Read Chokri Naga CORINTHMIKO KÜRAO 3 Bible Online

CORINTHMIKO KÜRAO 3 - Chokri Naga bible

CORINTHMIKO KÜRAO 3

¹Asazüjürako I nekoce rüpü zhüko poyi su, vele uthiumo laco, natsi miko ce kepo jü.

²I nojü khapü neko vathisü, themu khapü neko va thisümo, kekrelamori neko dolü tsüdo süko khiyiho, mori thiri yiho tila.

³Kekrelamori neko tsüri uthi upho medo kethilü bazolu, mhakemenyü kesoti ba, kelalati, süla neko uthi upho lüdolü tazo side thüma zhorele lü hübata mome?

⁴Neko humi poti, I Paul ceco, mu kekreo poti I Apollo ceco, hihi neko uthi upho medolü bata mome?

⁵Paul sü sopü mu Apollo sü thüma sopü, vele uni yithomizo, uni yono neko melüyi, Niepoo khapü thüma püpü tsü kesü bi?

⁶I shusü, Apollo jüpü ketisü, vele Niepoo tho thekünma kesü zo.

⁷Süla shu kesüo zori mhapümo, mori jü khipü keti kesüo zori mhapüri zomo, vele Jihova thekü nmasü.

⁸Tsühi, shu kesüo mu jü chu kesüo uni mipüzo; thüma keho püsheri utho uzhokhro ngo yito, pü dipü bide mhatho thi sheri.

⁹Kekrelamori ukometü kezü Jihova yitho mizo, neko Jihova yi kefü mizo, neko Jihova cetho mi phrüzo.

¹⁰Jihova phikemezhe khapü aketsü cekethi krüta keve mipü, I pübodü shudüsü, mu kekre miko süyo thi. Vele kehopü sheri mhalü menute, pü dipü bide mhathi yo sheri. (Bodü pü lebi)

¹¹Kekrelamori bodü süo zo kemo sa, kekremi shudü sala yo tila, Jisu lebizo.

¹²Tsühi, humi bodü kethi suna, raka, ketsü pümakerü, sü, mu nicu;

¹³Thüma kehopü sheri pü mhatho mengo sü zoto, kekrelamori tüsozhopü vori ketola; mu süo mepü thüsü peto, mu thüma kehopü mhatho sheri melü rü kesüce seyi mu ngo yito.

¹⁴Mhace mha kethi mipü ce kethi zholü thi lize, pü zhokhro ngo yito.

¹⁵Mhace pümhatho tova lize, pü ka tato; vele pütho pü kela yito, vele melü rüpü peto.

¹⁶Neko Jihova kereshüce ziti semo zome? Jihova Rüpü neko lü hütayo ziti.

¹⁷Mhace thüma humi Jihova kereshüce thi merho tayo lize, Jihova pü meka vato, Jihova reshüce mesa, neko reshüce süo zo.

¹⁸Thüma kehopü pori pütho püshu menyo va hite. Mhace thüma humi cejülü mhase mu tsü lize, püpo kenyomi thi tate, sizi lize pü mhakesemi pü thite.

¹⁹Kekrelamori cejü hilü mhase Jihova la kenyo püzo. Kekrelamori hiziti thopü meta, Pü mhakeseko dokerü khi yite.

²⁰Mu süsa sheri Niepoo mhakeseko kelü sebate, mu süko kemethu thite.

²¹Süla thüma kehopüri thüma la zapozale thiba hite. Kekrelamori mha metü püzhü tila.

²²Paul la sheri, mori Apollo la sheri, mori Cephas la sheri, mori cejüo la sheri, mori kerhümi la sheri, mori kesa la sheri, mori tsüdo mha kebako la sheri, mori hisa vori keto mhako la sheri, mhapüri mozo, vele püla zo.

²³Neko Khrista zhü zo, mu Khrista sü Jihova zo.