Read Chokri Naga ROMEMIKO 5 Bible Online

ROMEMIKO 5 - Chokri Naga bible

ROMEMIKO 5

¹Kemelü uthi kemeziyi ketala Niepo Jisu Khrista yono Jihova zü kezüve bate.

²Kemelüyo upüce voyi de pü ngokemezhelü thate, kemeri keneyo rechü Jihova zapozale la.

³Sülebizomo, ukemethiko lüri zapozale khasüyo, kemethilü sügüsühe keti ngoyi ti useba.

⁴Sügüsühe tilü voketa mhase ngoyi, voketa mhaseko lü ukemeri ngoyi yo.

⁵Ukemeri sü thenga kha utsü yomo, kekrelamori Jihova kekhrü kha umelü keyoko Kemesa Rüpü püutsü sü.

⁶Kekrelamori uko kumo kebatüce, pütü tülü Khrista umesakemo kehülü zori ukola sasü.

⁷Kekrelamori khatho mipü kemesamila sari sütome shemo, sizosheri thüma kevemi la mpe mo zode sari yivezo.

⁸Vele Jihova pükekhrü kha umetso kesü uko phoma bazolu tilü Khrista ula sasü.

⁹Sizitsü piri püzala uko thi kemeziva kethozo, uko pülano lekhulü ukelayite.

¹⁰Kekrelamori mhace, uhijü püngomu thiketace, pünu sa kesüla u Jihova züde kezüveyi, siti lebimo pükerhüla ukelayite.

¹¹Sülebimori u Niepo Jisu Khrista yono Jihova la kemeko unüyiyo, pü uphosü thi kesü ungoyi ketala.

¹²Mhakekrelamori mipüyono kephoma cejü metülü vorita, süla kesari vori; m kesa thüma metüyo tata kekrelamori uko phoma ketala.

¹³Kephoma sü thezho mhüjü tazo, vele kephoma sü thüma mejo molu thezho kedila.

¹⁴Sizitazo sheri kesasü Adam lü vo Moses ketso de tazo, thüma phomapü Adam kephoma bizo mo sheri, thümapü hü hisa voriketo pü bi.

¹⁵Vele methu kha kesüsü pünümo kethi lamo. Kekrelamori mipü kekri kesüla thüma kekroyo kesa votasüze, Jihova ngokemezhe Jisu Khrista yo mechü kha uketsü süo ceri kroku keti mikekroyo bate.

¹⁶Mechü kha kesüo mipüyo kephoma vori ketao bimo. Sheco sheri kemejo meji vori ketabi, vele methu ketsü süo kejo kemu kekro thi kemeziyi ketola.

¹⁷Kekrelamori mipüla kephoma upi kekha ketabi, ngokemezhe mechü kha kesülü uthi kemezi keyi Jisu Khrista yo u kehü süo ngoyi.

¹⁸Süla mipüvajo kevalü ukemejo sheco thüma metüyo vorita, sübide mipüla mechü kha kesü kemathoyo thüma metü thikemezi keyi kehü ri vori.

¹⁹Kekrelamori mipü jüzü thimo ketala metüko kha kephomami thita, sübi mipü jüzü thi keyila thüma kekro thi kemathoyi to.

²⁰Thezho vori ketala kejokemu krophita. Vele kephoma krota zori kekhrü (ngokemezhe) süpiri kroshüte.

²¹Kephomala kesa kede thita, siri ngokemezhe kematho kehülü Jisu Khristala Kechothe kede thi tato.