Read Chokri Naga CORINTHMIKO KÜNAO 3 Bible Online

CORINTHMIKO KÜNAO 3 - Chokri Naga bible

CORINTHMIKO KÜNAO 3

¹Hatho ha zhopo thi swudü la tome? Me kropüh thiyo tsübi ha zhopo lüsi püh tsü mori niece püh mozho shü me?

²Nie ha zhopo lüsi ha mülü lü thopüh kütako zo süo thüma mütü po she mu phriyi küto la.

³Mo nie Khrista yolü ha zhopo lüsi, lüsidzü püh rhemo vele rhü tayo küzho Jihova ropü yolü thoyi, kütsüyo mo vele nie mülü lüthoyi te.

⁴Si kütsü Khrista yo ha kümülü Jihova yo nyiete;

⁵Süo ha cieco ha küve nyiete sitsüo mo vele ha küve süo Jihova cielü küvo zo.

⁶Pü ha thipüh dzütsüdzükho küsao yitho thisü; süo lüsikho mo vele ropü lüno; kükrelamole lesikho mha thikhri vayo vele ropü kürhü khasüyo.

⁷Siyo kha kürüh vaküto küsa yithoo kütsülü tho küsüo thürho vepüh kümüre thi Israelmiko pa Moses zü küveo mürayi kündi küthio,

⁸Ropü yithoo didüpüh süce thürho nyiepü ta?

⁹Süla kümüjo chothoo zori u thürho nyie tsüsa, kümatho yithoo sücie thürho nyie küchüh moto me?

¹⁰Küra pü thürho küba süo dite kükrelamole süce thürhopü tsüo vo kütala.

¹¹Thimüdi küvao thori pü thürho nyie lezho basüh kütoo sücie thürho nyie rükri.

¹²Ha saju si kütsü nyie kütsüla mükrü chiemono dzüpo tayo.

¹³Süo Moses-e no mhapüh püzü yoyi ta no Israelmiko pono külalü thürho küveo di kütsü ngomo kütao bimo.

¹⁴Vele uko lü thimürüh vano uko dzükho küvüo phri kütsüce küyo süo thari bayo zo, küyo süo Khrista yo khiva yo.

¹⁵Vele tha kütsori Moses küphri ce küyo süo uko mülü yopüh bayo.

¹⁶Siri Nyepoo cieco va kütasa küyo süo khiva yo.

¹⁷Siyo Nyepoo sü Ropü zo, mu Nyepoo Ropü kübara, u kükha di tayo.

¹⁸Mu uko mütü uzü yo mono khriva lü küngo bi Nyepo zale ngo no süo uthi küdepüh pü rhü bi mama thapühlü kükrepühlü payiyo, süo Nyepoo celü vori sü Ropüo.