Read Chokri Naga ROMEMIKO 10 Bible Online

ROMEMIKO 10 - Chokri Naga bible

ROMEMIKO 10

¹Hihe, akhreko, amelü kemenyü m Therüoce akecho Israelmiko kelayiketola.

²I lüketi uko Therüola lüni ba, vele süosü mhaselü mote.

³Kekrelamori uko Jihova kemezi semote, side ukotho uko kemezi phu tate, uko khapü Jihova kematholü sü yomo.

⁴Kekrelamori Khrista sü kemelümi metükola thezho kemezi thülao zo.

⁵Moses thezho kemezi thosüzo, somi thezho süko thi mzüyi sheri rhüyi zoto.

⁶Vele kemezi kemelüyo kevori, nmelülü hizi lüta yomo, “Sopü tüyo kirita? Püco, sopü Khrista zü kiri ta?

⁷Mori, sopüpo mezalü kita (kesami rüna)? Püco, sopüpo Khrista kesalü zü prari ta?

⁸Vele süsü dipü poba? Jüosü nmenobazo ntalü m nmelülü. Jü süo ha nece po ketao zo.

⁹No mhace ntapü Jisu Niepoo zo ti phrayi süze, nemelü pü kesalü Jihova püphü merhü yitazo ti melüyi süze, ne kelakeyi ngo yito.

¹⁰Kekrelamori thüma umelüpü kematho melüyi tisa püthi kemezi yiyo, pütapü phra keyi la kelayiyo.

¹¹Kekrelamori ketholesi poti, kehopüri pumelü keyimi thenga thitaho.

¹²Judahmi m Greekmi nidolü kekreho tila, Niepo püzo siti pücükeyiko metüla baphi.

¹³Kekrelamori kehopüri Niepoo za cükeyi khü kelayi zoto.

¹⁴Kedipü bide pü melü kemoko pücü yita? M kedipü bide püfüse kemoko pü melüyi ta? M kedipü bide kemetha dize uko reni yita?

¹⁵M kedipü bide uko ketsüsü moze vopota? Hizi thometa, Kezükeve jüyi kepoko phezi dithedüri züveshi, jüyikeve kethi kenüjüko pü kevoriko phe didü züve shi!

¹⁶Vele Israel uko metüko jüyikeve züyi mote. Kekrelamori Isaiah ri hizi popü meta, Niepoo, sopü ha jüpo kesüko melü yita?

¹⁷Süla kerenilü kemelü voriyo, Jihova jüko reni keyilü.

¹⁸Vele akepo, uko semo zome? Setüzo, uko füphra cejü metülü vote; uko jüko cejü vala ketsolü vote.

¹⁹Vele akepo, Thürace Moses poti, thüma kemo kropü püsü nekopo nekoro kene thi süto, mhasekemo kenyo shuyepü khipü neko lüda thizo süto.

²⁰Vele Isaiah thepu shude poti, aphuta kemo kropüpo angoyi, akhipü aketsota kemoko mese mengosü.

²¹Vele pü Israelmice poti, Tüsozho metü I abo chopü jüzü kemo ulü ketako umezi kephuko tsü thazo.”