Read Chokri Naga ROMEMIKO 2 Bible Online

ROMEMIKO 2 - Chokri Naga bible

ROMEMIKO 2

¹Süla nmezi kepo bamo, somino milümejoya; no milü mejo kebao ntho nmejo bate: mi mejo kebasü sübizo.

²Vele usekeba Jihova sheco sü ketülü co süyo, somi mimejo yo sheri sükoyo siziyo.

³No sopüleno mimejo kebao no Jihova sheco thürayi tole lübame?

⁴Mori no pü ketsükeve kene, sügüsühe keti, pütü kecho fükeyi, Jihova keveko uzüvo thelü rüde keyilü süyo siti semo zome?

⁵Vele nlükerü, thelü rude kemo hiko kengupüvo Jihova kemezi sheco nha hala süketo lekhu nmetsu tato.

⁶Kekrelamori pü utho umhatho cesü züde zhokhro khasüto.

⁷Sügüsühede mhatho keve thi kebako zapozale, thechu therho m sakemo kechothe kehü phu tayo.

⁸Vele somino mizüde kezhenyüsahühü, kethojü zümu, vele mezikemoko füzü, ulükekri (unhyüshethi) m thelü reda.

⁹Somi mhakesu thiyo sheli lüzhe, mhalüphayi keho hiko ukoyo voto; Judahmi ra süsa Israelmi kemoko yori voto.

¹⁰Vele mhakeve kethimiko zale, therho, ulüthsizi keti, Jewmiko ra m süsa Israelmi kemoko yo ri voto.

¹¹Kekrelamori Jihova thümapüri rhomekre yomo.

¹²Kekrelamori thezho kedira kephoma kethiko thezho kedira shütazoto; thezholü phoma ketako thezholü uko neketi zo ketola.

¹³Kekrelamori thezho reni mori thezho se ketila Jihova mhüjülü matho tamo, vele thezhoko thi m zü keyila mezi yito.

¹⁴Kekrelamori Judahmi kemoko thezho tamo tila süculü zhoko züta, thezho bamozori süculü zhoko pü uko zho thiyo.

¹⁵Thezho mathoko pü umelülü thopü tayo, thive thisuko uko zhopo ngoyiyo; uko melülü kemüjo mori kejo keva sheri kemeli ketako seba.

¹⁶Jisu Khrista yono Jihova pünha thüma kemekhrüko jünyo ketito I jüyikeve hio poyo

¹⁷Hihe, ne Judahmile ne thezholü relü m Jihova la kemeko tayo.

¹⁸Pü medoko se m thezholü neko metha kesüla mhakevethoko thi keto nemedole sizi tayo.

¹⁹No mhücemi chotha keto ntho nlünve, kezülü ketako la kevepü thi keto sheri.

²⁰Mhasekemo (kenyoko) thi kemezi keto, natsimiko metha keto; mhase zhoko m ketho le zitiko.

²¹No mi kemethao ntho nmethayi hola? Mharego hino po vele no mharego yola?

²²No mipo kekhrükezü hinopo vele no peü thi yola? Marhe sü phikemeropüle si vele no marhe reshü yola?

²³No thezhokola kemeko vele thezho varhü Jihova rho kemothi yola?

²⁴Kekrelamori Judahkemoko mhüjülü Jihova zhoshü, side thometa.

²⁵Yikerü sü mevezo thezho kezümila, vele no mhace thezho varhü tasüze yikerü sü nla yirükemo mipü thite.

²⁶Süla yirükemomi thezho züyo tisa yirükemopü yirüle sitaho, ile?

²⁷Vele süculü zhokezüko yirümode thezholü mezi ta yolizo uko neyikerüko vajo ketako mejo zoto.

²⁸Pü chozu kengo zono Israelmi mozori, mori chozuco uthi uphoyo yikerümi mo zori:

²⁹Sizizori pü Judahmipü tazo thelücono, yikerümipüri tazo pümelülüno; süsü rüpülü, lesi ketho kerolümo: süko chu ketosü thüma yomo vele Jihova yolü to.