Read Chokri Naga ROMEMIKO 11 Bible Online

ROMEMIKO 11 - Chokri Naga bible

ROMEMIKO 11

¹I ketso kesüpü, Jihova püthümako khavame? Simozo, Kekrelamori I sheri Israelmipüzo, Abraham yemi, Benjamin shuye.

²Jihova mejü se keta bi pü thümako khava mozo, Jihova Israelmi metsu ketala pü uko sülü pü mezhe melo keti neko semome?

³Niepoo püneko nsaju kepoko dokhri tele, nreshüba kori jümüve; n alebi meha keyi zote: uko akerhüro phu tate.

⁴Vele Jihova kedithi püjü kelasüta? I minye thüna meshopü aza thimba, thüma süko nekütsü Baal marhe reshü kemoko.

⁵Sübide tsühi sheri ngokemezhelü thüma kropü mehakhi tazo.

⁶M mhace süosü ngo kemezhe lize mhathokola mozo, sizikemosa ngokemezhe süpü ngokemezhe thimo tate.

⁷Süsa dipüta? Israelmi phu ketao ngoyi mote, Kedakeyi sü ngoyi, vele kekreko uko mhücete.

⁸Hizide thopü meta, Jihova uko khapü kezürüpü lü süve, umhüpü ngo kemo, uko nipü seyi keho; tha ketso sitate.

⁹David sheri poti, uko ketiba (miz) po uketüba umakeyi shepü thi tate, uphe kemeshü tsü m umethi meni keti thi tate.

¹⁰Uko mhü thi mezü vate, side ukopo mhango hitate; uko chepokechothe neküsü tate.

¹¹Süsa akepo, ukophe mesü vame de retu tateme? Mole, vele uko phe kemesü yola Judah kemokopo kelakeyi ngoyi ketola zo, de ukopo uroku ketola.

¹²Tsühi mhace, uko retu ketala cejüo cene thita lize, uko mekre ketala cejüo mhane ta zize: ukomedochusü ketasa dithedüri uko ve tata?

¹³Tsühi Judah kemokola I jüpoba, I Judah kemola apostlemi ketibi, I amhathopü po kemele süto.

¹⁴Mhace I athümako lü thipü uro kene thisü lize uko humi kelayi ri sehomo tila.

¹⁵Kekrelamori mhace uko kha kegü kesülü cejüo züde kezüveyi, kedipü ngoyita size, kelakeyi ngoyi toshe.

¹⁶Kekrelamori püsi keraü mesa lize püchu metü mesa zoto, püme mesa ketisa pücori mesa zoto.

¹⁷Mhace pücohu jüchu kesülü neko olivebo kethomozori püsü kokema keyizo, sizi keyi züde neko pümeyo m püboyo keta ujü keveko tüpü keza tiyo.

¹⁸Neko pücoko metsu kemeha morive. Vele ne kemehayo tisa no pümelü bamo vele püboyo ba tizo.

¹⁹Püco jüchu süde apüsü süyo kemayite side no poba yive.

²⁰Izo ketho, uko melü kemola jüchu ve; kemelüla no tha kebazo: süla no nlünveta mori ve vele meprüsa yite.

²¹Kekrelamori Jihova püco kethoo zori jüchuva khrü moze menuyi kemosa nkelakre mode sübi tari seho.

²²Seyite, Jihova keveko m pükerüko; retu ketakoyo pü kerü: pü keveko kha neyo sü, mhace nekevelü tayi süze; molize pü neko zathü vato.

²³Vele melü kemo Israelmiko tsüzori melürü tazo sheri uko khipü kemala süto, Jihova kema ketisü thiyi vezo eru.

²⁴Kekrelamori mhace neko Olive bo kethomo zori neko dathüpüvo Olive bo keveyo kemayi ta süze, süculü keta olive bo ketho püvo olive boyo kema süketo süo thiku motame?

²⁵Kekrelamori azüneko I nekopo kemere kethiko semo ba nyümo, kekrelamori neko netho nekelülü batari semo; Israelmi hupo thelü kerülü baketa Israel kemokopo vori tsoyi kemothe.

²⁶Süla Israelmi metüko kelayi zoto, Hibiketi thopü meta; Zionlü Süphra keyipü vorito: side Jacob yo mhatho keshüko khi vato.

²⁷Hihi ajütsüjükhozo ukoyo kephomako khiva keto.

²⁸Jüyikeveco tisa, nekola ukopo ngomu thite; vele kedakeyico tisa ukopoko la nukhrünuko zo.

²⁹Khapü tsükesü m Jihova uko cükeyico lizo kede keva thitaho.

³⁰Kekrelamori hijütho neko Jihova kemelü mimo sir itsühi neko ngokemezhe ngoyi uko melü kemola.

³¹Süla tsüri uko jüzülü vori kemola neko ngokemezhe ngoyi tibi uko sheri ngokemezhe pü tsü süto.

³²Kekrelamori Jihova jüzükemo khi metüko ketsübi phikemezhe sheri pü metüko tsü zoto.

³³He-i, Jihova thelü mhase m kengo mhase kemesü kerelü didüpüri neshi pü shecoko phutso keyidi, püchoko phu keyimozo.

³⁴Kekrelamori sopüno Niepoo lüdoko seyi veta? Mori sopüno pü tarhoyi veta?

³⁵Mori sopüno mhakha pütsü merasüde süsa pücelü mhango sala keyiba?

³⁶Kekrelamori mhametüko pücelü, püyo m pula zo, püpo zapozale kethio thiyite. Amen.