Read Chokri Naga CORINTHMIKO KÜNAO 12 Bible Online

CORINTHMIKO KÜNAO 12 - Chokri Naga bible

CORINTHMIKO KÜNAO 12

¹Kümüha morive, sülü küprakümve pühri bamo tsüla, vele vemho Nyepoo khi amüka küsü posü to.

²Khrista ceco thüma püh tücie kürinda vo kütace zü tü hasüh-o lü kho, thümoo same samosü I shemo Nyepoo tho küsheo.

³I thüma si kütsü she thümoo same thümoo samo shi I shemo Nyepoo Jihova tho küsheo.

⁴Sino poshü kütsü khü kropüh she, thüma po poshü kütsü khü.

⁵Thüma hio sühlü I kümüha to: vele utho uceco kümühayi ho, a thathio lüzo kümosa.

⁶I kümüha nsa zori I kümülo mi bi ho, kükrelamole I küthoo poto. Vele I sülü a küthüyi te, sino mipo a küngo mu a khü küsheo pi alü mükho ta mo kütola.

⁷A po mha tha aka küsüko lü alü müzhori ta mo kütola tsahu püh püh athi lü süve Satan choyimi po amüthi süto no apo athi müzhori ta mo küto la.

⁸I Nyepoo ce vasüh cho, hio khiva no sideno.

⁹Vele pü ace po kütsü, “A ngokümüzhie sü n la tsühzo, a kükuo no küthathi thipü ve zhochüyi yo tsüla.” Süla I athathio lü kümüha tsü anüpüte, Khrista kükuo po ayo bayi to tsüla.

¹⁰Süla I Khrista lano thathi, thatha lü, mhakürü, kümüthikümünyi mu zhoswü pü kütsü anüte, süo I thathi kübace ku batayo tsüla.

¹¹I nyoza te, nieko a kümu thipüh hilü süvae. I nieko celü thüchuh püyitsü müsüh, I mhathomharo mo vele apostle küzhothoko cieri tsüpü chiemo.

¹²Apostel kütho zasi tha nieko ka süte sügüsühü, zasiko mu ungomhathoko mu küku mhathoko lü.

¹³Nieko mha dipüh lü kühu kükreko cethathipüa? I apüh nieko müzhie thi kümoomho. Hihi la a küjo vasüte.

¹⁴Hei tsüo va hi nieko cie votoleno kürüde kütsü va süh-o taho. Mu I nieko müzhie thiho, kükrelamole I nieko mha phuzü mo nieko phuzü tsüzo; ununie po ukrünie ve müdo mole ukrünie po ununie ve müdoyo tsüla.

¹⁵I a nüsai no kütsisü to nieko la kütsi süto, I nieko khrü mükropü mu nieko a khrü mütsapü to me?

¹⁶Ala nieko püh thimo tsü lüyi, nieko po kütsü ado veno thüdo püh nieko tüyi tale siyo.

¹⁷I humi kütsü püh nieko ce küsüce nieko yo küprakümve hu ngoyi ta me?

¹⁸I Titus kütsü sü, uzümi püh sa kütsüsü. Titus nieko yo kütüpro ta me? Hani ropü pühlü mhathi mo me? Hani phecie kümhano ta mome?

¹⁹Hie hatho hayoyi küto lü yotho sino lü ba me? Ha Khrista yolü no Jihova mhüdzülü poyo. Ha mha kühopüh thiri nie thi mveyi küto la zo.

²⁰I müprü küba a küvoce nieko a medo bi ba ngoyi mo mori nieko angopüh nieko müdo biyi mota sino kümüli, huhu ngo uro, lükhulüha, küzüküshü, uzhozhü külü, huhu tha, Sali thi, ko küka mu kübvü kütsü süh küta müprü.

²¹I laküvoice a Jihova po athi kürünu no apo hidzü phoma küva müsakümo, peü, mu küthünga mhathoko lü rüdeyi kümola apo uko kri zo küta müprü.