Read Chokri Naga JOHN 2 Bible Online

JOHN 2 - Chokri Naga bible

JOHN 2

¹Süsa zhosü nha Galilee lü Cana rüna lü nolü pü ba, Jisu nezu sülü ba.

²Jisu mu pü sajiko ri cüpü nolü lü sü.

³Uko hezo di ketace Jisu nezu püce poti, uko hezo ba mo tele.

⁴Jisu püce pode, Thenopü I nzü dipü thita? Atü vori molu.

⁵Püzu choyi kethikoce poti, Pü dipü posü sheri neko süsü thi süte.

⁶Süce ketsü leki shurü ba, Jews miko uthi kemesa keti thezholü, pülü lekhu kena sü lüyi keve (gallon mecü mori sümeri).

⁷Jisu ukoce poti, jüpü lekiko mele chu süte. Uko lekiko jüpü mele chusü.

⁸Pü ukoce poti, chüpü yite, tsühi, side püvo thehü kesü keba kezhoo tsü süte, uko püvo pü tsüsü.

⁹Thehü pe keba kezhoo süo kra metha sü, jüo thipü hezo thi kevao, dipüce pü vori sheri pü semo; vele hezo chü keyi thümao seba, thehü kesü keba kezhoo zhosa cüsü.

¹⁰Püce po kesü, thüma kehopü sheri therace hezo keve kha süyo; süsa uko hezo kra uso thi mezü ketasa, süsalü kesuko khasü tayo; vele no tsü ketso hezo keveko khasü bazo.

¹¹Ungo mhathoko kethi thera Galilee lü Cana rüna lü thisü, zapozale kethi pü mi mengosü, side pü sajiko pü melüyi.

¹²Hisalü pü ta Capernaun lü kita, püzu, püsazüko mu püsajiko kezüde pütü hu sülü bata.

¹³Jews mi cukevo nye meno ba ketala Jisu ta Jerusalem lü kho.

¹⁴Kereshücelü metho, tenyü teko, mu therüvü zhu keba ngoyi, mu presa kele kebako sülü bade presa keleba.

¹⁵Pü kero khipü sürü thiyi de pü Kereshücelü metho, teko tenyü, mu therüvüko huva; süsa presa kele keba presako pü lava; side mizko phü melava.

¹⁶Pü therüvü zhu kebako cepoti, mha hiko hice khipü tatate, Apo ce pü hetho Heli thiva hite.

¹⁷Püsajiko usalü vorita thopü kemetako, “Nce rele kelü lünipo amezoyita.”

¹⁸Sülü Jews miko püce poti, No zasi kedipü khapü hako mengo süta, no mha hiko thi kebahi?

¹⁹Kereshüce hio meka kevasa I zhosülü phu mesü vato.

²⁰Jews miko pode, tütse heda shurü kereshüce hiohi thi, no zhosü lü phu mesüva tola?

²¹Vele pü kepono Kereshüce sü püthi püpho poba.

²²Pü rhüla sü ketasa püsajiko usa lüyi pü uko ce po kesüko, uko ketho lesi melüyi, Jisu jü po kesüko.

²³Pü Jerusalem lü kebace cukevo nye lü thüma kekro püza melüyi, pü ungo mhatho thi kesülü.

²⁴Vele Jisu pütho pü khapü uko tsü sümo, kekrelamori pü thümako metü se kebala.

²⁵Thüma kehopüri kezhopo phizo mo sheri vezo, kekrelamori püse keba thüma lulu kedipü bashi ti seba tila.