Read Chokri Naga EPHESUSMIKO 2 Bible Online

EPHESUSMIKO 2 - Chokri Naga bible

EPHESUSMIKO 2

¹Mu püe nüko küjo küthi mu küphoma lü sa küzüko thi mürhü süve.

²Süyolü nüko vapüh cedzü-o zhozüh tükhralü küta küku küde nuko zhozüh mu ropü tsüdo dzüzühthiyimo küta nuneko yolü mhathi kütayolülhüta.

³Süko dolü ukoyi vapüh uthi münyiko lülhü, thiyo külümünyiko thide, kükremi kümha lükhuo nuneko thi tate.

⁴Veli u Jihova ngokümüzhe mu pü kükhrü küzhona uko khrüyite.

⁵Uko thüzho küvarhü na sa kütalü Khrista zühde uko thi mürhühyi mu pü ngokümüzhelü uko külayite.

⁶Pü zühde uko phuyi mu uko po Khrista Jisu zühde pü kübathi tüyolü bayi küve thisüte.

⁷Side thasa külhüko po uko yolü Khrista Jisu na püe ngokümüzhe zhophi küsü mu pü kütsüküveko ngoyi küto na.

⁸Kümülü na ngokümüzhe lü nüko külayi nüko küve namo veli Jihova müthu kha küsü nazo.

⁹U mhatho na mo side mipühyi po kümüko tamo küto na.

¹⁰Kükrenamoli uko-e pübe mhathokozo, Jisu Khrista yolü uko pomhatho küveko thiyi kütona, süyo na u Jihova müdzümüra uko posülü tayi küto küsüh püh mütate.

¹¹Süna nüko rükra süte vapüh thi yolü Jewkümomithi, thübe püh küthithiyolü ugi rühkümomi thi.

¹²Sütüce Khrista küdimi, rüso thide pü ceneko Israelmi züh kürhühmo, popühküta dzütsüdzükholü rüvümi thide ukümüri di, cedzülü u Jihova küdi mi thita.

¹³Vapüh nüko Jisu Khrista zühde kümüno tamo veli Khrista zana nükozühde pü müno vote.

¹⁴Püe uko na küzühküveo pütho ukodolü külakre kütsü sajoyo dophro vade mütü po püh thiyi.

¹⁵Thüzho lü thimo lizo küsuko na küngomu küta pü thi yolü süko khavade künani po thüma küsa thide püyolü püh thi mu küzühveyi.

¹⁶Side künani po u Jihova zühde cross yolü thümo püh thiyi kütona küngokümuo müsave.

¹⁷Mu püe vode püzüh kümüprüh kütako yi mu kümüno kütako ceyiküzühküve püh zhopo thisü.

¹⁸Süna püyolü uko mütüpo Ropü pühlü u Jihova ce voyi küve thiküyizo.

¹⁹Süna tsüyo nüko rüsomi mu rüvümi mote, veli kümüsako zühde thüyepüh mu u Jihova cekrolü piphi miko thite.

²⁰Apostelko mu sadzuküseko pümeo ju küsü ce yolü uko bayi mu Jisu Khristae ce sülü ukülü tsü küzhoo thiyi.

²¹Pü yolü ce photü kükhü kürüh pü Nyepoo na kümüsa rüsuce pühthiyi.

²²Pü yolü nükoyi Ropü lüno Jihova po ba kütsü ce püh thiyite.