Read Chokri Naga ROMEMIKO 9 Bible Online

ROMEMIKO 9 - Chokri Naga bible

ROMEMIKO 9

¹I Khrista zalü jütho poyo, I cejü mozo, akelümedo sheri süsüzo ziba m Kemesa Rüpü sheri azhopo zo.

²Kemeshi kezhopü ayota m amelülü lüzhepü ba.

³Kekrelamori a kemenyü Khrista po a khreko (asazüjürako) sülü areshu va veze, athi a za lü a cekroko.

⁴Somi Israelmiko ta, somi nuthonu kethi khatsü, m zapozale, m kejükho keyi, thezho kha kesü, Jihova choyi kethi, m reshüko.

⁵Somi uponeko, uthi uzalü Khrista hü kevori, somi metükopi thejo kepü Jihova kechothela kha kesü, Amen.

⁶Süsü Jihova jü mhathiyi ho ketala mo. Kekrelamori Israelmi metü Israelmi mo.

⁷Mori uko Abraham shuye metü pünune zomo, vele Isaac yo nshuye mehü süto.

⁸Püco süo, uthiumo nuneko Jihova nuneko mo, rele reshupü meta keti nuneko pü shuye.

⁹Kekrelamori khapü kemeta jüo, I pütü hice vorito; m Sara thepu nupü ngoyito.

¹⁰Sülebi kemo, Rebecca sheri mi püyono nu hükeyi, uko potsa Isaac yono.

¹¹Uko mipüri menuyi kemolü, mori mhakeve sheri mori mhakesu sheri mhathopüri thisü kemolü; Jihova po kedakeyi mhathoo lamo vele cükeyi thisü ketola.

¹²Thenopüce pokesü, pethiopo natsio choyi thito.

¹³Hibide thopü meta, I Jacob ngo anü, vele I Esau ngometsü.

¹⁴Süsa uko kedipü pota? Jihova mezikemo huneme? Sizi mozo.

¹⁵Kekrelamori pü Mosesce kepo, I phimezhe süketomiyo phimezhe süto; kekhrü mhatho thisü ketomiyo kekhrü mhatho khasüto.

¹⁶Süla thümayomo thitole medo keta mori süsü huzo kevo, vele Jihova tho phikemezhe kha kesü.

¹⁷Ketholesilü Pharoahce pokesü, mhatho hila I nmehüsü, n-yono akekupü mengosü m cejümetülü azapü mesesü ketola.

¹⁸Süla pütho sopü phi mezhe süto kedayi sheri pü sümi tsü süyo, m pütho somi lü thi merü süto sheri sümi lü thi merü vayo. (Jihova lekhu m phi kemezhe).

¹⁹No ace hizi poto, Dipülü akejo ngoyi tade? Sopüno pümedo varhüyi veta?

²⁰Vele nothümao, nosopüle Jihova züde kemeliyi veta? Thikesüo (mhathoo) püthi kesüoce no ditono athipü hihi bisüva? Sizi potome.

²¹Le kethio leyo pü keku ba mome? Renyopü khipü therholeri m zhoshüleri thiyiyo.

²²Mhace Jihova pülekhu mengo sütori, pükeku mesesü tori; sügüsühede pütü kecho thade khapü lekhulü meka keva zhükozo.

²³Pü zapozale kene khipü leko mese mengo sü ketola, mejümera kesüpü meta de ukopo zapozale thito.

²⁴Sübi uko cüyi ketakori, Judahmi lebimo vele u Judah kemokori samo tome?

²⁵Pü Hosealü kepobi, athüma kemoko cüpü athüma thito; I khrüyo kemoko khrü süto.

²⁶Neko athümakomo, sizi keta sülü, neko rhüketa Jihova mako sizide potato.

²⁷Isaiah sheri Israelmikola setayo, Israelko thono kropü tesünyo jükezholü keba bita zori mikedopü lebi meha keyi zo tato.

²⁸Pü mhatho thitsü süto, kemezilü thi mejü vato; cejülü mhatho Niepoo thi meze sütato.

²⁹Isaiah hijü saju poketabi, Niepoo krodeko mhace uko meha sükemo sa uko Sodom m Gomorrah bitato.

³⁰Uko süsa kedipü pota? Israel kemoko mezi kemo kemejiko kemezi meji vorita, kemelü kemeziko zo sheri mejita.

³¹Vele Israelmi kemezi thezho kezüko kemezi thezholü ba mote.

³²Dipüla mota? Kekrelamori uko kemelü khimo ketala, vele uko mhathoko lebi lizu thezhoko thita. Phezi kemesü tsüoyo uko phe meshü ve.

³³Hizi tho meta, Hihe, I Zionlü ketsüpü shümeta, süolü miko phe meshü tato, minümo kethi tsü; somi pü melüyi mo sheri thenga thi taho.