,

³⁶Caiman nu, Arphazad nu, sem nu, Noe nu, Lamech nu,

³⁷Methuselah nu, Enoch nu Jared nu, Malelul nu, Cain nu,

³⁸Enos nu, Seth nu, Adam nu, Jihova nu,