Read Chokri Naga CORINTHMIKO KÜRAO 11 Bible Online

CORINTHMIKO KÜRAO 11 - Chokri Naga bible

CORINTHMIKO KÜRAO 11

¹Neko asameji yite, I sheri Khrista meji keta bi.

²Tsühi I neko chu süyo, azüneko, neko mha metülü a rekra kebala, kesüzho I khapü neko ketsü bi.

³Vele thüma kehopü pi sheri thepio sü Khrista zo, mu thenomi pio sü thepumi, mu Khrista pio sü Jihova zo.

⁴Thüma kehopüri kecho kethice mu saju kepoce upi hupü, süo püpi rho mote.

⁵Vele thenomi kehopüri kechothi mu saju poti upi hupü mo (hepü) keba upi rhomo, kekrelamori süo püpi tha keva bi ketala.

⁶Mhace thenomi upi humo lize püpo upitha vate, vele mhace thenopü upitha menga lize püpo püpi huyi te.

⁷Thepumi upi huzü mozo, pü Jihova zapozale hü tila, vele thenomi thepumi la zapozale.

⁸Thepumi sü thenomi lamo, vele thenomi thepumi lazo.

⁹Mori thepumi thenomi la thi sümo, vele thenomi thepumi la thisü.

¹⁰Mha hio la thenomi keku upiyo ba, kekrelamori tüyo jüyimi la.

¹¹Kemosa thepumi thenomi samo, mori thenomi thepumi samo, Niepoo celü.

¹²Thenomi sü thepumi la mu thepumi sheri thenomila; vele metü Jihova zhü.

¹³Neko mhape süte, thenomi upi humo de kecho kethi pe züve me?

¹⁴Süculü (hülü) zho sheri neko methasümome? Thepumipü upitha kecho püta lize püla thenga ta mome?

¹⁵Vele theno mipü pü pitha kecho püta lize püla thechutherho, kekrelamori püpitha pü pühuyi ketola.

¹⁶Vele thüma hu mhace kemeli nyüta lize, hako thezho siziti bamo; mori Jihova kehuce kolü.

¹⁷Tsü mha hiola I neko chumo keta, kehala kesü, neko mha veku tila tavo kenguyi kemo, vele suku keta,

¹⁸Theralü neko tavo kehucelü kengu keyi ce, I sekeba neko dolü kelakre ba ketapoba mu I süo (melüte) ketüpü melü bate.

¹⁹Neko dolü ketherati bata metsete, züyi ketako utho uthi kerekrü ba keta, neko dolü.

²⁰Neko tavo thethi pülü kengu keyice, hio tülü mha keti tümo, Niepoo kerakra co la.

²¹Kekrelamori kehopüri pütho hi mhüjü mha tiyi ketola; mipü meri ta lize, mu kekremi pü mezüta.

²²Dipüla? Neko bamo netho nece lü mha keti mhakra ketola mono Jihova kehuce meshu (rhomo) süyo me? Mu thenga kha ba kemoko tsü sü züme? I dipü neko ce pota? I neko chusü tomo mhahiko la? I neko chu mo. (Niepo Miz püco mu pütü kethi)

²³Kekrelamori I Niepoo celü ngo keyi I khapü neko tsü süyo. Niepoo Jisu tüzü ta keta zi pü tsükhri püyi.

²⁴Mu pü kemeza (kethezü) khasü kevasa pü süo cephro sü de poti, “khiyite, püti yite, hiohi aphozo, adophro pü neko la kha kesü, mha hiohi thite a rekra ta ketola”

²⁵Süsübi pü teheo ri püyi süo püyi de poti, tehe hio jükho kesa, aza kha kesü, tsü kenu thithite neko kra keto hio, a rekrata ketola.

²⁶Neko tsü hio ketimetsü mu tehe hio kekra metsü, pü sü mese bazo, pü la vori kemothe,

²⁷Kehopü sheri kehopü ceri, tsükhri hio ti mu tehe hio kra tico pütü kemo thi ta lize, Niepoo za mu püthi püphoyo jo tato.

²⁸Vele thümapü putho pülü pü ketsote side tsükhrio ti mu teheo krate,

²⁹Pütü kemolü tso mode ti mukra pütho pü mejo tato, Niepoo thi püpho lü mo tisa.

³⁰Neko mha hiko la neko dolü thathi mu sürhomo tate, mu humi sa ri te.

³¹Kekrelamori uko utho usheco thizori, mipo uko sheco kethi mesümo.

³²Vele uko utho usheco thi zori, Niepoo uko metha (kethipü), side cejüo po uko mejo vamo ketola.

³³Süla azüneko neko tavo kengu yide ti ketoce, hunehu fü meri süte.

³⁴Mhace humi meri ta lize püpono pücelü mhati merai tate; neko tavori tice kejo kemo thimo ketola, mhakekreko la I tavori tice atho mha pü lüpü püzhoko po süto.