Read Chokri Naga LUKE 9 Bible Online

LUKE 9 - Chokri Naga bible

LUKE 9

¹Süsa püsaji mi kerikenako cü kengusü, mu keku khapü uko tsüsü therükesu hukeyi mu kethi thi menü keyi.

²Uko ketsüpü Jihova kede zhopo thi mu kethikeni thi kesürho sünode.

³Pü ukoce poti, neko revüla mhapüri pü hite, nthü, lesi, tsükhri, mori presa sheri, mori bola sheri kena khita hite.

⁴Nekota celü kehopülü lüsheri sülüba zode tasalatate.

⁵Neko züyi kemuko kehopüsheri neko nade sülü taprata ketoce, npheyo nyophasheri kekhuvate, rüna süo metsü kesü zasi.

⁶Uko taprata side jüyikeve zhopothi rüna metülü, mu kethi thi kesürho sü.

⁷Herod tetrarch (governor) püsüko kethi seba. Pülü kehokero (meyhu) thita, kekrelamori humi pücepoti John saketa-o rhüla sütele sizi süta.

⁸Humi poti, Elijah lavorite, kekremiko poti, saju kepomi hijü voketako (saketako) rhüla vorite,

⁹Herod lüti, I john pi veve, püsopüta, I püju seshu bate, süla püngosünyü tata.

¹⁰Apostleko voritice uko thi keyiko pü püce posü, pü ukozü mikedira cejükesa pülü Bethsaida nadeko yizulü vota.

¹¹Thümako süse kesü püsa mejivorita, mu pü Jihova kede jupü ukoce posü; mu uko thikesürhosü moze kesuko yhi kesürhosü.

¹²Tüsozho vota kezüce, methakeyiko püce vori (mikerikenako) de püce poti, makroko ketsü metavate ukopo rüna ukhüce tavo keba kezüthi mu u ketico ngoyi ketola; uko kesa cejü hico ba ketala.

¹³Pü uko ce poti, neko mhapü ukopo tiyite, uko poti, tsükhrida püngu mu fü kena kezü bamole, uko tavo thüma metüla mhakhriyi kemosa.

¹⁴Kekrelamori uko thüma nyepüngu ta ketala, püsajikoce poti, ukopo hiepüngu kezü kropü thi bayi te,

¹⁵Uko sübi thiyi, mu ukopo bayi,

¹⁶Süsa pü fü kena mu tsükhrida püngu khiyi, tüyo peyi, de pü jopü süko yosü süko cephro süde khapü methakeyiko po kezapü makro tsüsüno khasü.

¹⁷Uko metü tiyi, de meguyi, süsalü tishoko kengupü merha kerikena chuyi.

¹⁸Pü lebi kechothi bari, methakeyiko püce ba; pü uko ketsode, “thümako apü sopülizi baya?”

¹⁹Uko püce poti, John Baptist lezi bate, humi poti, Elijah lezi bate; kekre miko poti, saju kepomi hijü vo ketako mepüle zi bale (rhüla voritale).

²⁰Pü uko ketsode “vele neko apü sopüle ziba”? Peter püjü kelakesü, Jihova, Khrista zole.

²¹Pü rekrisü ukoce poti, mhasüo pü mipü ceri pohite.

²²Thümanuo mhakekrolü kemezhe zoto, mehimi, thevo kezhoko, mu lesikeseko pü melavato, mu pü dokhri vato, side zhosülü rhüla sütato.

²³pü uko metüce poti, mhace thüma humi asamejito lize, pütho pü mela va moze su, pü Cross (n phe medü) pü asameji mozesu.

²⁴Kekrelamori pü kerhüro kelayi nyüsa tisa pü medi vato, vele pü kehü medi va lize, alano, süo ngolayito.

²⁵Mhace mipü cejü metü prapü püzhü thiyi zori pü medi vaze, mori pühu vaze, kedipü kemeve ba.?

²⁶Kehopüri ala mengata lize mori ajükola sheri, thümanuo zapozale thide Püpo mu tüyochoyiko zü kiri tinha püri (sheri) püzapo menga tato.

²⁷I nekoce jüthopü posüto, hice ketha humi Jihova kede ngokemothe sata keho kropü tha.

²⁸Pü hikopokevasa, Peter, John, mu James ko zü cejütuyokho, kechothi ketola.

²⁹Pü kechothi kebace pühü thimekre prarita, pü füneko megapü vava türüprü prari ta.

³⁰Hihe, thüma kena püzü kerethi bata, süni Moses mu Elijah ni.

³¹Zapozale thide mengosü, kepo keti püco lize püpo dipüsü Jerusalem lü thimo shüta sheri kepo.

³²Vele Peter mu püzü ketani zünyü bata, uko co kesürice pü zapozale kethi ngo mu püzü kebani sheri ngo.

³³Uni püzü kekho ketace Peter püce poti, kemethao, hako hice vori tsühi verizo; hakopo kereshüce 3 (sü) thisü toma, pü nla, pü Moses la mu pü Elijah la; dipüla pü süpo ba sheri pü semo.

³⁴Pü sizipo kebalü kemhüpü kiri de tavo uko zhu yita, mu uko mpe bata kemhülü lü ketala.

³⁵Kemhülü thefüpü voride poti, hiohi anu akhrüo zo, püfü reniyite.

³⁶Mhafü-o ta ketasa, Jisu lebi bade ngoyi, uko mhasüko pü mipü ceri pomode khapü meta, uko kengoko.

³⁷Süsanha uko cejütuyo kiri tice thüma kekro tavo püzü kesü.

³⁸Thüma krolü mipü semüto de püce poti, Hihe, kemethao, nce choyo, anu pesütehe, kekrelamori anu pü lebi zole.

³⁹Kesu rüpü pütüyi de pü methi mu püpo mhütsa melu tatale, püvü kesüsa pü khava tatayo.

⁴⁰I nsajiko pühu vano posü, vele uko thiyi hote.

⁴¹Jisu püfü kelasü de poti, neko kemelü kediko mu kebü keta shuyeko, apo dithe pü neko zü bata, mu neko khrühi zo bata? Nnu zü hice vorite.

⁴²Pütavori züri, therüo pü kedüsü püpo retuta, side pü cerhasü, Jisu mesakemo rüpü kethisü, mu natsio thi kesürhosü; de khapü püpo tsüsü.

⁴³Uko metü Jihova keku ngopü ungo shuta, vele Jisu uko ngothi kebace sajiko cepoti.

⁴⁴Hikopo neko nilü lüte, kekrelamori thüma Nuo tüpü mibelü sü vato,

⁴⁵Vele uko ke po süo seyimo, ukola kevapü meta ketala, süla uko lüyirimo; mu uko kepo süo ketsori mpeta,

⁴⁶Ukolü sopü kezhotho thito sheri mhalü bata,

⁴⁷Jisu uko lüdo seyi, de natsimipü khapü ukodolü methasü de.

⁴⁸Uko cepoti, sopü azalü thümane hio züyi sheri azü yizo, mu azükeyimi a ketsü kesüo ri züyi yo; kekrelamori nekodolü kenithoo sü kezhothoo thito.

⁴⁹John püfü kelasü, poti kemethao, mipü nzakhi therükesu hu tade hako ngole, hako pü khasüte, kekrelamori pü uko zü tamo tila.

⁵⁰Jisu püce poti, pü khahite, kekrelamori uko metsu kemomi sü ukokromi zo.

⁵¹Pütü tsovori ketabi pü Jerusalem lükho ketosü lüsü ta, püzü pü süpe zo vota.

⁵²Jü choyimiko ketsü pü pü mhüjü sü mu uko tavo rüna keni pülü lüyi. Samaritan rüna, püla thethi kesü ketola.

⁵³Uko püzüyi muta, kekrelamori pü Jerusalem lü kho ketola.

⁵⁴Pü sajiko James mu John ni poti, Niepoo, nmedo lize hako me tüyo chosüde kiri uko thüva toma, Elijah thi kesü bide?

⁵⁵Vele pü rügüsü ni kethita, neni dipü rüpü zhorüle sheri semo.

⁵⁶Kekrelamori thüma nuo mi kerhüro meka ketola vorimo, vele uko kelasü ketola, mu uko ta rena kekre pülü vota.

⁵⁷Uko chodelü tavo kezüce, mipü püce poti, Niepoo, no dipüce voto sheri I n saji thitatole.

⁵⁸Jisu püce poti, mesüriko ucene, tüyorako ukro ba, vele thüma Nuo püpi khakesü thiri di.

⁵⁹Pü mikekre püce poti, asameji yite, vele süo poti, Niepoo apo tavo apo khrüva merate.

⁶⁰Jisu püce po kesü, kesami po pü kesako khrü vate, vele no tavo Jihova kede zhopo thisüte.

⁶¹Kekremipü poti, Niepoo I nsa meji tole, vele apo tavo ukoce vebate sizi mera vate, acelü kebakoce.

⁶²Jisu püce poti, mipüri metho dico tüsü püba regüsala püsaco kepemi Jihova kede po shümo.