Read Chokri Naga CORINTHMIKO KÜRAO 8 Bible Online

CORINTHMIKO KÜRAO 8 - Chokri Naga bible

CORINTHMIKO KÜRAO 8

¹Tsühi mha khapü therümarhe reshü kevako la uko metü se bate. Mhase uthi kerekrü sü, vele mikekhrü mhathi kezüve süyo.

²Mhace thüma humi mhahü se bale lüta lize, pü mhase kezü sheri se ba mo zolu.

³Vele humi mhace Jihova khrü ta lize thüma sümi utho use bate.

⁴Mha khapü therümarhe reshü keva keti la, uko sekeba marhe sü mhapüri zomo cejülü therü kekre bamo, mipü lebi zo, (Jihova zo)

⁵Kekrela mori mhakehopüri cüpü Jihova le zi keta, tülü sheri mu cejü lü sheri therü kekro ba mu niepo sheri kekroba.

⁶Vele ukola Therü pü lebi uko Po püyo mha metü ba, mu uko ulü ba; mu Niepo Jisu Khrista pü lüba, püyo mha metü ba, mu uko püyoba.

⁷Siri thüma kehopüri se bamo, bavüdo hilü ketso humi therü marhe reshü keva zhü lü mode ti tazo, uko lü kelü thathi mu merho ve.

⁸Vele themu ukechüpü Jihova ce sümo, mori uko themu keti la mice veku tamo, mori uko themu timo ketala thathi ku tamo.

⁹Vele menu neceriyi te, pü co keho püla zo sheri, n kekha kedila, n yo n lano, miphe kemesü thi ta to kemelü kethathi kola.

¹⁰Kekrelamori mhace thüma hu therü marhe celü n ngosü lize, ketico ti kebace, uko kelüthi kethepu sü uko po (kemelü kethathiko) therü marhe reshü keva ketico ti tato.

¹¹N mhase sülü n sazüo kemelü kethathio po kata to, püla Khrista sasü zori.

¹²Vele neko sübi kephoma thisü n sazüo metsu sü, mu kemelü kethathi kelü thi kesüla neko kephoma thipü Khrista metsu süte.

¹³Süla mhace ketico püla nsazüo po jota lize, I themu timo tato, cejülü kebace, sizi kemosa asazüo po jota ze kesu la.