Read Chokri Naga Galatiamiko 3 Bible Online

Galatiamiko 3 - Chokri Naga bible

Galatiamiko 3

¹O kemelü Galatiamiko, sopü neko kedo va side neko ketho jüzü thi mota, Jisu Khrista mhüjülü thaka kesü kha Cross yo gu sala tozüme?

²Mhahio I neko celü lebi sekeyizo, neko Kemesa Rüpü ngokeyi thezho kezülü me? Mori kemelü reni keyilü ta?

³Neko melo shu bateme? Kemesa Rüpülü shudüyi side neko uthi upholü thitsütso sü tüme?

⁴Neko mhakekrolü kemezhe kesü kemethu lü teme mhace süo tsühi kemethu thi teme?

⁵Pü Kemesa Rüpü mhatho thi kesüo, mha ungo thisü neko dolü; süo thezho kezülü thi sümo, mori kemelü reni kesülü thi süta?

⁶Abraham Jihova melükeyi, mu pü phipü kemezimi thi keyi.

⁷Kemelü ketako sheri phripü Abraham nuneko thi keta neko se batho.

⁸Ketholesi hijü popü kemeta Jihova tho therünamiko kemelülü thi kemathoyi keto jüyikeve Abraham ce zhopo thi kesü mhüju n yono shuye metüpo thejo ngoyito siti popü meta.

⁹Süla uko kemelü lü ketako Abraham kemelü kevelü thejo ngoyi te.

¹⁰Kekrelamori thejoo lü mhathi ketakhü thezholü reshuve, thopü kemeta, kehopüri thezho metü thitsomo ketami thezholü thopü kemeta reshu sümi yo ku tato.

¹¹Vele mipü sheri Niepoo mhüngoce thi kematho sümo, süo sizi tüzo, sejomo, kekrelamori “kemathomi kemelü la hüyi to.”

¹²Thezho sü kemelü me, vele thümao süo zü mu thiketako hüyi to.

¹³Khrista thezholü reshu pü ketako uko phorha thisü, pü thipü uko la reshü kepü thisü, süo thopü kemeta, “kehopüri süyo kegumi po reshu kepüo thite,”

¹⁴Sizi keyilü Abraham thejo po Gentilemi yo vori ketola Khrista Jisu yolü no: sizi keyilü ukopo reshujü thipü kemeta Kemesa Rüpü ngoyi ketola.

¹⁵Asazüjürako, I thüma zhorelelü jüpo ba; süo sizi sheri I thüma jü kholü siri mhace süo kethota lize, thümapüri süo kedeva, mori thi medi keva thita ho; mori sa mekro ri süho.

¹⁶Tsühi Abraham mu pütsa la thejo reshujü khameta, pütsa kekrola mo vele püsi pülazo, mu usi süo Khrista zo.

¹⁷Akepo, jükho hijü kethozo ti mesekesü, Jihova Khrista lü ta, thezho tetse krada sümeri keta sari süo thi rede (medi) vamo, side jükha kesü süo mhapüri mo keta thimo.

¹⁸Kekrelamori mhace kalü süo thezholü ta lize, süo jü reshu khakesü lü mote; vele Jihova jü reshu kesü thipü Abraham tsüsü

¹⁹Size dipü la thezho choyi thiba? Süo sakesü kekrelamori vajoketako thipü popü kemeta lü voriyi ketola, mu süo tü mu cejü ni dolü choyi kethiko belü süculü thopü kemetala; tüyochoyimiko belü.

²⁰Tümu cejüni dolü choyi kethi süo mipü zomo, vele Jihova sü pü lebizo.

²¹Thezho Jihova jü khakesü reshu süo metsu teme? Keni (motozo-Jihova po süo khavate). Kekrelamori thezho khakesü hüyi ketola lize, kemezi sü thezho kha kesü lazo.

²²Vele ketholesi metüko phoma keta posü ve, Jisu Khrista melü keyi lü reshujü khasüko tsü ketola.

²³Vele kemelü kevori mhüjü uko thezho khro tata, hisa laco kehala sü keto kha me tata.

²⁴Süla thezho sü lesicelü uketha mi akhi püvo Khrista celü sü ketoo, side kemelü lü uthi kemathoyi ketola

²⁵Vele kemelü vori ketasa uko lesicelü kemetha khro bamote.

²⁶Kekrelamori neko metü Jihova nune thite, Jisu Khrista melü keyi lü.

²⁷Kekrelamori neko thüma kekro Khrista yolü jülopüyi mu Khrista thi beyite.

²⁸Sülü Jew mori Greek kekremote, mori thejümi mori ukekha kedimi kekremo, mori thenomi mori thepumi kekre mote, kekrelamori neko metü Khrista Jisu lü püthi ketala.

²⁹Mu mhace neko Khrista zhüta lize neko Abraham tsa (si) kote, mu pü kelü ri tazo püpo keta jülü.